2 Bakalenga 19:4 - MUKANDA WA MYIDI MUKULU

⁴ Mukalenga wa bena Ashure mmutume mulombodi wa beledi ba mukalenga maluvu, bua kupenda Mvidi Mukulu wa muoyi. Eyowa, ndi njinga bua Maweja-Nangila Mvidi Mukulu webe umvue bipendu bionsu ebi, anyoke muntu uvua umupenda! Wewe, lombaku Maweja-Nangila, wakuile bantu bende badi bashala aba.”

Mukanda wa Nzambi Dihungila Dikulukulu ne Dihungila Dihia-dihia 2003

⁴ Biasua Yehowa, Nzambi webe, kunvua mei a Labashake, wakatuma mukelenge wa Ashû, mukelenge wandi, bua kubendeye nʼau Nzambi wa muoyo, neamubele bua mei akunvua Yehowa, Nzambi webe; nunku ulombele difuka dia bantu didi dishala Nzambi.

2 Bakalenga 19:4 ပူးပေါင်းရင်းမြစ်များ

Genese 22:14

Nanku Abrahame kuinyika muaba awu ne: “Mukuna wa Maweja-Nangila udi utupesha!” Mukuna awu batshidi baubikila too ne mpindiewu ne: “Pa mukuna ewu Maweja-Nangila neatupeshe.”

2 Samuele 16:12

Misangu mikuabu Maweja-Nangila ke udi mua kumona dikenga dianyi, akudimune bipendu ebi bienza disanka.

2 Bakalenga 18:13

Izkiya mumane kulala mu bukalenga bidimu dikumi ne binayi, Senakeribe, mukalenga wa bena Ashure, kuluisha bimenga bionsu bia Yuda bivua ne bimana bikole, kubikuata.

2 Bakalenga 19:16

Maweja-Nangila, uteleje bimpe, utangile bimpe, wewe Mvidi Mukulu wa muoyi, vuluka bipendu bivuabu bakupenda kudi bantu badi Senakeribe mutume.

2 Bakalenga 19:22

Uuvua upenda nnganyi? Uuvua ujana ne dikamakama nnganyi? Wewe mutshimbakane, uuvua utangila, kuyi ne kanemu, nnganyi? Uvua unsendeka mmeme Mvidi Mukulu, wa tshijila wa Izrayele!

2 Bakalenga 19:23

Uvua mutume bantu bebe, bua bampende meme Maweja-Nangila! Uvua wamba ne: ‘Meme Senakeribe, ndi ne matempu a mvita mapite bungi. Ndi mubande ku nsongu ya mikuna. Ndi mubande ne pa mikuna ya Lebanone, bua kukosa mithi mimpe ya sedre, mipite mikuabu yonsu, ne mitshi ya siprese, mipite mikuabu ku bule. Nemfike ku nsongu ya mikuna idi mipite mikuabu, ne mu ditu dia Lebanone.

2 Bakalenga 19:3

Kuyabu kuambila muambi Yeshaya ne: “Mukalenga Izkiya udi wamba ne: Lelu ndituku dia kutukengeshabu, kutunyoka, ne kubifuisha bundu. Bu mudibu bamba ne: muana ukadi pabuipi, kadi mamuende kena ne bukole bua kulela to.

2 Bakalenga 19:30

Bena mu bukalenga bua Yuda badi bashale ne muoyi nebikale tshiakabidi bu mutshi udi muele miji mu buloba, matamba awu mikale ne bimuma bia bungi.

2 Bakalenga 19:31

Eyowa, mu Yerushalayime nemupatuke bantu badi bashale ne muoyi. Bantu nebimane pa mukuna wa Siyone.” Yeshaya uvua wamba kabidi ne: — Maweja-Nangila neakumbaje bualu ebu, bualu udi ununanga bikole.

2 Bakalenga 19:5

Bantu bavua mukalenga Izkiya mutume, bamane kuyukila ne muambi Yeshaya,

2 Kulondolola 32:20

Pashishe, mukalenga Izkiya ne muambi Yeshaya muana wa Amosa, kutendelelabu Maweja-Nangila, bamulomba diambuluisha.

Misambu 50:15

Pakukuata dikenga, umbikile nenkusungidile. Nenku neuntumbishe!

Misambu 50:21

Wamonyi biudi muenze! Udi musue bua ngikale amu mupuwe anyi? Udi muele meji ne: ndi bu wewe anyi? Nansha kakese! Ndi ukutandisha, nkuleja mibi yebe yonsu patoke!

