2 Bakalenga 2:1 - MUKANDA WA MYIDI MUKULU

¹ Matuku a bungi mamane kupita, Maweja-Nangila kuambula muambi Eliya mulu mu tshipepela tshia mvunde. Bivua bienzeka mushindu ewu: Eliya ne Elisha kumuka mu Ngilgale, benda pamue mu njila.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hakafika tshikondo tshiakasungula Yehowa bua kuya ne Eliya mu diulu mu nvunde, Eliya wakafuma ne Elisha mu Gilegala.

2 Bakalenga 2:1 ပူးပေါင်းရင်းမြစ်များ

Genese 5:24

Yeye mumane kudisanga ne Mvidi Mukulu nanku, Mvidi Mukulu kumuambula, kuya nende, Enoke kayi umueneka kabidi pa buloba to.

1 Bakalenga 18:12

Kadi, patuikala bashiyangana nebe, Mueyelu wa Maweja-Nangila neuye nebe muaba mukuabu undi tshiyi mumanye. Pangikala mumane kuambila Akabe ne: muambi Eliya wafiki, pikalabu kabayi bakumona, nebanshipe! Meme Obadya ndi ngitaba Maweja-Nangila muanyi muonsu, biangatshile ku buana buanyi.

1 Bakalenga 19:11

Maweja-Nangila kuambila Eliya ne: — Patuka mu lubuebue, wimane pa mukuna kumpala kuanyi. Ndi musue kupita. Diakamue, tshipepela tshinene kutuuta bikole. Kupandatshi mikuna ne mbuebue kumpala kua Maweja-Nangila. Kadi, Maweja-Nangila kavua mu tshipepela atshi to. Tshipepela tshimane kujika, buloba kuzakala. Kadi, Maweja-Nangila kavua mu buloba buvua buzakala abu to.

1 Bakalenga 19:4

Pashishe, kuendaye mu tshipela dituku dijima. Kuyaye kusomba muinshi mua mutshi wa ngenete, ujinga mua kufua, wamba ne: — Maweja-Nangila, mpindiewu biantondi! Unshipe, bualu meme tshiena mupite bankambua banyi to.

2 Bakalenga 1:18

Malu makuabu a Akaziya mbaafunde mu mukanda udibu babikila ne: Malu adi bakalenga ba bena Izrayele benza.

2 Bakalenga 2:11

Patshivuabu benda bayukila, kumonabu ditempu diela ndimi ya kapia. Nyama ya tubalu ivua ikoka ditempu adi, ivua yela kabidi ndimi ya kapia. Nanku, ditempu adi ne nyama ya tubalu, kupita pankatshi pa Eliya ne Elisha bua kubapandulula. Diakamue, tshipepela tshia mvunde kuambula Eliya mulu.

2 Bakalenga 4:38

Tshikondu tshivua tshiyole tshia nzala mu ditunga, Elisha kupingana mu tshimenga tshia Ngilgale. Kubikidishaye tshisumbu tshia bambi. Kuambilaye muena mudimu wende ne: — Teka luesu lunene pa kapia, utulambile nsupu.

Yobe 38:1

Munkatshi mua tshipepele tshikole, Maweja-Nangila kubikila Yobe ku mukonka ne:

Luke 9:51

Matuku avuabu ne bua kuya ne Yezu mu diulu akavua pabuipi. Ke Yezu kushindika bua kuya ku Yerushalayime.

Bienzedi 1:9

Yezu mumane kuamba nanku, kubandaye mu diulu, bobu batangile. Ke divuba kujika Yezu, kabayi bamumone kabidi to.

Ebrewu 11:5

Amu bua ditaba, bakambula Enoke baya nende kua Mvidi Mukulu kayi mufue. Muntu nansha umue kena mumumone kabidi, bualu Mvidi Mukulu uvua mumuambule bua ikale nende. Mukanda wa tshijila udi wamba ne: Enoke uvua musankishe Mvidi Mukulu kabayi banji kumuambula mulu.

Yoshua 4:19

Bena Izrayele bavua basabuka musulu wa Yardene mu matuku dikumi a ngondu wa kumpala. Pashishe bakasa mitanda yabu ku Ngilgale, ku luseke ludi diba dipatukila lua Yeriko.

Yoshua 5:9

Pashishe Maweja-Nangila kuambila Yoshuwa ne: — Lelu ndi munumushe bundu, bunuvua bapatuke nabu mu Ejipitu. Ke padibu babikila muaba awu too ne mpindiewu ne: Ngilgale.

Didimanyisha 11:12

Pashishe bambi babidi kumvua diyi dikole dia mu diulu, dibabikila ne: “Bandayi kuneku!” Bobu kubuela mu divuba, kubanda munda mua diulu, bena lukuna babu batangile.