2 Bakalenga 2:24 - MUKANDA WA MYIDI MUKULU

²⁴ Elisha ukenzakana, kubamona. Kubatshipaye mu dina dia Maweja-Nangila. Ke nyama ya lonji ibidi kupatuka mu ditu, kushipa bana ba balume makumi anayi ne babidi, kubasunsula.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Yeye wakatshunguluka, wakabatangila, wakabela mulau mu dina dia Yehowa. Bakashi ba ours babidi bakaluhuka muitu, bakahandangana bana ba balume makumi anai ne babidi bakadi munkatshi muabo.

2 Bakalenga 2:24 ပူးပေါင်းရင်းမြစ်များ

Genese 9:25

Kumuelaye mulawu wamba ne: “Kenaane ikale muena diakabi! Ikale mupika wa bana babu.”

2 Samuele 17:8

Wewe udi mumanye tatuebe Davide bimpe ne bantu badiye nabu: bonsu mbena mvita ba bukitu. Badi ne lonji bu nyama ya nkashama, padi mamuende mujimine mu tshisuku. Kabidi tatuebe mmuena mvita, kena mua kulala muaba umue ne bena mvita bakuabu to.

1 Bakalenga 13:24

Awu kuya. Pavuaye mu njila, kusambakenaye ne nyama wa ntambue. Nyama awu kumushipa. Tshitalu tshia muambi kushala panshi mu njila. Kadi, nyama wa mpunde, ne nyama wa ntambue, kushala mimane, ewu ku luseke lua tshitalu, mukuabu ku luseke.

1 Bakalenga 19:17

Bantu bikale bapanduka mu mvita ya Azayele, Yehu neabashipe. Bantu bikale bapanduka mu mvita ya Yehu, Elisha neabashipe.

1 Bakalenga 20:36

Pashishe, muntu wa kumpala kuamba ne: — Bu muudi ubenga bua kutumikila diyi dia Maweja-Nangila, anu wewe umuka muaba undi ewu, nyama wa ntambue neakushipe. Nanku muntu awu uya mu njila, kusambakenaye ne nyama wa ntambue. Nyama awu kumushipa.

2 Bakalenga 2:25

Pashishe, Elisha kuya ku mukuna wa Karmele. Umuka ku mukuna wa Karmele, kupinganaye mu tshimenga tshia Samariya.

Ekesode 20:5

Kukukuidi mpingu ya nanku. Kuyitendeledi, bualu meme ndi Maweja-Nangila Mvidi Mukulu webe. Ndi musue kuikala Mvidi Mukulu webe, meme nkayanyi. Nennyoke bantu bonsu badi bankina too ne ku ndelanganyi yabu ya musangu muisatu nansha muinayi.

Nsumuinu 17:12

Bidi bimpe kusambakena ne nyama wa lonji uvuabu banyenga bana bende, pa mutu pa kusambakena ne tshidingidingi tshia kalanda-musenga.

Nsumuinu 19:29

Bena ditambisha nebabanyoke. Muntu mutatakane nebamutuute.

Nsumuinu 28:15

Mfumu wa tshikisu udi ne bumfumu mu tshisamba tshia bantu bapete, udi bu ntambue udi ukungula, bu nkashama udi ukeba tshiakudia tshiende.

Yirmeya 28:16

Nenku Maweja-Nangila udi ukuambila ne: kuena kabidi ne muaba pa buloba apa to. Neufue tshidimu etshi katshiyi tshianji kujika, bualu udi usaka bantu bua batombokele Maweja-Nangila.

Muadi 3:65

Neubuikile lungenyi luabu. Mitshipu yebe neibenzele bibi.

Osheya 13:8

Ndi nnubunda, mudi nyama wa nkashama wenza, padibu bamunyenga muana. Nennusunsule tshiadi tshienu. Nebanudie kudi mbua. Nyama ya tshisuku neyisunsule bitalu bienu.

Lewitiki 26:22

Nentume nyama ya tshisuku, ishipe bana benu, ibutule bimuna bienu. Nenubutuke, mu njila yenu mushale anu mutupu.

Amosa 7:17

“Mukajebe neenze mudimu wa ndumba mu tshimenga tshienu etshi. Bana bebe ba balume ne ba bakaji, nebabashipe mu mvita. Bantu bakuabu nebabanyangane mpangu ne madimi biudi nabi. Wewe mene neufuile kua bende, mu buloba budi ne mikiya. Bena Izrayele, nebaye nabu ku bupika, mutantshi mule ne diabu ditunga.”

Marke 11:14

Yezu kutshipa mutshi awu ne: — Kashidi muntu nansha umue kena mua kudia bimuma biebe! Balongi bende bavua bamuteleja.

Marke 11:21

Petro kuvuluka bivua bienzeka, kuambilaye Yezu ne: — Mulongeshi, tangila mutshi wa mfiku uuvua mutshipe, mmumane kuuma onsu.

Bienzedi 5:5

Ananiyase umvua miaku eyi, kuponaye panshi, kufila. Bowa kukuata bantu bonsu bavua bumvua bualu ebu.

Bienzedi 5:9

Nanku Petro kumukonka ne: — Nudi bumvuangane bua kuteta Mueyelu wa Mfumu bua tshinyi? Ee, umvua, bantu bavua baye kujika bayebe bakadi bapingana. Badi ku tshiibi. Nebaye kukujika ne wewe kabidi.

Bienzedi 8:20

Kadi Petro kumuandamuna ne: — Wewe ne makuta ebe, nubutuke! Bualu udi wela meji ne: dipa dia Mvidi Mukulu tudi mua kudisumba ku makuta!

2 Korente 10:6

Nuenu bamane kuitaba Kristu muenu muonsu, netuikale nenu pabuipi, bua kunyoka bantomboji bonsu.

Balombodi 9:20

Kadi kanuyi benze nanku, kapia nekapatuke kudi Abimeleke bua kuosha bena Shekeme ne bena Bete-Milo. Kapia nekapatukile kabidi kudi bena Shekeme ne bena Bete-Milo bua kuosha Abimeleke.

Balombodi 9:57

Mvidi Mukulu uvua munyoke kabidi bena Shekeme, bua lonji lukole luwabu nalu. Manyoka onsu avua Yotame, muana wa Yerubaale, muambile bena Shekeme, kukumbanawu.