2 Bakalenga 2:9 - MUKANDA WA MYIDI MUKULU

⁹ Bobu bamane kusabuka, Eliya kuambila Elisha ne: — Undombe tshiudi musue, bua meme kukuenzela, bangabanga ne Maweja-Nangila kungambula, bua tuetu kushiyangana nebe. Elisha kuandamuna ne: — Ndi musue kupiana mueyelu webe wa buambi misangu ibidi bukole buawu. Eliya kumuandamuna ne:

Mukanda wa Nzambi Dihungila Dikulukulu ne Dihungila Dihia-dihia 2003

⁹ Hakasabukabo, Eliya wakambila Elisha ne, Ulombe tshindi mua kukuenzela diambedi tshiyi muanze kubandishibua kudi Elisha wakamuambila ne, Ndi nkusengelela ne, Witabushe bua bituha bibidi bia nyuma webe bikale kundi.

2 Bakalenga 2:9 ပူးပေါင်းရင်းမြစ်များ

1 Bakalenga 19:16

Pashishe, uye ujidile Yehu, muana wa Nimshi, bua ikale mukalenga wa bena Izrayele. Ujidile kabidi Elisha, muana wa Shafate, wa mu musoku wa Abele-Mekola bua akupingane mu mudimu wa buambi.

1 Bakalenga 3:9

Nanku, Maweja-Nangila, anyisha umpeshe lungenyi lukumbane bua meme kulombola bantu bebe, ne bua kumanya malu mimpe andi mua kubenzela, ne mabi andi ne bua kulekela. Kuyi muenze nanku, kakuena muntu udi mua kulombola bantu bebe bungi nunku to.

Misambu 72:1

Wa mu mikanda ya Shelomu. Mvidi Mukulu wanyi, upeshe mukalenga meji, akose nsambu pa yoyi bu muudi uyikosa. Upeshe muana wa mukalenga lungenyi, alonde dikasa diebe.

Misambu 72:20

Ke ndekelu wa misambu ya Davide, muana wa Ishayi.

Zekâya 12:8

Pashishe Maweja-Nangila neambuluishe bena Yerushalayime: badi kabayi ne bukole munkatshi muabu, nebapete bukole bu bua Davide. Ndelanganyi ya Davide neikale bu Mvidi Mukulu wabu, bu mudi mutumibue wa Maweja-Nangila udi wenda kumpala kuabu.

Zekâya 9:12

Nuenu bena lukanu badi mua kutekemena lupandu mpindiewu, pinganayi mu tshimenga tshienu. Mbamane kuibakulula bimana biatshi. Mpindiewu ndi nnuambila ne: nennuvudijile disanka dipite misangu ibidi dikenga dinuvua nadi.

Dibadika 11:17

Meme nempueke muaba awu bua kuyukila nebe. Bukole bua Mueyelu wanyi buudi nabu, nembuabanyine kabidi bakulu abu tshitupa. Nanku kuakuikala nkayebe ne mudimu wa kulama bantu. Bakulu abu nebakuambuluishe.

Dibadika 11:25

Maweja-Nangila kupueka mu divuba bua kuyukila ne Moshe. Kuabanyinaye bakulu ba bena Izrayele abu, tshitupa tshia bukole bua Mueyelu wende, buvuaye mupeshe Moshe. Bakulu bamane kupeta Mueyelu wa Mvidi Mukulu, kutuadijabu kuakula bu bambi. Kadi kabivua bitungunuka to.

Yowanane 16:7

Kadi ndi nnujadikila ne: buenu nuenu bidi bimpe nye. Bualu meme tshiyi muye, udi mua kunuambuluisha kena ufika kunudi to. Kadi meme muye, nennutumineye.

Bienzedi 1:8

Kadi nenupete bukole, diba dianupuekela Mueyelu wa Tshijila. Nanku nenumone mua kujadika malu anyi mu Yerushalayime, mu ditunga dijima dia Yudeya ne dia Samariya, kabidi too ne ku ndekelu wa buloba.

Bienzedi 8:17

Nenku Petro ne Yowanane kubatenteka bianza. Kupetabu Mueyelu wa Tshijila.

1 Korente 12:31

Nanku kebayi mapa adi mapite makuabu. Kadi nennuleje mpindiewu njila udi mupite mapa makuabu onsu.

Dielulula 21:17

Nanku bua kuleja ne muana wa mukaji udiye kayi mupite kunanga ke muanabute, amupeshe bintu misangu ibidi, bualu mmuanende wa kumpala udi ne bua kuangata bumpianyi bua bumuanabute.

Dielulula 34:9

Yoshuwa, muana wa Nune, uvua muntu wa meji a bungi. Bualu Moshe uvua mumane kumujidila, mumutenteke bianza. Biangatshile diba adi, bena Izrayele bonsu kutuadija kuitaba bionsu bivua Yoshuwa ubambila. Kukumbajabu mikenji yonsu ivua Maweja-Nangila mubatumine kudi Moshe.

1 Timote 5:17

Bakulu badi balombola bimpe Tshisumbu tshia bena ditaba, mbakumbanyine mafutu misangu ibidi, nangananga badi batata bua kumanyisha bantu muaku wa Mvidi Mukulu, kubumvuijawu.