2 Bakalenga 19:31 - MUKANDA WA MYIDI MUKULU

³¹ Eyowa, mu Yerushalayime nemupatuke bantu badi bashale ne muoyi. Bantu nebimane pa mukuna wa Siyone.” Yeshaya uvua wamba kabidi ne: — Maweja-Nangila neakumbaje bualu ebu, bualu udi ununanga bikole.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Bualu bua difuka dia bantu nediluhuke mu Yelushalema, nedihanduke ku mukuna wa Siona; lukunukunu lua Yehowa nebimane bualu ebu.

2 Bakalenga 19:31 ပူးပေါင်းရင်းမြစ်များ

2 Bakalenga 19:37

Dituku dikuabu, pavua Senakeribe utendelela mu nzubu wa mvidie wende Nisroke, bana bende ba balume babidi: Adrameleke ne Sareshere kumushipa. Pashishe, kunyemabu kuya mu ditunga dia Ararate. Muanende mukuabu, Asharadone, kumupingana mu bukalenga.

2 Bakalenga 19:4

Mukalenga wa bena Ashure mmutume mulombodi wa beledi ba mukalenga maluvu, bua kupenda Mvidi Mukulu wa muoyi. Eyowa, ndi njinga bua Maweja-Nangila Mvidi Mukulu webe umvue bipendu bionsu ebi, anyoke muntu uvua umupenda! Wewe, lombaku Maweja-Nangila, wakuile bantu bende badi bashala aba.”

Yeshaya 10:12

Pikala Maweja-Nangila mumane kujikija mudimu wende pa mukuna wa Siyone ne mu Yerushalayime, neanyoke kabidi mukalenga wa bena Ashure, bualu udi uditambisha, upepeja bantu bakuabu.

Yeshaya 10:20

Dituku adi, bena Izrayele badi bashale ne muoyi, bena diku dia Yakobe badi kabayi bafue mu mvita, nebumuke kudi muntu uvua mubakume. Kadi nebanyemene kudi Maweja-Nangila, Mvidi Mukulu wa tshijila wa bena Izrayele. Nebamulamate kashidi.

Yeshaya 10:22

Wewe Izrayele, nansha muvua bantu bebe bungi bu lusenga lua ku muelelu wa mayi manene, kadi amu bakese nebapingane kudi Maweja-Nangila. Wewe neubutuke, bualu nebakunyoke muvuabu bakose tshilumbu.

Yeshaya 37:32

Eyowa, mu Yerushalayime nemupatuke bantu badi bashala ne muoyi; bantu abu nebimane pa mukuna wa Siyone.” Yeshaya kuamba kabidi ne: “Maweja-Nangila wa bukole buonsu neakumbaje bualu ebu, bualu udi mununange menemene.

Yeshaya 59:17

Maweja-Nangila udi uvuala buakane, mudibu bavuala kazaku ka tshiamu ka mvita. Udi wasa lupandu, mudibu basa tshifulu ku mutu. Uvua uvuala dijinga dia kulongolola malu mimpe, amu mudibu bavuala bilamba. Tshinkutu tshidiye mudibuikile, ke disuminyina didiye nadi dia kuluangana mvita.

Yeshaya 63:15

Maweja-Nangila nansha wewe musombe mu diulu, mu muaba webe muimpe wa tshijila, tangila bidi bituenzekela panu panshi. Dinanga diebe dikole, diuvua mutunange nadi didi penyi? Bukole buebe buuvua nabu mu mvita butshidiku anyi? Kuena kabidi musue kutufuila luse anyi? Maweja-Nangila kubengi kutuleja muudi utunanga.

Yeshaya 9:7

Maweja-Nangila uvua mulumbuluishe ndelanganyi ya Yakobe. Kupishaye bukalenga bua Izrayele.

Yirmeya 44:14

Munkatshi mua bena Yuda bavua bashale, baye kusokoma mu Ejipitu, muntu nansha umue kakunyema, kupingana mu ditunga dia Yuda to. Nansha bobu bikale ne dijinga dia kupingana kuabu, anu bena Yuda bakese nebapanduke, bua bapingane mu ditunga diabu, basombemu.”

Yezekiyele 20:9

Kadi, tshivua muenze nanku to, bua bena ditunga divua bena Izrayele basombe kabavu kumpepeja. Bualu bantu aba bavua bateleja mumvua mulaye bena Izrayele bua kubapatula mu Ejipitu.

Yezekiyele 5:13

Nennuenzele mudi tshiji tshianyi tshingambila. Nennusombuele too ne pajika tshiji tshianyi tshionsu. Nanku nenujadike ne: Meme Maweja-Nangila mvua munuambile malu, bualu butomboji buenu kabuena bundengelela to.

Yowele 2:18

Maweja-Nangila mmunange ditunga diende, mmufuile bantu bende luse.

Zekâya 1:14

Mutumibue wa Mvidi Mukulu uwa uyukila nanyi, kungambila ne: Ambila bantu mu dina dia Maweja-Nangila wa bukole buonsu ne: “Ndi munange bikole Yerushalayime, ne mukuna wa Siyone,

Yowanane 2:17

Balongi bende kuvuluka miaku isuabu bafunde mu Mukanda wa tshijila ne: “Mvidi Mukulu wanyi, dinanga dindi nadi bua nzubu webe, didi dingosha munda bu kapia.”

Rome 11:5

Momumue kabidi matuku aa, kasumbu ka bantu badi Mvidi Mukulu nkayende mudisunguile, muleje luse luende, katshidiku.

Rome 9:27

Yeshaya kabidi bualu bua bena Izrayele mmuambe ne: “Nansha bena Izrayele bungi bu lusenga lua ku muelelu wa mayi manene, kadi anu kasumbu ka bantu ba munkatshi muabu nekapande.