2 Bakalenga 2:14 - MUKANDA WA MYIDI MUKULU

¹⁴ Kuambulaye tshinkutu atshi, kutuuta pa mayi a musulu, wamba ne: — Maweja-Nangila Mvidi Mukulu wa Eliya, udi penyi? Eyowa, udi penyi? Kutuutaye tshinkutu pa mayi a musulu. Mayi kupanduluka eku ne eku. Elisha kusabuka.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Wakangata tshikowelu tshia Eliya tshiakahona kudiye, wakatula ha mai, wakamba ne Yehowa, Nzambi wa Eliya, udi kudi kunyi? Hakatuteye ha mai, mai akahanduluka eku ne eku; Elisha wakasabuka.

2 Bakalenga 2:14 ပူးပေါင်းရင်းမြစ်များ

2 Bakalenga 2:13

Pashishe, kuangulaye tshinkutu tshivua Eliya mumatshishe panshi. Kupinganaye ku muelelu wa Yardene, kuimana.

2 Bakalenga 4:29

Elisha kukonka Ngeyazi ne: — Udi mumane kudilongolola bua kuya anyi? Angata dikombu dianyi dia buambi, uye ku Shuneme. Wewe musangile ne muntu mu njila, kuimanyi bua kumuela muoyi to. Padi muntu musue kukuela muoyi, kujimiji diba bua kuyukila nende to. Pawafika, uteke dikombu dianyi pa mpala pa muana.

Misambu 115:2

Bantu ba bisamba bikuabu badi bakonka ne: “Mvidi Mukulu wabu udi penyi.”

Misambu 42:10

Nenkonke Mvidi Mukulu, lubuebue luanyi ne: “Udi mumpue muoyi bua tshinyi? Ndi nkenga, tshiyi ne dikisha, bualu kaayi? Mudi baluishi banyi bankengesha nenku mbishi?”

Misambu 42:2

Bu mudi ngulungu udila, ukeba mayi mimpe a musulu, ke mudi muoyi wanyi ukujinga wewe Mvidi Mukulu wanyi.

Ekesode 14:22

Mayi awu, kupanduluka bu tshimana ku dia balume, tshikuabu ku dia bakaji. Bena Izrayele kusabuka ku makasa kume.

Yirmeya 2:6

Kabavua nanyi bualu, kabavua bebejangana ne: ‘Maweja-Nangila udi penyi? Yeye ke uvua mutupatule mu Ejipitu, mutupitshishe mu tshipela, muaba muume uvua ne mbuwa, muaba kauyi mayi, udi ukuatshisha bantu bowa, muaba udi muntu kayi upitshila, kayi wasa nzubu.’

Yowele 2:17

Batuangaji, badi bakuatshila Maweja-Nangila mudimu, badidile muadi mu nzubu wa Mvidi Mukulu, pankatshi pa tshibuelelu ne tshilambuilu, basengelele Mvidi Mukulu, bamuambile ne: “Maweja-Nangila, utufuile luse, tudi bantu bebe, kutufuishishi bundu, kuanyishi bua bantu batuseke, batukonke ne: ‘Tshidi Mvidi Mukulu wabu ubenzela ntshinyi?’ ”

Marke 16:20

Balongi kuya kulongesha miaba yonsu Lumu lua Disanka. Mfumu uvua ubambuluisha mu mudimu ewu, bua kuleja ne bivuabu balongesha bivua bia bushiwa ku bishima bivuabu benza.]

Yowanane 14:12

Ndi nnujadikila bulelela ne: muntu udi ungitaba neenze kabidi midimu indi ngenza. Neenze mikuabu mipite bunene, bualu ndi nya kudi Tatu.

Bienzedi 2:33

Mpindiewu udi muzanjike ku dia bukole dia Mvidi Mukulu. Kupetaye Mueyelu wa Tshijila uvua Tatu mulaye. Ke yeye kututuminawu: ke binudi numona, numvua kabidi lelu ewu.

Balombodi 6:13

Ngideyone kuandamuna ne: — Mukalenga wanyi, umfuile luse! Maweja-Nangila wikala netu, mutudi tupeta makenga onsu aa mbishi? Bishima bionsu bivua baledi betu batuambila bidi penyi? Bivua batulondela ne: Maweja-Nangila uvua mubapatule mu Ejipitu. Maweja-Nangila mmumane kutulekela bulelela. Mmumane kutufila mu bianza bia bena Madiyane.