2 Bakalenga 18:14 - MUKANDA WA MYIDI MUKULU

¹⁴ Pashishe, Izkiya, mukalenga wa Yuda kutuma mukenji kudi mukalenga wa bena Ashure uvua mu tshimenga tshia Lakishe, umuambila ne: — Meme ndi muenze bibi! Lekela kunduisha muaba ewu. Ndi muitabe bua kufuta mushinga onsu uudi undomba. Mukalenga wa bena Ashure kulomba Izkiya tshiamu tshitoke tshia mushinga mukole kilo binunu tshitema, ne tshiamu tshia mpawungi kilo nkama tshitema.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Hezikiya, mukelenge wa Yuda, wakatumina mukelenge wa Ashû dî mu Lakisha ne Nakukuenzela bibi; usesuke kundi, nenkuhe mulambu udi ungambila Mukelenge wa Ashû wakafutshisha Hezikiya, mukelenge wa Yuda, milambu ya ntalanta ya argent nkama isatu ne ntalanta ya or makumi asatu.

2 Bakalenga 18:14 ပူးပေါင်းရင်းမြစ်များ

1 Bakalenga 20:4

Mukalenga wa bena Izrayele kuandamuna ne: “Mukalenga, ndi muitabe bionsu biudi wamba! Ndi ndifila meme mu bianza biebe ne bionsu bindi nabi.”

2 Bakalenga 10:5

Diakamue, mulombodi wa nzubu wa bukalenga, mulombodi wa bena mvita ba tshimenga atshi, bakulu ne balongeshi, kutumina Yehu mukanda ne: “Tuetu tudi bena mudimu bebe. Netuenze bionsu biudi wamba. Katuena basue kusungula mukalenga mukuabu mupiamupia to. Nanku, enza muudi musue.”

2 Bakalenga 14:19

Bantu ba mu Yerushalayime, kuelela Amashiya tshifufu tshibi. Nanku, Amashiya kunyema, kuya mu musoku wa Lakishe. Kadi, kumulondabu mu musoku awu, kumushipelamu.

2 Bakalenga 15:20

Nanku, bua Menaheme kupeta tshiamu tshitoke tshia mushinga mukole atshi, uvua ulambuisha bena Izrayele tshitadi. Muntu yonsu uvua mumanyike bikole, uvua ulambula nkanu ya tshiamu tshitoke tshia mushinga mukole makumi atanu. Pule, mukalenga wa bena Ashure, upeta nkanu ivua bantu bafile ayi, kumuka mu ditunga dia bena Izrayele, kupingana kuende.

2 Bakalenga 18:7

Maweja-Nangila uvua wambuluisha Izkiya. Izkiya uvua ne diakalenga mu bionsu bivuaye wenza. Izkiya kutombokela mukalenga wa bena Ashure, kubenga mua kushala ku bumfumu buende.

2 Bakalenga 19:8

Mulombodi wa beledi ba mukalenga wa bena Ashure maluvu, kumvua lumu ne: mfumuende mmumuke mu Lakishe bua kuya kuluisha Libna. Nanku, kuyayemu bua kumonangana ne mfumuende.

Nsumuinu 29:25

Udi utshina bantu udi uditeya nkayende. Kadi muntu udi uditeka mu bianza bia Maweja-Nangila udi usomba talalaa.

Yirmeya 34:7

Tshikondu etshi bena mvita ba mukalenga wa mu Babilone bavua baluisha Yerushalayime ne bimenga bibidi bia Lakishe ne Azeka, bivua mukalenga awu kayi muanji kukuata.

Luke 14:32

Pikalaye kayi mua kumuluisha bimpe, udi umutumina mukenji patshidiye kule, umuebeja mudibu mua kumyuangana nende bua mvita kayenzeki.