2 Bakalenga 17:26 - MUKANDA WA MYIDI MUKULU

²⁶ Kumanyishabu mukalenga wa bena Ashure ne: bantu baudi mubikidishe bua kuasabu mu misoku ya mu ditunga dia Samariya, kabena bamanye mua kutendelela mvidie wa bena ditunga adi. Nanku, mvidie awu, mmubatumine nyama ya ntambue bua kubashipa.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Nunku bakambila mukelenge wa Ashû ne, Ba bisamba biwakalua nʼabi bua kuteka mu misoko ya Samalea kabena bamanye mikenji ya nzambi wa mu buloba abu: nunku yeye wakatuma nyama ya ntambue munkatshi muabo, monai, idi ibashiha, bualu bua kabena bamanye mikenji ya nzambi wa buloba abu.

2 Bakalenga 17:26 ပူးပေါင်းရင်းမြစ်များ

2 Bakalenga 17:25

Pavua bantu aba batuadija kuasa mu misoku ayi, kabavua batendelela Maweja-Nangila to. Nanku, Maweja-Nangila kubatumina nyama ya ntambue. Nyama ayi kushipa bantu ba bungi ba munkatshi muabu.

2 Bakalenga 17:27

Ke mukalenga wa bena Ashure, kubikidisha mutuangaji mukuabu uvuabu baye nende mu Ashure mu bupika, bua apingane mu ditunga dia Samariya. Mutuangaji awu kusomba mu ditunga dia Samariya bua kulongesha bantu abu mudibu mua kutendelela mvidie awu.

Amosa 8:14

Bonsu badi baditshipa, mu dina dia mvidie ya dishima, ya bena Samariya, bamba ne: “Mu dina dia mvidie Dane udi ne muoyi…” nansha ne: “Mu dina dia njila udi utufikisha ku Bersheba…”, bonsu abu nebadishinde panshi, kabayi mua kujuka kabidi to.

1 Samuele 10:25

Ke Samuwele kubadila bantu bidi bantu ne bua kuenzela mukalenga, ne bidi mukalenga ne bua kuenzela bantu. Kufundaye bionsu abi mu mukanda, kuutekaye mu nzubu wa Mvidi Mukulu. Pashishe kutangalajaye bena Izrayele, kupinganabu kuabu.

1 Samuele 8:9

Nanku itaba bionsu bidibu bakulomba. Kadi ubabela, ubambile patoke, ubaleje malu onsu abenzelabu kudi mukalenga udi ushala mfumuabu.