2 Bakalenga 18:26 - MUKANDA WA MYIDI MUKULU

²⁶ Ke Elyakime, muana wa Ilkiya, Shebna, ne Yowa, kuambila mulombodi wa beledi ba mukalenga wa bena Ashure maluvu ne: — Bu wewe musue, tuyukile nebe mu muakulu wa bena Arame, bualu tudi baumanye. Lekela kuakula netu mu muakulu wa bena Ebrewu, bualu bantu bonsu badi ku bimana badi anu batuteleja.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Hashishe Eleyakima, muana wa Hilekiya, ne Shebena ne Yoa bakambila Labashake ne, Tudi tukusengelela ne, Uyikile ne bantu bebe mu muaku wa Bena Sulia, bualu bua tuetu tudi baumanye; kuyikidi nʼetu mu muaku wa Bena Yuda mu matshu a bantu badi ha lumbu.

2 Bakalenga 18:26 ပူးပေါင်းရင်းမြစ်များ

2 Bakalenga 18:18

Kulombabu bua kuyukila ne mukalenga Izkiya. Kadi, mulombodi wa mu nzubu wa bukalenga Elyakime, muana wa Ilkiya, kupatuka mu tshimenga bua kumonangana nabu. Elyakime bavua ne Shebna mufundi, kabidi ne Yowa, muana wa Ashafe, mufikishi wa malu a mu bukalenga kudi bantu.

2 Bakalenga 18:25

Kabidi, mfumuanyi uvua mua kuluisha ditunga edi, kudinyangakaja, Maweja-Nangila kayi muanyishe anyi? Nansha kakese! Anu Maweja-Nangila nkayende, ke uvua mutume diyi bua mfumuanyi kudinyangakaja.

2 Bakalenga 18:27

Kadi, mulombodi wa beledi ba mukalenga maluvu, kuandamuna ne: — Nudi nuela meji ne: malu adi mukalenga wanyi mutume bua kuamba, tudi mua kunuambila anu muenu ne mukalenga wenu anyi? Malu aa, tudi mua kuambila kabidi bantu bonsu badi ku bimana aba. Bualu bantu aba ne nuenu, nenudie tumvi tuenu, kabidi nenunue menyi enu anu mutantshi mukese ewu.

2 Bakalenga 18:37

Pashishe, Elyakime, muana wa Ilkiya, uvua mulombodi wa nzubu wa bukalenga, Shebna mufundi, ne Yowa, muana wa Ashafe, mufikishi wa malu a mu bukalenga kudi bantu, kupanda bilamba biabu, kupingana kudi mukalenga Izkiya. Kumuambilabu bionsu bivuabu bambe kudi mulombodi wa beledi ba mukalenga wa bena Ashure maluvu.

Ezela 4:7

Bishelame, Mitredate, Tabeyele ne balunda babu, kufundila kabidi Artashasta, mukalenga munene wa bena Persa mukanda. Mukanda awu bavua baufunda ne maleta a bena Arame, kabidi mu muakulu wa bena Arame.

Yeshaya 22:15

Maweja-Nangila, Mvidi Mukulu muena bukole buonsu, uvua mungambile ne: “Uye kudi Shebna, mulami wa bintu bia mu nzubu wa bukalenga, umuambile ne:

Danyele 2:4

Bena bilengulengu kuandamuna mukalenga mu muakulu wa bena Arame ne: — Mukalenga, kuata ku mundundu! Tuawilaku tshilota, netukujinguluiletshi!