2 Bakalenga 18:30 - MUKANDA WA MYIDI MUKULU

³⁰ Udi unuambila ne: mbimpe kudifila anu kudi Maweja-Nangila. Yeye neatusungidile bulelela. Kabidi yeye neakandike mukalenga wa bena Ashure bua kakuatshi tshimenga atshi! Kanuitabi bionsu abi to.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ kanueyemenyi Yehowa bualu hua dî dia Hezikiya ne, Yehowa neatusungile, kabena bafila musoko eu mu bianza bia mukelenge wa Ashû.

2 Bakalenga 18:30 ပူးပေါင်းရင်းမြစ်များ

2 Bakalenga 18:29

“Izkiya kena mua kunushima to. Kena mua kunusungidila ku bianza bianyi.

2 Bakalenga 18:31

Kanuena mua kuteleja tshidi Izkiya unuambila to. Nuteleje anu tshindi nnuambila meme mukalenga wa bena Ashure. Lekelayi kukandamana! Anyishayi nudifile kundi. Nanku, muntu yonsu wa kunudi neanue maluvu ende, neadie tumuma tuende tua mfiku, kabidi neanue mayi ende adi mu tshiina.

2 Bakalenga 19:10

mukalenga wa bena Yuda, umuambila ne: “Wewe udi mutambe kutekemena amu Mvidi Mukulu webe. Udi wela meji ne: neankandike bua meme kukuata Yerushalayime anyi? Mvidi Mukulu kakushimi to.

2 Bakalenga 19:22

Uuvua upenda nnganyi? Uuvua ujana ne dikamakama nnganyi? Wewe mutshimbakane, uuvua utangila, kuyi ne kanemu, nnganyi? Uvua unsendeka mmeme Mvidi Mukulu, wa tshijila wa Izrayele!

2 Bakalenga 19:6

awu kubambila ne: — Nuye kuambila mukalenga wenu ne: Maweja-Nangila udi wamba ne: “Uvua muteleje muvua balombodi ba bena mvita ba mukalenga wa bena Ashure bampenda. Kadi, kutshinyi bua bionsu bivuabu bakula abi to.

Misambu 11:1

Musambu wa mu mukanda wa mulombodi wa misambu, kabidi wa mu mukanda wa misambu ya Davide. — Ndi nsokoma kudi Maweja-Nangila. Munudi nungamba ne: “Buuka bu nyunyi mu mikuna” mmunyi?

Misambu 3:3

Bantu ba bungi badi bangamba ne: “Mvidi Mukulu kena mua kumuambuluisha nansha kakese!”

Misambu 4:2

Mvidi Mukulu, mumbingishi wanyi, pandi nkubikila bua kungambuluisha, ungitabe. Pavua bantu bankengesha, wewe uvua unsungidila. Anyisha, uteleje dikulomba dianyi.

Misambu 42:4

Butuku ne munya tshianyi tshiakudia ke binsonji. Badi bankonka matuku onsu ne: “Mvidi Mukulu webe udi penyi?”

Misambu 71:11

“Mvidi Mukulu kena kabidi nende ne bualu. Tumuipate, tumukuate, kakutshiena udi mua kumunyenga mu bianza bietu.”

Misambu 71:9

Nkadi mukulumpe, kundekedi to. Tshitshiena ne bukole, kunshiyi nkayanyi.

Matayi 27:43

Uvua mutekemene kudi Mvidi Mukulu. Nanku bu Mvidi Mukulu umunanga bushuwa, amusungidile mpindiewu! Bualu uvua ujadika ne: “Ndi Muana wa Mvidi Mukulu.”

Luke 23:35

Bantu bonsu batua bimane muaba awu, batangile. Bamfumu ba bena Yuda bavua baseka Yezu, bamba ne: — Uvua musungile bantu bakuabu. Pikalaye Kristu uvua Mvidi Mukulu musungule, adisungile, tumone!