2 Bakalenga 19:21 - MUKANDA WA MYIDI MUKULU

²¹ Teleja malu andi mmubengela: Tshimenga tshia Siyone tshidi tshikudiwula, tshikuela bibingu. Tshimenga tshimpe tshia Yerushalayime tshidi tshikuseka, tshikupa mutu.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Edi ndî diakamba Yehowa bualu buandi: Mukashi utshidi kamama wa mu Siona wakakulengulula, wakakuseka; muana mukashi wa Yelushalema wakakukuila mutu.

2 Bakalenga 19:21 ပူးပေါင်းရင်းမြစ်များ

Yobe 16:4

Bu nuenu bikale bu mundi emu, meme muikale munudi amu, mvua mua kuamba malu anudi nuamba nuenu. Mvua mua kunubela panyi ne nsumuinu mimpe. Mvua mua kunyukisha mutu.

Misambu 109:25

Ndi tshintu tshidibu bapepeja, padibu bantangila, badi banseka.

Misambu 137:8

Wewe Babilone wabutuki ewu, bantu bakupingajile bibi biudi mutuenzele, nebikale ne disanka!

Misambu 44:14

Udi utupendesha kudi bena mutumba, batulembakaja kudi batudi nabu pabuipi.

Misambu 9:14

Maweja-Nangila ungambuluishe, tangila mudi baluishi banyi bankengesha bikole. Ungumushe ku kandondu ka bafue.

Yeshaya 1:8

Yerushalayime nkayende ke udi mushale, kadi mmushale amu bu kazubu kakese mu budimi bua njilu, bu kazubu ka tshisasa mu budimi bua mvinyo, bu tshimenga tshiela munkatshi kudi baluishi batshi.

Yeshaya 23:10

“Nuenu Tire, dimayi mpindiewu madimi enu, bualu kakuena kabidi tshisabu, muaba udibu benza matu a pa mayi manene.”

Yeshaya 23:12

Maweja-Nangila uvua muambe ne: “Nuenu bena Sidone, kanuena mua kusanka kabidi to. Tshimenga tshienu tshidi bu nsongakaji, udibu babuelela mu nzubu ku bukole. Nansha nuenu baye, basabuke mayi manene, bafike ku tshidiila tshia Kitime, kanuakupeta dikisha nansha kakese.

Yeshaya 47:1

Maweja-Nangila udi wamba ne: Wewe Babilone, tuluka mu nkuasa webe wa lumu. Somba mu lupuishi. Eyowa, somba panshi pa buloba, bualu kutshiena mukalenga mukaji to. Udi mujimije mianzu yebe, kabatshiena bakuinyika ne: “Babilone, mukaji mulengele”, “Babilone, nsongakaji muimpe”.

Yeshaya 47:5

Wewe Babilone, somba talalaa, puwa. Sokoma mu miidima, bualu udi mujimije muanzu webe wa “Mukalenga mukaji wa makalenga mangi.”

Yirmeya 14:17

Wambile bantu abu ne: Ndi ndila, mpuekesha binsonji, tshiyi ndekela butuku ne munya. Bualu bantu banyi mbabutuke bibi, mbapete mputa mupite bunene.

Yirmeya 18:13

Maweja-Nangila udi wamba ne: Konkayi bantu ba bisamba bikuabu, bakadi bumvua bantu balonda bualu nenku anyi? Bualu buvua bena Izrayele benze budi bupite bubi.

Yirmeya 31:4

Izrayele wanyi munanga, ndi nkujula tshiakabidi, ndi ngasulula tshimenga tshiebe. Bantu nebimbe ngoma. Nebaje maja, basanka.

Yirmeya 46:11

Wewe Ejipitu muena dikenga, banda too ne ku Ngilaade, ukeba buanga bua kudiondapa. Kadi udi ukeba manga, uditatshisha amu tshianana. Mputa yebe kayena mua kuuma nansha kakese.

Muadi 1:15

Maweja-Nangila uvua mupepeje bena mvita ba bukitu bonsu bamvua nabu. Uvua mundongoluele tshiluilu bua kunduisha, bua kuzaza nsongalume yanyi. Uvua munzaze, meme Siyone wa Yuda, bu mudibu bakama tumuma tua mvinyo mu tshikaminu.

Muadi 2:13

Yerushalayime, tshiena ne tshia kukuambila. Kakuena dikenga ditudi mua kufuanyikija ne diebe! Tshifuanyikiji tshikuabu kayi, tshindi mua kutela bua kukusamba, Siyone, nsongakaji musuibue? Dibutuka diebe ndinene bu mayi manene. Kakuena muntu udi mua kudijikija.

Muadi 2:15

Bantu bonsu badi bapitshila muaba ewu, badi bakuma bikashi bua dibutuka diebe. Badi bela bibingu, bakupa mitu, bakuseka wewe, Yerushalayime, bebejangana ne: “Etshi ke tshimenga tshivuabu babikila ne: Mulengele be, kabidi ne: Disanka dia buloba bujima, anyi?”

Muadi 4:21

Nusanke, nutshionkomoke nuenu bena Edome, nuenu badi basomba mu ditunga dia Use! Kadi dikopu dia tshiji nedifike kunudi nuenu kabidi! Nenudinue! Nedinukuate! Nenusombe butaka!

Amosa 5:2

Izrayele nnsongakaji udi mufue, tshitalu tshiende tshitshidi panshi. Kakujuka kabidi to. Mbamulekele pa buloba buende: muntu nansha umue kena umujula!

Mika 4:8

Wewe, mukuna wa Yerushalayime, udi ulama bantu bimpe, bu mudi kaleya ka kutentekela baluishi, neupete tshiakabidi bumfumu buebe, buuvua nabu kale. Yerushalayime neikale tshiakabidi, tshimenga tshikulu tshia bukalenga.”

Zekâya 9:9

Yerushalayime, sanka bikole! Wewe tshimenga tshia Siyone, ela tunkunduluila! Tangila mudi mukalenga webe ukuvuila. Udi uvua kukusungidila, kukosa nsambu pa yoyi. Kadi kena uditambisha to! Udi mubande pa nyama wa mpunde, pa muana wa mpunde mukaji.

Matayi 27:39

Bantu bavua bapitshila muaba awu, bavua bashikula mutu, bapenda Yezu,