2 Bakalenga 18:6 - MUKANDA WA MYIDI MUKULU

⁶ Uvua muitabe anu Maweja-Nangila, kayi umulekela nansha kakese to. Uvua utumikila bimpe mikenji ivua Maweja-Nangila mupeshe Moshe.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bualu bua yeye wakalamata Yehowa; kakasesuka mu nshila wandi, kadi wakatumikila mikenji yandi yakambila Yehowa Mose.

2 Bakalenga 18:6 ပူးပေါင်းရင်းမြစ်များ

2 Bakalenga 17:13

Maweja-Nangila kutuma bambi bashilangane bua bahele bena Izrayele ne bena Yuda, babambila ne: — Lekelayi buenzayi. Tumikilayi meyi ne mikandu yanyi bidi mu mikenji imvua mupeshe bankambua benu, ne imvua munutumine kudi bambi, bantu banyi.

2 Bakalenga 17:16

Bavua balengulula meyi onsu a Maweja-Nangila Mvidi Mukulu wabu. Bavua badienzela mpingu ibidi ya tuana tua ngombe tua tshiamu tshiengulula, badienzela kabidi makunji a kutendelela. Bavua batendelela bintu bionsu bidi mu tshibuashibuashi, benzela mvidie Baale mudimu.

2 Bakalenga 17:19

Kadi, bena Yuda kutombokela kabidi Maweja-Nangila, kubenga meyi a Maweja-Nangila Mvidi Mukulu wabu. Kulondabu bilele bivuabu babueje mu bukalenga bua bena Izrayele.

2 Bakalenga 20:3

— Eyi! Maweja-Nangila, uvuluke bionsu bimvua ngenza. Mvua mukuitabe ne muoyi mujima. Mvua anu ngenza malu mimpe bua kukusankisha! Pashishe, Izkiya kudila bikole.

Yeshaya 38:3

“Eyi! Maweja-Nangila, vulukaku bionsu bimvua ngenza. Mvua mukulamate ne muoyi mujima. Mvua amu ngenza malu mimpe avua mua kukusankisha!” Pashishe Izkiya kudilaye muadi.

Yirmeya 11:4

Mu matuku amvua mupatule bankambua benu mu dikenga dikole mu Ejipitu, meme kutua nabu ndondu. Meme kubambila ne: Nuteleje bionsu bindi nnuambila, nubikumbaje. Nanku, nenuikale bantu banyi, meme nengikale Mvidi Mukulu wenu. Ke mukenji undi nnuelela.

Yowanane 14:15

— Panudi nunnanga, nenutumikile mikenji yanyi.

Yowanane 14:21

Muntu udi ulama mikenji yanyi, uyitumikila, ke udi munnange. Muntu udi munnange, Tatu wanyi neamunange. Meme kabidi nemmunange, nendileje kudiye.

Yowanane 15:10

Panudi nutumikila mikenji yanyi, nenushale mu dinanga dianyi, mumvua mutumikile mikenji ya Tatu, nshala mu dinanga diende.

Yowanane 15:14

Nudi balunda banyi, panudi nuenza mundi munuelele mukenji.

Bienzedi 11:23

Ufika, kumonaye muvua Mvidi Mukulu mukumbaje mudimu ne dinanga munkatshi mua bena ditaba. Nanku kusankaye, ubabela bonsu bua bananukile ne muoyi mukole, bitabe Mfumu.

Dielulula 10:12

Bena Izrayele, tshidi Maweja-Nangila Mvidi Mukulu wenu utekemena kunudi ntshinyi? Mbua numunemeke, numutumikile, mununange, numuenzele mudimu ne muoyi wenu mujima, kabidi ne bukole buenu buonsu.

Dielulula 10:20

Nunemeke Maweja-Nangila Mvidi Mukulu wenu, numulamate amu yeye. Nuntendelele, nuditshipe anu mu dina diende.

Yoshua 23:8

Nuitabe amu Maweja-Nangila Mvidi Mukulu wenu, bu munudi numuitaba too ne ku mpindiewu.

1 Yone 5:3

Bualu kunanga Mvidi Mukulu ke kuitaba mikenji yende. Mikenji yende kayena mipite kutukolela to.