2 Bakalenga 17:37 - MUKANDA WA MYIDI MUKULU

³⁷ Matuku onsu, nutumikile meyi anyi, mikandu yanyi, ne mikenji yanyi yonsu imvua munufundile nuenu nkayenu, nangananga kanuena mua kutendelela mvidie mikuabu to.

Mukanda wa Nzambi Dihungila Dikulukulu ne Dihungila Dihia-dihia 2003

³⁷ ne mikandu yandi ne mei andi ne mikenji yandi biakanufundileye, nubitumikile tô tshiendelele; kanutshinyi nzambi mikuabo.

2 Bakalenga 17:37 ပူးပေါင်းရင်းမြစ်များ

2 Bakalenga 17:38

Kanuena mua kupua muoyi bua ndondu umvua mutue nenu. Ndi ngambulula ne: kanutendeledi mvidie mikuabu to.

1 Kulondolola 29:19

Upeshe Shelomu muoyi mukole bua kulama meyi, mikenji ne mikandu biebe, wa kubikumbaja, ne wa kuibaka muaba webe wa tshijila unkadi mumane kulongoluela bintu ebi.

Lewitiki 19:37

“Nulame meyi anyi ne mikenji yanyi bimpe. Bualu meme ndi Maweja-Nangila.”

Dielulula 31:11

Nusangishe bena Izrayele bonsu muaba umue, balume, bakaji, bana, ne bantu benyi badi munkatshi muenu. Nubabadile mikenji eyi kumpala kua Mvidi Mukulu Maweja-Nangila, muaba wikalaye musungule.

Dielulula 31:9

Moshe kufunda mikenji ya Mvidi Mukulu, kuyipesha batuangaji, ndelanganyi ya bena Levi, bavua ne mudimu wa kuambula mushete uvua ne mikenji ya ndondu. Kuyipeshaye kabidi bakulu ba bena Izrayele.

Dielulula 5:22

Mikenji eyi, ke ivua Maweja-Nangila muakule ne diyi dikole, wambila bena Izrayele ku mukuna wa Sinayi. Uvua ubamanyishayi munkatshi mua kapia ne divuba dia muinshi. Uvua muyifunde pa mabue abidi, avuaye mumpeshe meme Moshe, kayi musakidileku mikenji mikuabu to.

Dielulula 5:31

Kadi wewe Moshe ushale pabuipi nanyi, bua nkuambile meyi ne mikenji bionsu bia kumanyisha bena Izrayele, bua babikumbaje mu ditunga dindi mbapesha.”

Dielulula 5:32

Moshe kuambila kabidi bena Izrayele ne: Nanku nukumbaje bionsu bidi Maweja-Nangila Mvidi Mukulu wenu munuambile, anu mudibi amu.

Dielulula 5:33

Nuitabe bionsu bidi Maweja-Nangila wenu munuambile, bua nuikale bena diakalenga, nushale ne muoyi matuku a bungi mu ditunga didiye unupesha.

Balombodi 6:10

Meme kunuvuluija ne: meme ndi Maweja-Nangila Mvidi Mukulu wenu. Kanuena mua kutendelela mvidie ya bena Amore, bena ditunga dinudi basombe. Kadi kanuena bitabe diyi dianyi to!”