2 Bakalenga 19:7 - MUKANDA WA MYIDI MUKULU

⁷ Mukalenga neapete mukenji. Diba adi meme nemmuenzeje bua apingane mu ditunga diende. Meme nemmushipeshe mu ditunga diende amu.”

Mukanda wa Nzambi Dihungila Dikulukulu ne Dihungila Dihia-dihia 2003

⁷ Meme nenteke nyuma wanyi munda muandi, yeye neunvue ngumu, neahingane ku buloba buandi; meme nemmushiheshe ku muele wa nvita mu buloba buandi.

2 Bakalenga 19:7 ပူးပေါင်းရင်းမြစ်များ

2 Bakalenga 19:28

Wewe udi mumfunyine bushuwa. Mvua mumvue muuvua mumpende ne dikamakama. Nanku nenkutekeshe, nkuela kakanu ku diulu, ne lukanu lua tshiamu mukana. Nenkupingaje kuebe, amu mu njila uuvua mufumine.

2 Bakalenga 19:33

Kena mua kuelesha tshibumba, kutshibanda bua kubuela mu tshimenga etshi nansha. Neapingane amu mu njila uvuaye mufumine. Kakubuela mu tshimenga etshi to. Meme Maweja-Nangila ke udi wamba nanku.

2 Bakalenga 7:6

Bena Siriya bavua mu mitanda, Maweja-Nangila uvua mumane ibatshinyisha ne mutoyi mukole wa bena mvita, bikale ne nyama ya tubalu ne matempu a mvita. Ke bena Siriya kuambilangana ne: “Yorame, mukalenga wa bena Izrayele, mmumane kufuta bakalenga ba bena Iti ne ba bena Ejipitu bua batume bena mvita babu bua kutuluisha.”

2 Kulondolola 32:21

Maweja-Nangila kutuma mutumibue wende mu mitanda ya bena Ashure, bua kushipa bena mvita bonsu ba bukitu ne balombodi bonsu ba bena mvita. Mukalenga wa bena Ashure kupingana mu ditunga diende ne bundu. Dituku dikuabu, pavua Senakeribe ubuela mu nzubu wa mvidie wende, bana bende ba balume ba munda muende menemene kumushipa.

Yobe 15:21

Badi bateleja anu meyi adi abakuatshisha bowa. Badi batshina muluishi, nansha diba didi bionsu mu ditalala.

Yobe 4:9

Badi benza nanku, badi bakeba tshiji tshia Mvidi Mukulu. Tshidi tshibashipa, tshiya nabu bu mudi lupepele lua mvunde luenza.

Misambu 11:6

Bena tshikisu neabalokeshile makala a kapia ne bikanganya. Neabanyoke ne lupepele lua mvunde.

Misambu 50:3

“Mvidi Mukulu wetu afike! Alekele kupuwa!” Kapia kanene kadi kamudianjidila, lupepele lua mvunde lumuela munkatshi.

Misambu 94:23

Maweja-Nangila, Mvidi Mukulu wetu, neabapingajile malu mabi abu, neabajimije bua malu abu mabi.

Yeshaya 11:4

Nealumbuluile bantu badibu bapetula. Neakose tshilumbu tshia bapele ba mu ditunga amu pa tshiotshi. Meji ende adi bu mutshi wa kutekesha nawu bantu ba mu ditunga. Udi ukosa nsambu, ushipesha muena tshibawu.

Yirmeya 49:14

Maweja-Nangila uvua mutume mukenji kudi muntu umanyisha bukua bisamba ne: “Nsangishilayi bena mvita benu, nuye kuluisha bena Edome. Jukayi nuye kubanga mvita.

Yirmeya 51:1

Maweja-Nangila udi wamba ne: “Nentume tshipepela tshikole tshidi mua kubutula ditunga dia Babilone, ne bantu bende.

Yirmeya 51:46

Kanutekeshi mu maboku, kanutshinyi. Lelu badi bamba nenku, maloba bamba munga! Bilondeshile mushindu udi bidimu, badi batela mudi bantu bakengeshangana pa buloba, mudi mukalenga wa tshikisu wipata mukuabu mu nkuasa wa bumfumu.

Obadya 1:1

Telejayi bivua Maweja-Nangila Mvidi Mukulu mumanyishe Obadya, bua kukanyina bena Edome. Maweja-Nangila kutuma muntu ne mukenji, kudi bantu ba bisamba bikuabu. Tuetu kumvua muntu awu wamba ne: “Jukayi, tuye kuluisha bena Edome.”