2 Bakalenga 2:3 - MUKANDA WA MYIDI MUKULU

³ Bantu ba mu tshisumbu tshia bambi bavua basombe ku Betele, bavua bebeja Elisha ne: — Udi mumanye ne: lelu Maweja-Nangila neambule mfumuebe Eliya mulu anyi? Elisha kuandamuna ne: — Eyowa, ndi mumanye bualu ebu, kadi puwayi!

Mukanda wa Nzambi Dihungila Dikulukulu ne Dihungila Dihia-dihia 2003

³ Bana balume ba baprofete bakadi ku Betele, bakalua kudi Elisha, bakamuebesha ne, Udi mumanye ne, Yehowa neumushe mukelenge webe ku mutu kuebe lelu, anyi? Yeye wakabambila ne, E, ndi mumanye, nuanji kuhuwa.

2 Bakalenga 2:3 ပူးပေါင်းရင်းမြစ်များ

1 Bakalenga 18:4

Pavua mukalenga mukaji Yezabele mushipeshe bambi ba Maweja-Nangila, Obadya uvua mupandishe bambi lukama, mubasokoke mu mbuebue: emu makumi atanu, emu makumi atanu. Mu mbuebue amu, Obadya uvua ubabadila biakudia ne mayi a kunua.

1 Bakalenga 20:35

Tshikondu atshi, Maweja-Nangila kutumina muntu wa mu tshisumbu tshia bambi diyi, bua kuambilaye muntu mukuabu wa mu tshisumbu atshi ne: “Ntuuta!” Kadi muntu awu kubenga kumutuuta.

2 Bakalenga 2:15

Bantu ba mu tshisumbu tshia bambi bavua mu tshimenga tshia Yeriko bavua batangila pa bule, bamone bionsu bivua Elisha wenza. Kuambilanganabu ne: “Mueyelu wa muambi udi ulombola Elisha.” Kuyabu kusambakena ne Elisha. Kumutuilabu mpala panshi,

2 Bakalenga 2:5

Bantu ba mu tshisumbu tshia bambi bavua basombe ku Yeriko, kusemena kudi Elisha bamukonka ne: — Udi mumanye ne: Maweja-Nangila neambule mfumuebe Eliya mulu anyi? Elisha kuandamuna ne: — Eyowa, ndi mumanye bualu ebu, kadi puwayi!

2 Bakalenga 2:7

Bambi bu makumi atanu bavua anu benda babalonda. Kadi bambi abu bavua bimanyine pa bule. Kabavua bafike muaba uvua Eliya ne Elisha bimane ku muelelu wa Yardene to.

2 Bakalenga 4:1

Mukaji mukuabu uvua mufuishe bayende. Bayende awu uvua wa mu tshisumbu tshia bambi. Mukaji awu kuya kudi Elisha, umusengelela bua kumuambuluisha, wamba ne: — Elisha, udi mumanye ne: bayanyi mmumane kufua. Kadi, muntu uvua mutusombeshe makuta, mmufike bua kuangata bana banyi babidi, bua bashale bapika bende.

2 Bakalenga 4:38

Tshikondu tshivua tshiyole tshia nzala mu ditunga, Elisha kupingana mu tshimenga tshia Ngilgale. Kubikidishaye tshisumbu tshia bambi. Kuambilaye muena mudimu wende ne: — Teka luesu lunene pa kapia, utulambile nsupu.

2 Bakalenga 5:22

Ngeyazi kuandamuna ne: — Malu mimpe. Mfumuanyi Elisha mmuntume anu bua kukuambila ne: bantu babidi ba mu tshisumbu tshia bambi, mbafike ku nzubu kuende, bafumine mu buloba bua mikuna ya Efrayime. Elisha udi ukulomba bua ufumine bambi abu biamu bitoke bia mushinga mukole kilo makumi asatu, kabidi ne bilamba bibidi bia kuvuala dituku dia tshibilu.

2 Bakalenga 6:1

Dituku dikuabu, bantu ba mu tshisumbu tshia bambi, kuambila mfumuabu Elisha ne: — Tangila nzubu utudi badisangisha nebe ewu, kena mutukumbane to. Udi mupite bukese.

2 Bakalenga 9:1

Dituku dikuabu, muambi Elisha kubikila nsongalume wa mu tshisumbu tshia bambi, kumuambila ne: — Udilongolole, ndi nkutuma ku luendu. Angata kalondu ka mafuta a tshijila aka. Uye mu tshimenga tshia Ramote mu ditunga dia Ngilaade.

Yeshaya 8:18

Meme ne bana badi Maweja-Nangila mumpeshe, tudi bimanyinu bidi bilongesha bantu mu Izrayele malu a kudi Maweja-Nangila muena bukole buonsu, udi usomba mu nzubu wende pa mukuna wa Siyone.

Amosa 7:14

Ke Amosa kuandamuna Amashiya ne: — Tshiena muambi udibu bafuta nansha. Tshiena muntu uvua mu tshisumbu tshia bambi. Nyama indi mumune, ne bimuma bia mfiku bindi mpeta ku mitshi yanyi, ke bivua bindisha!

Bienzedi 22:3

— Ndi muena Yuda. mBandele mu Tarse wa mu Silisiya. Kadi ndi mukolele mu Yerushalayime emu. Ngamaliyele, ke uvua mundongeshe bimpe bitambe mikenji ya bankambua betu. Mvua mukuatshile Mvidi Mukulu mudimu ne disuminyina, amu munudi nuenu bonsu benza lelu.

Dielulula 33:3

Maweja-Nangila mmunange bisamba bia bena Izrayele. Udi ukuba bonsu badi bamuitaba, bimane ku makasa ende bua kumvua mibelu yende.

1 Samuele 10:5

Pashishe neuye ku Ngibeya-Elohime, muaba udi bamfumu ba bena Peleshete. Pawafika pabuipi ne tshimenga, neusambakene ne tshisumbu tshia bambi, bapueka ku muaba wa tshijila. Kumpala kuabu nekuikale bantu badi bimba lunzenze, bimba ngoma, bela nshiba, bimba ne lunkombe. Bambi abu, nebikale baja maja, bela mbila.

1 Samuele 19:20

Shawule kutuma kabidi bantu bua kukuata Davide. Bantu abu bamone tshisumbu tshia bambi ne mfumuabu Samuwele, bikale baja maja, bela mbila, Mueyelu wa Mvidi Mukulu kubatulukila. Kutuadijabu kuja maja, kuela mbila.