2 Bakalenga 19:26 - MUKANDA WA MYIDI MUKULU

²⁶ Bena bimenga abi, kabavua ne bukole, mikolu yabu kuteketa bua bowa. Kumvuabu bundu. Badi bafuana bisosa bia mu mpata, midioku ya mu madimi, ne bikunyibua bidi bitoloka ku musaka wa nzubu, biuma, kabiyi bianji kukola.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Nunku bena buloba abu bakadi ne bukole bukese, bakazakala, bakabondakana; bakadi bu mashinde a mu madimi, bakadi bu midioko, bakadi bu mashinde adi amena ha mitu ya nsubu, bakadi bu blé idi ibola diambedi kayiyi mianze kumena bimpe.

2 Bakalenga 19:26 ပူးပေါင်းရင်းမြစ်များ

Genese 41:23

Meme kumona kabidi miepu ya mponda mikuabu muanda mutekete mishawuke, mifubidile ne lupepela lua mu tshipela.

Genese 41:6

Kumonaye kabidi miepu mikuabu ya mponda muanda mutekete mishawuke, mifubisha kudi lupepela lua mu tshipela.

Misambu 102:11

Bualu udi ne tshiji, udi mufike munda, ke paudi mungambule, mungimanshe kule.

Misambu 127:1

Musambu wa bena ngendu udi mu mukanda wa misambu ya Shelomu. Padi Maweja-Nangila kayi muibake nzubu, bibaki badi batata tshianana. Yeye kayi mulame tshimenga, balami badi batshisha tshianana.

Misambu 92:7

Muntu udi kayi ne meji, kena mumanye, mutshimbakane kena ujingulula tshintu.

Yeshaya 13:8

Monayi bakadi bapanga tshia kuenza. Bowa ne dikenga mbibakuate. Badi badinyenga bu bakaji pa lulelu. Bakadi batangilangana, buminyine ne bowa, mpala yabu mikunze ne bundu.

Yirmeya 37:10

Nansha nuenu batshimune tshiluilu tshionsu tshia bena Babilone tshidi tshinuluisha, nansha bena Babilone badi bashale bikale amu bantu batapike mputa, yonsu wa kudibu neapete bukole, neimane kulu mu ntenta wende. Nebafike bua kuosha tshimenga etshi tshionsu ne kapia.

Yirmeya 51:30

Bilobu bia mvita bia mu Babilone bikadi bilekela kuluangana mvita. Bikadi bisokoma mu nzubu yabi. Kabitshiena ne bukitu, bikadi bu bakaji. Baluishi mbamane kuupula biibi bia tshimenga, mbamane kuela kapia ku nzubu yatshi.

Yirmeya 51:32

Badi balama malobu, bosha nzubu yetu ituvua bakolesha ne bimana. Bena mvita betu badi bazakala bikole.

Dibadika 11:23

Maweja-Nangila kuandamuna Moshe ne: — Meme ndi ne bukole bua kukumbaja bionsu abi. Wewe nkayebe neudimuene amu mpindiewu mundi mbikumbaja.

Dibadika 14:9

Kadi, lekelayi kutombokela Maweja-Nangila. Kanutshinyi bena ditunga adi to. Netubabutule! Mvidie yabu ivuabu batekemene kayena kabidi ne bukole bua kubalama to! Kadi Maweja-Nangila udi netu. Nanku kanubatshinyi to.

Matayi 10:27

Bualu bundi nnuambila mu midima, nubuambe patoke; bunudi numvua bamba mu musokoku, nubuambe, bantu bonsu bumvue.

1 Petro 1:24

Ke mudibu bafunde mu Mukanda wa tshijila ne: “Bantu bonsu badi bu bisosa. Lumu luabu luonsu ludi amu bu bilongu bia mu mpata. Bisosa bidi biuma, bilongu bipopoka.