2 Bakalenga 18:37 - MUKANDA WA MYIDI MUKULU

³⁷ Pashishe, Elyakime, muana wa Ilkiya, uvua mulombodi wa nzubu wa bukalenga, Shebna mufundi, ne Yowa, muana wa Ashafe, mufikishi wa malu a mu bukalenga kudi bantu, kupanda bilamba biabu, kupingana kudi mukalenga Izkiya. Kumuambilabu bionsu bivuabu bambe kudi mulombodi wa beledi ba mukalenga wa bena Ashure maluvu.

Mukanda wa Nzambi Dihungila Dikulukulu ne Dihungila Dihia-dihia 2003

³⁷ Hashishe Eleyakima, muana wa Hilekiya, ne Shebena secrétaire, ne Yoa, muana wa Asafa, mufundi wa malu a bukelenge, bakahingana kuai Hezikiya ne bilulu biabo bihanda, bakamuambila mei a Labashake.

2 Bakalenga 18:37 ပူးပေါင်းရင်းမြစ်များ

Genese 37:29

Rubene uya kutangila mu tshiina, kena musangane Yozefe to. Kupampakanaye bikole, kupanda bilamba biende.

Genese 37:34

Yakobe kudipanda bilamba, kuvuala bilamba bikayabale, kuenza madilu a muanende matuku mavule.

2 Samuele 8:16

Yowabe, muana wa Seruya, uvua mfumu mulombodi wa bena mvita ba Davide. Yosafate, muana wa Akilude, uvua umanyisha bantu malu a mu bukalenga.

2 Bakalenga 18:18

Kulombabu bua kuyukila ne mukalenga Izkiya. Kadi, mulombodi wa mu nzubu wa bukalenga Elyakime, muana wa Ilkiya, kupatuka mu tshimenga bua kumonangana nabu. Elyakime bavua ne Shebna mufundi, kabidi ne Yowa, muana wa Ashafe, mufikishi wa malu a mu bukalenga kudi bantu.

2 Bakalenga 18:26

Ke Elyakime, muana wa Ilkiya, Shebna, ne Yowa, kuambila mulombodi wa beledi ba mukalenga wa bena Ashure maluvu ne: — Bu wewe musue, tuyukile nebe mu muakulu wa bena Arame, bualu tudi baumanye. Lekela kuakula netu mu muakulu wa bena Ebrewu, bualu bantu bonsu badi ku bimana badi anu batuteleja.

2 Bakalenga 18:36

Bantu bonsu bavua muaba awu, bavua anu bapuwa. Kabavua bandamuna to, bualu ke muvua mukalenga Izkiya mumane kubambila.

2 Bakalenga 19:1

Mukalenga Izkiya umvua bionsu bivuabu bambe, kupanda bilamba biende, kuvuala bilamba bia madilu. Kuyaye mu nzubu wa Maweja-Nangila.

2 Bakalenga 22:11

Anu mukalenga Yoshiya umvua malu avua mu mukanda wa mikenji, kunyingalalaye bikole. Kupandaye bilamba biende.

2 Bakalenga 22:19

Uvua muteleje bimpe tshindi muambe bua Yerushalayime ne bantu bonsu badimu. Dikenga diabu nedikale dikole. Bantu nebikale baditshipa, batele mena a bena tshimenga atshi. Kadi wewe Yoshiya, uvua mulombe luse, uvua muvuluke bubi buebe kumpala kuanyi, uvua mupanda bilamba biebe, mudile muadi. Nanku, meme Maweja-Nangila ndi nkujadikila ne: ndi mumvue dilomba diebe.

2 Bakalenga 5:7

Anu mukalenga wa bena Izrayele ubala mukanda awu, kudipandaye bilamba, wela mbila ne: — Meme ndi Mvidi Mukulu udi ne bukole bua kufululula bantu, nansha kubashipa anyi? Mukalenga wa bena Siriya, udi untumina muntu bua meme kumondapa disama dia nsudi! Monayi mudi mukalenga ewu umbunda!

2 Bakalenga 6:30

Mukalenga wa bena Izrayele umvua anu mukaji umulondela bualu abu, kudipanda bilamba. Mukalenga utshivua pa tshimana tshia tshimenga. Nanku bantu bonsu ba mu tshimenga atshi kumonabu ne: mukalenga udi muvuale anu tshilamba tshia munda tshikayabale nkayatshi, tshimulamate pambidi.

2 Kulondolola 32:1

Izkiya mumane kuleja nanku mudiye muitabe Mvidi Mukulu, Senakeribe, mukalenga wa bena Ashure, kubuela ne mvita mu ditunga dia bena Yuda. Kuelaye bimenga bivuabu bakolesha ne bimana munkatshi bua kubikuata.

Ezela 9:3

Pangumvu miaku ayi, meme kupanda tshinkutu tshianyi ne bilamba bianyi. Meme kuditula nsuki ne miedi. Meme kusomba mubungame bikole.

Yobe 1:20

Ke Yobe kujuka, kupanda tshinkutu tshiende, kubeya nsuki, kudishinda mutue mpala panshi.

Yeshaya 22:20

Dituku adi, nembikile muntu wanyi Eliyakime, muana wa Ilkiya.

Yeshaya 33:7

Monayi: bena mu Yerushalayime, badi bapatuka mu misesu, batua mikemu. Bavua batumanyisha bupole, badi bapingana, benda badila miadi.

Yirmeya 36:24

Mukalenga ne balombodi bende bonsu ba bena mvita bavua bajingulula bimpe malu avuabu bafunde pa muvungu wa tshiseba. Kadi kabavua ne bowa nansha ne dibungama.

Matayi 26:65

Ke mutuangaji munene kudipanda bilamba, wamba ne: — Mmupende Mvidi Mukulu! Katutshiena tukengela bajadiki ba bualu ebu kabidi to! Nudi bumvue amu mpindiewu mudiye mupende Mvidi Mukulu.