2 Bakalenga 2:19 - MUKANDA WA MYIDI MUKULU

¹⁹ Bena mu tshimenga tshia Yeriko kuambila Elisha ne: — Mukalenga wetu, udi mumone ne: tshimenga tshietu ntshiasa pa muaba muimpe. Kadi, mayi adi mabi kena mimpe to. Adi atudisha bantu ne nyama mafu mu ditunga.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Bena musoko bakambila Elisha ne, Mona, tudi tukusengelela ne. Muaba wa musoko wetu udi muimpe, bu mudi mukelenge wetu umona, kadi mai adi mabi, buloba kabuena bumenesha bintu bimpe.

2 Bakalenga 2:19 ပူးပေါင်းရင်းမြစ်များ

1 Bakalenga 16:34

Tshikondu atshi, muntu mukuabu wa mu tshimenga tshia Betele, diende Iyele, kuibakulula tshimenga tshia Yeriko. Kadi bionsu bivua Maweja-Nangila muambile Yoshuwa, muana wa Nune, kukumbanabi: pavuabu benza tshitaku tshia tshimenga tshia Yeriko, Abirame, muana wa balume, muanabute wa Iyele kufua; pavuabu bela biibi bia tshimenga atshi, Segube, muanende wa balume muana mukala kufua.

1 Bakalenga 18:13

Mukalenga wanyi Eliya, kabena bakuambila tshimvua muenze pavua mukalenga mukaji Yezabele ushipesha bambi ba Maweja-Nangila anyi? Kabena bakuambila mumvua musokoke bambi lukama mu mbuebue: emu makumi atanu, emu makumi atanu, mbapesha biakudia ne mayi a kunua anyi?

1 Bakalenga 18:7

Obadya ufika mu njila, diakamue kusambakenaye ne muambi Eliya. Obadya kumanya muambi Eliya. Kuinyikaye mutu panshi bikole kumpala kua muambi Eliya, umukonka ne: — Ewu mmukalenga wanyi Eliya anyi?

2 Bakalenga 2:18

Bobu bamane kupingana kudi Elisha mu Yeriko, kubambilaye ne: — Meme mvua mumane kunukandika bua kanuyi to!

2 Bakalenga 2:20

Elisha kubambila ne: — Elayi luepu mu dilonga dipiadipia, numpeshe. Kumupeshabu.

Ekesode 15:23

Kufikabu ku Mara. Kabavua mua kunua mayi avua muaba awu, bualu avua ne bululu. Ke pavuabu babikila muaba awu ne: Mara (mmumue ne: a bululu).

Ekesode 23:26

Mu ditunga dienu kamuakuikala bakaji batula mafu. Meme Maweja-Nangila nennushiye ne muoyi pa buloba matuku a bungi.

Ekesode 7:19

Maweja-Nangila kuambila Moshe ne: — Ambila Arone ne: angata dikombu diebe, olola tshianza ku mutu kua mayi onsu a mu Ejipitu, adi mu misulu, adi mu tusulu tukese ne adi mu majiba. Mayi onsu andamuke mashi. Mashi neikale mu ditunga dijima dia Ejipitu too ne mu nguvu ne mu mabungu.

Osheya 9:14

— Maweja-Nangila paudi musue kunyoka bena Efrayime, neubanyoke mushindu kaayi? Bakaji babu bikale ba nkumba, kabayi mua kuamusha bana.

Dibadika 12:11

Arone kusengelela Moshe, wamba ne: — Mukalenga wanyi, tudi bena tshibawu. Kadi ndi nkusengelela ne: Kutunyoki bua bubi butudi benze.

Dielulula 28:11

Panuafika mu ditunga divua Maweja-Nangila mulaye bankambua benu bua kunupesha, nenulele bana ba bungi. Bimuna bienu nebivulangane. Kabidi nenuikale ne biakudia bipite bungi.

1 Timote 5:17

Bakulu badi balombola bimpe Tshisumbu tshia bena ditaba, mbakumbanyine mafutu misangu ibidi, nangananga badi batata bua kumanyisha bantu muaku wa Mvidi Mukulu, kubumvuijawu.

Yoshua 6:17

Tshimenga etshi netshibutuke ne bionsu bidimu, bualu mbintu bia kulambula Maweja-Nangila. Nulekele amu Rakabe, mukaji muena tshiendenda, ne muoyi, yeye ne bantu bonsu badi mu nzubu muende. Bualu uvua musokoke batentekedi betu batuvua batume.

Yoshua 6:26

Tshikondu atshi, Yoshuwa kuyukila ne bena Izrayele, ubadimuja bua tshimenga tshia Yeriko, wamba ne: “Muntu wibaka kabidi tshimenga tshia Yeriko, bamutshipe kudi Maweja-Nangila. Padiye umbula mikidi ya tshimenga etshi, muanende muanabute asangane kufua anyee? Afue! Padiye wela biibi ku tshimenga etshi, muanende muana mukala asangane kufua anyee? Afue!”