2 Bakalenga 17:34 - MUKANDA WA MYIDI MUKULU

³⁴ Ndelanganyi ya bantu ba bisamba bikuabu abu, itshidi ilonda bilele ebi bia kale too ne mpindiewu. Kabena batendelela Maweja-Nangila menemene to. Nanku, kabena batumikila menemene nansha mikenji ne bilele bia bankambua babu, nansha mikenji ivua Maweja-Nangila muambile ndelanganyi ya Yakobe. — Yakobe awu ke uvua Maweja-Nangila muinyike dina dia Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Nunku tô ne ku dituku edi badi benza bu muakenzabo diambedi: Kabena batshina Yehowa, kabena batumikila mikandu ne mei ne mikenji biakambila Yehowa bana ba Yakoba bakidikeye ne, Bena Isalele.

2 Bakalenga 17:34 ပူးပေါင်းရင်းမြစ်များ

Genese 32:28

Yeye awu kukonka Yakobe ne: — Dina diebe nnganyi? Yakobe kumuandamuna ne: — Ndi Yakobe.

Genese 32:29

Yeye awu kuambila Yakobe ne: — Kabakukubikila kabidi ne: Yakobe to. Nebakubikile ne: Izrayele. Bualu udi muluangane mvita ne Mvidi Mukulu, muluangane kabidi ne bantu, wewe kubatshimuna.

Genese 33:20

Kuasaye tshilambuilu muaba awu, kutshinyika ne: Ele, mmomumue ne Mvidi Mukulu wa bena Izrayele.

Genese 35:10

Mvidi Mukulu kumuambila ne: — Kabena bakubikila kabidi ne: Yakobe to. Mpindiewu nebakubikile ne: Izrayele. Nanku Mvidi Mukulu kumuinyika ne: Izrayele.

1 Bakalenga 11:31

Pashishe kuambilaye Yerobowame ne: — Angata bipese bia tshinkutu etshi dikumi! Bualu Maweja-Nangila Mvidi Mukulu wa bena Izrayele udi ukuambila ne: “Ne-nnyenge Shelomu bukalenga. Nenkupe wewe bisamba dikumi.

1 Bakalenga 18:11

Mpindiewu udi untuma bua meme kuya kumanyisha mfumuanyi Akabe ne: “Muambi wafiki!”

1 Bakalenga 18:31

Kuangataye mabue dikumi ne abidi, bilondeshile bisamba dikumi ne bibidi bia ndelanganyi ya Yakobe. (Yakobe ewu ke uvua Maweja-Nangila muambile ne: “Kutuadija mpindiewu, nebakubikile ne: Izrayele.”)

2 Bakalenga 17:25

Pavua bantu aba batuadija kuasa mu misoku ayi, kabavua batendelela Maweja-Nangila to. Nanku, Maweja-Nangila kubatumina nyama ya ntambue. Nyama ayi kushipa bantu ba bungi ba munkatshi muabu.

2 Bakalenga 17:33

Nanku, bantu abu, bavua luseke batendelela Maweja-Nangila, luseke lukuabu batendelela mvidie yabu, bilondeshile bilele bia ku matunga abu kuvuabu bafumine.

2 Bakalenga 17:40

Kadi, bantu ba bisamba bikuabu abu, kubenga mua kuitaba bionsu abi. Kutungunukabu amu ne bilele biabu bia kale.

Misambu 55:20

Mvidi Mukulu, mukalenga wa ku tshibangidilu, anteleje, abafuishe bundu. Bualu bantu aba kabena basue kudilengeja, kabena nansha batshina Mvidi Mukulu.

Nsumuinu 14:2

Muntu udi wenda mu njila wa buakane, udi utshina Maweja-Nangila. Kadi udi wenda mu njila mikonyangale udi umupepeja.

Yeshaya 48:1

Nuenu tshisamba tshia Yakobe, telejayi. Nudi nudisua, bua panudi ne dina dia Izrayele, bua panudi ndelanganyi ya Yuda. Nudi nutshipa, nutela dina dia Maweja-Nangila, nutela Mvidi Mukulu wa Izrayele. Kadi kanuena nuditshipilamu, kanuena ne muoyi wa kukumbaja tshinudi nulaya ne mutshipu.