2 Bakalenga 17:7 - MUKANDA WA MYIDI MUKULU

⁷ Bena Izrayele bavua babuele mu dikenga, bualu bavua batombokela Maweja-Nangila Mvidi Mukulu wabu, uvua mubasungidile mu bianza bia mukalenga wa bena Ejipitu, mubapatule mu ditunga edi. Bualu bena Izrayele bavua batendelela mvidie mikuabu,

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bualu bua Bena Isalele bakadi benza malu mabi ku mesu kua Yehowa, Nzambi wabo, wakabaluhula mu buloba bua Ejipitu mu bianza bia Palo, mukelenge wa Ejipitu, ne bakatshina nzambi mikuabo,

2 Bakalenga 17:7 ပူးပေါင်းရင်းမြစ်များ

1 Bakalenga 11:4

Shelomu mumane kukola mukulakaje, bakaji aba kumuibidija mua kutendelelaye mvidie mikuabu. Shelomu katshivua munange Maweja-Nangila Mvidi Mukulu wende ne muoyi mujima, bu muvua tatuende Davide mumunange to.

1 Bakalenga 15:3

Abiyame kuenza kabidi buenzayi anu bu bua tatuende Robowame. Kavua muenze malu mimpe, avua nkambua wende Davide muenze to. Kawa munange Maweja-Nangila Mvidi Mukulu wende ne muoyi mujima to.

2 Bakalenga 16:2

Uvua anu ne bidimu makumi abidi, kushalaye mu bukalenga bidimu dikumi ne bisambombu mu Yerushalayime. Kadi Akaze kavua muenze malu avua Maweja-Nangila Mvidi Mukulu wende musue, bu muvuabu benza kudi nkambua wende Davide to.

2 Bakalenga 17:35

Eku Maweja-Nangila uvua mumane kutua ndondu ne ndelanganyi ya Yakobe, muyipeshe mikenji eyi ne: “Kanutendeledi mvidie. Kanuyituidi mpala mpanshi. Kanuyenzedi mudimu, kabidi kanuyilambudi milambu.

1 Kulondolola 5:25

Bena mu tshisamba tshia Rubene, tshia Ngade, ne bena mu tshitupa tshia tshisamba tshia Menashe bavua bapanga kutumikila Mvidi Mukulu wa bankambua babu. Kumulekelabu bua kukukuila mvidie ya bantu benyi, bavua Mvidi Mukulu mubutule diba divua bisamba ebi bifike mu ditunga. Nenku Mvidi Mukulu wa bena Izrayele kutuma Pule ne Tiglate-Pilesere, bakalenga babidi ba bena Ashure, bua babuele ne mvita mu buloba bua bisamba ebi, bakuate bena ditunga, baye nabu mu buloba bua Ala, bua Abore ne Ara ne bua pabuipi ne musulu wa Ngozane. Ke miaba idibu basomba too ne ku mpindiewu.

2 Kulondolola 36:5

Yowakime kubuela mu bukalenga muikale ne bidimu makumi abidi ne bitanu. Kushalaye mu bukalenga bidimu dikumi ne tshimue mu Yerushalayime. Yowakime uvua wenza malu adi Maweja-Nangila Mvidi Mukulu wende mubenge.

Nehemya 9:26

Kadi bavua ne tshishiku. Nanku bobu kukutombokela, kubenga diyi diebe, kushipa bambi bebe, bavua bababela bua bapingane kuudi. Ke muvuabu bakuenzela bibi, bakupenda misangu ne misangu.

Misambu 78:12

Uvua muenze malu a kukema ku mesu a batatuabu, mu ditunga dia Ejipitu ne mu buloba bua Sowane.

Ekesode 20:2

— Meme ndi Maweja-Nangila, Mvidi Mukulu webe, uvua mukupatule mu ditunga dia Ejipitu, muvuabu bakukuate ku bupika.

Yeshaya 57:5

Nudi nuenda buendenda muinshi mua mitshi minene, miaba yonsu idi mitshi ya dileji. Ku muelelu wa misulu, muinshi mua mbuebue, nudi nulambula mvidie bana.

Yirmeya 10:5

Mpingu eyi kayena yakula. Idi anu bu mudi mitshi idibu basa mu madimi, bayivuadika bilamba bia bantu bua kutshinyisha nyunyi. Muntu ke udi uyambula, bualu kayena mua kuenda nkayayi. Kanuyitshinyi to, bualu kayena mua kuenza bualu bubi, bu mudiyi kayiyi mua kuenza bualu buimpe.”

Yezekiyele 39:24

Pandi mubalekele nanku, ndi mubanyoke bilondeshile malu abu mabi, ne mikiya isuabu bapie.

Osheya 12:14

Kadi Maweja-Nangila uvua mupatule bena Izrayele mu Ejipitu, ku mudimu wa muambi. Muambi awu, ke uvuaye mutume, bua ikale mulami wa tshisamba tshiende tshia bena Izrayele.

Osheya 4:12

Bena Izrayele badi bakonka mpingu ya mitshi malu. Katupa ka mutshi ke kadi kabambila malu. Bena Izrayele mbapambuke mu njila, mbambenge, anu bu mudi mukaji wenda tshiendenda. mBatendelele mvidie mikuabu, bashiye Mvidi Mukulu wabu.

Osheya 4:13

Badi balambula milambu ku nsongu ya mikuna. Badi bosha musenga wa manananshi pa mikuna, bua muinshi ubande mulu. Badi bimane muinshi mua mitshi: ya nsanga, ne mikuabu. Bualu dileji dia mitshi ayi, didi dibalengelela. Ke padi bana benu ba bakaji benda tshiendenda, bakaji ba bana benu ba balume, batomboka ku mabaka.

Dielulula 31:29

Ndi mumanye ne: pambafua, bena Izrayele nebenze bibi, nebabenge bionsu bimvua mubambile. Nanku nebikale bena diakabi, bualu bavua benza muabu muonsu bua kutombokela Maweja-Nangila, kumufikisha munda.

Yoshua 23:16

Nuenu banyange ndondu uvua Maweja-Nangila mutume diyi bua kunemeka, nuenu biname kumpala kua mvidie ya bantu benyi bua kuyitendelela, Maweja-Nangila neanufuile munda, anujimije lukasa mu ditunga edi dimpe, didiye mumane kunupa.

Balombodi 6:10

Meme kunuvuluija ne: meme ndi Maweja-Nangila Mvidi Mukulu wenu. Kanuena mua kutendelela mvidie ya bena Amore, bena ditunga dinudi basombe. Kadi kanuena bitabe diyi dianyi to!”