Misambu 74:18

Maweja-Nangila, vuluka mudi muluishi ukufunyina, mudi bantu batatakane aba bakuseka.

Yeshaya 1:9

Kadi bu Maweja-Nangila muena bukole buonsu, kayi mupandishe kasumbu kakese ka bantu, tuvua mua kubutuka bu tshimenga tshia Sodome, tuvua mua kujimina bu tshimenga tshia Ngomore.

Yeshaya 10:6

Meme kubatuma bua kuluisha tshisamba tshidi tshimbenga. Meme kubambila bua kubunda tshisamba tshidi tshimfikisha munda. Meme kuanyisha bua biibe, bapawule bantu aba, babadiatakaje bu bitotshi bia mu njila.

Yirmeya 23:36

— Kadi kanuambi ne: Maweja-Nangila mmuteke bujitu pambidi petu. Muaku wa Maweja-Nangila udi wenza bujitu budi muntu ne bua kuambula anyi? Nansha kakese! Kadi padibu bamba nanku, badi banyanga muaku wa Maweja-Nangila Mvidi Mukulu wa bukole buonsu udi ne muoyi, Mvidi Mukulu wa Izrayele.

Yirmeya 33:3

Umbikile meme, nenkuandamune. Nenkujinguluile malu manene masokoka audi kuyi mumanye to.

Yirmeya 42:9

Pashishe, kubambilaye ne: — Nuvua bandombe bua meme kuebeja Maweja-Nangila Mvidi Mukulu wa Izrayele. Diandamuna diende didi nenku:

Yezekiyele 36:37

“Meme Maweja-Nangila Mvidi Mukulu, ndi ngamba ne: Nengitabe bua bena Izrayele basengelele bua meme kubambuluisha. Nembavudije, bikale bungi bu tshisumbu tshia mikoku.

Rome 11:5

Momumue kabidi matuku aa, kasumbu ka bantu badi Mvidi Mukulu nkayende mudisunguile, muleje luse luende, katshidiku.

Rome 9:27

Yeshaya kabidi bualu bua bena Izrayele mmuambe ne: “Nansha bena Izrayele bungi bu lusenga lua ku muelelu wa mayi manene, kadi anu kasumbu ka bantu ba munkatshi muabu nekapande.

Dielulula 32:36

Padi bena Izrayele kabatshiyi ne bukole, kabayi ne muntu udi mua kubambuluisha. Maweja-Nangila neabafuile luse. Neabambuluishe, akosa nsambu yabu pa yoyi.

Yoshua 14:12

Mpindiewu umpeshe panyi buloba bua mikuna buvua Maweja-Nangila mundaye ku kale. Mvua mukuambile diba adi ne: ndelanganyi ya Anake idi luseke alu. Mmiase bimenga binene, bivuabu bakolesha ne bimana. Kadi bu Maweja-Nangila mungambuluishe, nembipate muvua Maweja-Nangila nkayende mumane kuamba.

Yoshua 3:10

Nenujadike ne: Mvidi Mukulu wa muoyi udi munkatshi muenu. Yeye neipate bantu badi kumpala kuenu: bena Kenaane, bena Iti, bena Ivi, bena Perizi, bena Ngirgashi, bena Amore ne bena Yebusa.

1 Samuele 14:6

Yonatane kuambila nsongalume wende ne: — Luaku tuye too ne ku tshisumbu tshia bena mvita ba bena Peleshete, badibu kabayi bateke panshi. Misangu mikuabu Maweja-Nangila udi mua kutuambuluisha. Bualu kakuena tshidi mua kupumbisha Maweja-Nangila bua atupeteshe ditshimuna, nansha tuetu ba bungi nansha tuetu bakese.

1 Samuele 17:10

Lelu ndi mbunda bena mvita ba bena Izrayele, ndi musue kumona bukole buabu. Ntuminayi muntu bua tuluangane nende.

1 Samuele 17:26

Davide kukonka bena mvita bavua pabuipi nende ne: — Muntu wikale mushipe muena Peleshete ewu bua kusombuela bipendu bidiye upenda bena Izrayele, nebamufute tshinyi? Muena Peleshete ewu, udibu kabayi bateka panshi, upenda bena mvita ba Mvidi Mukulu wa muoyi nnganyi mene?

1 Samuele 17:45

Davide kuandamuna ne: — Wewe udi ulua kundi ne muela, musongolu ne difuma. Kadi meme ndi nkuluisha mu dina dia Maweja-Nangila Mvidi Mukulu wa biluilu bia bena Izrayele, uudi upenda.