2 Bakalenga 17:25 - MUKANDA WA MYIDI MUKULU

²⁵ Pavua bantu aba batuadija kuasa mu misoku ayi, kabavua batendelela Maweja-Nangila to. Nanku, Maweja-Nangila kubatumina nyama ya ntambue. Nyama ayi kushipa bantu ba bungi ba munkatshi muabu.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Ku tshibangidilu tshia dishikama diaboku kabakatshina Yehowa; nunku Yehowa wakatuma nyama ya ntambue munkatshi muabo, yakashiha bakuabo babo.

2 Bakalenga 17:25 ပူးပေါင်းရင်းမြစ်များ

1 Bakalenga 13:24

Awu kuya. Pavuaye mu njila, kusambakenaye ne nyama wa ntambue. Nyama awu kumushipa. Tshitalu tshia muambi kushala panshi mu njila. Kadi, nyama wa mpunde, ne nyama wa ntambue, kushala mimane, ewu ku luseke lua tshitalu, mukuabu ku luseke.

1 Bakalenga 20:36

Pashishe, muntu wa kumpala kuamba ne: — Bu muudi ubenga bua kutumikila diyi dia Maweja-Nangila, anu wewe umuka muaba undi ewu, nyama wa ntambue neakushipe. Nanku muntu awu uya mu njila, kusambakenaye ne nyama wa ntambue. Nyama awu kumushipa.

2 Bakalenga 17:26

Kumanyishabu mukalenga wa bena Ashure ne: bantu baudi mubikidishe bua kuasabu mu misoku ya mu ditunga dia Samariya, kabena bamanye mua kutendelela mvidie wa bena ditunga adi. Nanku, mvidie awu, mmubatumine nyama ya ntambue bua kubashipa.

2 Bakalenga 17:28

Ke muvua mutuangaji, uvuabu bakuate, bumuke nende, mupingane mu ditunga dia Samariya, musombe ku Betele, ulongesha bantu mua kutendelela Maweja-Nangila.

2 Bakalenga 17:32

Kadi bantu bonsu aba, bavua batendelela kabidi Maweja-Nangila. Bavua basungula bantu balume bakuabu ba munkatshi muabu bua bikale batuangaji mu nzubu ya mvidie yabu, balombola ditendelela.

2 Bakalenga 17:34

Ndelanganyi ya bantu ba bisamba bikuabu abu, itshidi ilonda bilele ebi bia kale too ne mpindiewu. Kabena batendelela Maweja-Nangila menemene to. Nanku, kabena batumikila menemene nansha mikenji ne bilele bia bankambua babu, nansha mikenji ivua Maweja-Nangila muambile ndelanganyi ya Yakobe. — Yakobe awu ke uvua Maweja-Nangila muinyike dina dia Izrayele.

2 Bakalenga 17:41

Nanku, bavua luseke batendelela Maweja-Nangila, luseke lukuabu batendelela mpingu. Pashishe, bana babu ne ndelanganyi yabu yonsu bavua benza anu nanku too ne mpindiewu.

2 Bakalenga 2:24

Elisha ukenzakana, kubamona. Kubatshipaye mu dina dia Maweja-Nangila. Ke nyama ya lonji ibidi kupatuka mu ditu, kushipa bana ba balume makumi anayi ne babidi, kubasunsula.

Yeshaya 15:9

Mayi adi apitshila mu Dimone, neakunze ne mashi. Maweja-Nangila udi wamba ne: “Nensakidile makenga, ku adibu nawu mu Dimone. Ndi ntuma nyama wa ntambue, bua akuate mu Mowabe bantu badi bashala ne muoyi, bena ditunga badi kabayi bafue mu mvita.”

Yirmeya 10:7

Nanku bantu bonsu badi ne bua kukunemeka, wewe mukalenga wa bisamba bionsu bia pa buloba. Bualu bukalenga buonsu mbuebe wewe. Munkatshi mua bena meji bonsu ba pa buloba, munkatshi mua bakalenga bonsu, kamuena mukuabu bu wewe.

Yirmeya 15:3

Maweja-Nangila udi wamba ne: nembakengeshe mishindu inayi: muele wa mvita neubashipe, mbua neyikoke bitalu iye nabi kule, nyunyi ya mikanku neizokole bitalu, nyama ya mibuabua neidie bionsu bidi bishale.

Yirmeya 5:6

Nanku, nyama wa ntambue neapatuke muitu, abaluishe. Nyama wa tshimungu neapatuke mu mpata, abasunsule. Tshisumpa ntambue netshibaalamine pabuipi ne bimenga biabu. Netshipandulule bantu bonsu badi bapatukamu. Bualu bantu badi amu ne buenzavi. Badi bela Mvidi Mukulu nyima misangu mipite bungi kayiyi kubala.

Yezekiyele 14:15

Misangu mikuabu, ndi mua kutumina bantomboji abu nyama ya lonji. Nanku ditunga diabu nedishale tshipela, bualu nyama ayi neyishipe bena ditunga bonsu. Bantu bakuabu kabakuendamu to, bualu nebatshine nyama.

Yezekiyele 14:21

Pashishe, Maweja-Nangila kungambila ne: — Ndi mutumine Yerushalayime bipupu binene binayi! Ke mvita, tshiyole tshia nzala, nyama ya lonji, ne disama dia tshiambu tshikole, bua kubutula bantu ne nyama.

Danyele 6:26

Matuku apita, mukalenga wa bakalenga kutumina bantu ba matunga onsu, ba bisamba bionsu, ba miakulu yonsu, badi basomba pa buloba bujima, mukanda ubambila ne: “Ndi nnujingila ditalala dijima!

Lewitiki 26:22

Nentume nyama ya tshisuku, ishipe bana benu, ibutule bimuna bienu. Nenubutuke, mu njila yenu mushale anu mutupu.

Yona 1:9

Yona kubandamuna ne: — Ndi muena Ebrewu, ndi nnemeka Maweja-Nangila, Mvidi Mukulu wa mu diulu, uvua mufuke mayi manene, ne buloba.

Yoshua 22:25

Bualu Maweja-Nangila nkayende mmumane kuteka Yardene bu mukalu pankatshi petu nenu. Nanku nuenu bena Rubene ne bena Ngade, kanuena ne tshinudi mua kuamba kumpala kua Maweja-Nangila to.” Diba adi ndelanganyi yenu idi mua kukandika yetu bua kayitendeledi Maweja-Nangila.