2 Bakalenga 17:4 - MUKANDA WA MYIDI MUKULU

⁴ Pashishe, Osheya kumuelela tshifufu tshibi. Kutumaye bantu kudi mukalenga wa bena Ejipitu ku tshimenga tshia Sayize. Kavua mulambule kabidi mukalenga wa bena Ashure milambu ya ku tshidimu. Mukalenga Shalmanazere umanya bualu abu, kukuatshishaye Osheya, kumuela mu nzubu wa lukanu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Mukelenge wa Ashû wakamanya ne, Hoshea udi ungelela tshifufu; bualu bua yeye wakatuma ba-messager kudi So, mukelenge wa Ejipitu, kakafila milambu kudi mukelenge wa Ashû bu muakadiye wenza ku tshidimu ku tshidimu; nunku mukelenge wa Ashû wakamukuata, wakamusuika mu nsubu wa lukanu.

2 Bakalenga 17:4 ပူးပေါင်းရင်းမြစ်များ

2 Bakalenga 17:3

Shalmanazere, mukalenga wa bena Ashure, kufika bua kumuluisha. Osheya kudifila kudiye, kumulambula milambu ya ku tshidimu ku tshidimu.

2 Bakalenga 17:5

Pashishe, Shalmanazere, kubuela mu ditunga ne mvita, kunyungulula tshimenga tshia Samariya. Bidimu bisatu bimane kupita,

2 Bakalenga 18:21

Udi mutekemene kudi bena Ejipitu anyi? Bena Ejipitu badi anu bu tshikolu tshia dibue tshimane kutshibuka, padi muntu ushindamenapu, tshidi tshimutua mu tshianza. Ke mudi mukalenga wa bena Ejipitu wenzela bantu bonsu badi batekemena kudiye.

2 Bakalenga 24:1

Pavua Yowakime mu bukalenga, Nebukadnesare, mukalenga wa bena Babilone, kubuela ne mvita mu ditunga dia bena Yuda. Yowakime uvua ne bua kuitaba bumfumu buende. Kadi bidimu bisatu bimane kupita, Yowakime kutombokela mukalenga Nebukadnesare.

2 Bakalenga 24:20

Maweja-Nangila pavuaye ne tshiji, uvua mutume makenga mu Yerushalayime ne mu bukalenga bua Yuda. Maweja-Nangila kubenga bantu bende, kubalekelaye. Sedekiya kutombokela Nebukadnesare, mukalenga wa bena Babilone.

2 Bakalenga 25:7

Kushipabu bana ba Sedekiya ba balume, tatuabu mutangile. Pashishe, Nebukadnesare kutonkona mesu a Sedekiya onsu abidi. Kumutumaye ku Babilone musuike mionji bikole.

2 Kulondolola 32:11

Izkiya udi unushima padiye unujadikila ne: Maweja-Nangila wenu neanupandishe ku tshianza tshianyi. Nenufue bonsu ne nzala ne nyota.

Osheya 10:4

Bena Izrayele badi bakula amu kuakula; badi baditshipa mitshipu ya mashimi, batua ndondu. Kadi dikosa diabu dia nsambu, didi bu bisosa bibi bia lulengu, bitoloka mu budimi budibu bamane kusekuna.

Osheya 12:2

Bena Efrayime badi benza malu a tshianana, bu bantu badi bipata lupepele, bakeba kulukuata. Matuku onsu badi bipata lupepele lua luya, bashimangana, bakengeshangana. Badi batua ndondu ne bena Ashure, bafila mafuta abu mimpe kudi bena Ejipitu.

Osheya 13:10

Mukalenga wenu udi penyi? Ke yeye uvua ne bua kunusungidila! Bamfumu benu bonsu badi penyi? Ke bavua ne bua kunulombola! Nuenu ke bavua bandomba mukalenga, bandomba kabidi ne bamfumu.

Osheya 8:10

Nansha bena Efrayime bapeshe bisamba bikuabu mabuejila a bungi, tshikondu tshiakumbanyi, tshia meme kubakunguja muaba umue. Nanku, matuku makese aa, nebapete dinyoka kudi mukalenga wa bena Ashure.

Dielulula 28:36

Pashishe Maweja-Nangila neanukuatshishe mu bupika ne mukalenga unuikala nende. Neanufikishe mu ditunga divua bankambua benu kabayi bamanye, nansha nuenu kabidi. Mu ditunga adi nentendelele mvidie idi anu mpingu ya mitshi misonga, nansha ya mabue.