2 Bakalenga 19:37 - MUKANDA WA MYIDI MUKULU

³⁷ Dituku dikuabu, pavua Senakeribe utendelela mu nzubu wa mvidie wende Nisroke, bana bende ba balume babidi: Adrameleke ne Sareshere kumushipa. Pashishe, kunyemabu kuya mu ditunga dia Ararate. Muanende mukuabu, Asharadone, kumupingana mu bukalenga.

Mukanda wa Nzambi Dihungila Dikulukulu ne Dihungila Dihia-dihia 2003

³⁷ Hakadiye utendelela nzambi wandi Niseloka mu nsubu wandi, Adelameleke ne Shalese bakamushiha ne muele wa nvita; bakanyemena mu buloba bua Alalata. Esâ-hadona, muanʼandi, wakakokesha mu muaba wandi.

2 Bakalenga 19:37 ပူးပေါင်းရင်းမြစ်များ

Genese 8:4

Nanku mu matuku dikumi ne muanda mutekete a ngondu wa muanda mutekete, buatu kuimana pa mukuna wa Ararate.

2 Bakalenga 17:31

ba ku tshimenga tshia bena Ava lupingu lua mvidie Nibaze ne lua mvidie Tartake, ba ku tshimenga tshia Sefarvayime bavua bosha kabidi ne bana babu bua kulambula mvidie wabu Adrameleke ne Anameleke.

2 Bakalenga 18:30

Udi unuambila ne: mbimpe kudifila anu kudi Maweja-Nangila. Yeye neatusungidile bulelela. Kabidi yeye neakandike mukalenga wa bena Ashure bua kakuatshi tshimenga atshi! Kanuitabi bionsu abi to.

2 Bakalenga 18:5

Izkiya uvua mudifile kudi Maweja-Nangila Mvidi Mukulu wa bena Izrayele, mupite bakalenga bonsu ba Yuda, bavua bamudianjidila mu bukalenga, ne bavua bamulonda panyima.

2 Bakalenga 19:10

mukalenga wa bena Yuda, umuambila ne: “Wewe udi mutambe kutekemena amu Mvidi Mukulu webe. Udi wela meji ne: neankandike bua meme kukuata Yerushalayime anyi? Mvidi Mukulu kakushimi to.

2 Bakalenga 19:17

Maweja-Nangila, bulelela, bakalenga ba bena Ashure mbabutule bisamba, banyangakaja buloba bua bisamba abi.

2 Bakalenga 19:31

Eyowa, mu Yerushalayime nemupatuke bantu badi bashale ne muoyi. Bantu nebimane pa mukuna wa Siyone.” Yeshaya uvua wamba kabidi ne: — Maweja-Nangila neakumbaje bualu ebu, bualu udi ununanga bikole.

2 Bakalenga 19:7

Mukalenga neapete mukenji. Diba adi meme nemmuenzeje bua apingane mu ditunga diende. Meme nemmushipeshe mu ditunga diende amu.”

2 Kulondolola 32:14

Kumvidie yamatunga onsu adi bankambua banyi banyanga, mvidie nansha umue ki mmupandishe bantu bende to. Nanku, Mvidi Mukulu wenu udi mua kunupikula kundi munyi?

2 Kulondolola 32:19

Bavua batela Mvidi Mukulu wa Yerushalayime bu badi batela mvidie ya bisamba bikuabu, ya mitshi misonga kudi bantu.

2 Kulondolola 32:21

Maweja-Nangila kutuma mutumibue wende mu mitanda ya bena Ashure, bua kushipa bena mvita bonsu ba bukitu ne balombodi bonsu ba bena mvita. Mukalenga wa bena Ashure kupingana mu ditunga diende ne bundu. Dituku dikuabu, pavua Senakeribe ubuela mu nzubu wa mvidie wende, bana bende ba balume ba munda muende menemene kumushipa.

Ezela 4:2

Kufikabu bua kumonangana ne Zerubabele, kabidi ne bamfumu ba meku, bua kubambila ne: — Tudi basue kunuambuluisha bua kuibaka nzubu wa Mvidi Mukulu ewu. Bualu tudi tutendelela nenu Mvidi Mukulu umue, tumulambula milambu, katshia mukalenga wa bena Ashure, Asharadone watutuma munemu.

Yirmeya 51:27

Nuele diyi bua babange kuluisha Babilone. Nuele mpungi bua bantu ba bisamba bionsu bumvue. Nutuadije mvita. Nubikidishe bantu ba mu bukalenga bua Ararate, bua Mini ne bua Ashekenaze, Nusungule bantu badi mua kulombola bena mvita. Nutume ku mvita nyama ya tubalu bungi bu mukongolu wa mpasu ya mukumbi.

Dielulula 32:31

Kadi baluishi ba bena Izrayele mene mbamanye ne: mvidie yabu idi ibalama kayena ne bukole, bu bua Mvidi Mukulu wa bena Izrayele to.