2 Bakalenga 17:24 - MUKANDA WA MYIDI MUKULU

²⁴ Mukalenga wa bena Ashure, kubikidisha bantu ba mu Babilone, Kuta, Ava, Amate ne Sefawayime, bua kubapesha miaba ya kuasa mu ditunga dia Samariya. Kuasabu mu misoku ivua bena Izrayele bashiye, bualu bavua babakuata baye nabu mu bupika. Nanku, bantu aba, kuangata buloba abu, kuasamu misoku yabu.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Mukelenge wa Ashû wakangata bantu ba mu Babulona ne ba mu Kuta ne ba mu Awa ne ba mu Hamata ne ba mu Sefâwayima, wakabateka mu misoko ya Samalea mu miaba ya Bena Isalele; bobo bakaheta misoko ya Samalea, bakashikamamu.

2 Bakalenga 17:24 ပူးပေါင်းရင်းမြစ်များ

1 Bakalenga 8:65

Anu tshikondu atshi, Shelomu ne bena Izrayele bonsu, bavua muaba awu bapite bungi, kuenzabu tshibilu tshia tuzubu tua Bisasa. Bena Izrayele abu, bavua bafumine mu ditunga dijima dia bena Izrayele, biangatshile ku Lebo-Amate ku mutu mu ditunga, too ne ku musulu wa Ejipitu udi kuinshi mu ditunga. Nanku, munkatshi mua matuku muanda mutekete, bena Izrayele kuenza tshibilu atshi muaba uvua Maweja-Nangila Mvidi Mukulu.

2 Bakalenga 17:6

Osheya mumane kulala mu bukalenga bidimu tshitema, mukalenga wa bena Ashure kukuata tshimenga tshia Samariya. Kuyabu ne bena Izrayele mu bupika mu Ashure, kubapesha buloba bua Ala, ne bua Ngozane, muaba udi musulu wa Abore, kabidi ne bimenga bia Madayi bua kusombamu.

2 Bakalenga 18:31

Kanuena mua kuteleja tshidi Izkiya unuambila to. Nuteleje anu tshindi nnuambila meme mukalenga wa bena Ashure. Lekelayi kukandamana! Anyishayi nudifile kundi. Nanku, muntu yonsu wa kunudi neanue maluvu ende, neadie tumuma tuende tua mfiku, kabidi neanue mayi ende adi mu tshiina.

2 Bakalenga 18:34

Mvidie wa tshimenga tshia Amate ne tshia Arpade, ivua mingenzele tshinyi? Nansha mvidie ya tshimenga tshia Sefarvayime, tshia Ena, ne tshia Ava? Mvidie nansha umue kavua munkandike bua meme kukuata tshimenga tshia Samariya to.

2 Bakalenga 19:13

Ela meji bimpe. Bakalenga ba mu tshimenga tshia Amate, Arpade, Layire, Sefarvayime, Ena ne Ava, badi penyi?”

2 Kulondolola 33:11

Nanku, Maweja-Nangila kubatumina balombodi ba bena m vita ba mukalenga wa bena Ashure. Kukuatabu Menashe, kumuela nkanu ku mbanga, kumusuikabu bikole ne nkanu, kuyabu nende ku Babilone.

Yeshaya 10:9

Meme kukuata tshimenga tshia Kalne, kukuata ne tshia Karkemishe. Meme kukuata tshimenga tshia Amate, kukuata tshia Arpade, kukuata Samariya, kukuata Damase.

Yeshaya 11:11

Dituku adi Maweja-Nangila neenze tshiakabidi muende muonsu, bua kupikula bantu bende. Neapingaje kuabu bavua bashale ne muoyi mu ditunga dia Ashure ne dia Ejipitu, mu ditunga dia Patrose ne dia Kushe, mu Elame ne mu Babilone, mu Amate wa bena Arame, ne mu matunga a ku muelelu wa mayi manene.

Yeshaya 36:19

Mvidie ya bena tshimenga tshia Amate ne tshia Arpade, ivua mienze tshinyi? Nansha ya bena tshimenga tshia Sefarvayime? Muntu uvua mumpangishe mua kukuata tshimenga tshia Samariya anyi?

Yeshaya 37:13

Ela meji bimpe. Bakalenga ba mu tshimenga tshia Amate, tshia Arpade, tshia Layire, tshia Sefawayime, tshia Ena ne tshia Eva, badi penyi?”

Yeshaya 37:18

Eyowa, Maweja-Nangila, bakalenga ba bena Ashure mbabutule matunga makuabu, banyangakaje maloba.

Yirmeya 21:2

— Yirmeya, bu wewe musue, utukonkele Mvidi Mukulu, bualu Nebukadnesare, mukalenga wa bena Babilone, udi udiluisha. Ulombe Maweja-Nangila bua adienzele tshishima, bu muvuaye muenze kale, bua bena Babilone batushile muaba bumuke.

Yirmeya 50:1

Maweja-Nangila uvua mumanyishe Yirmeya mukenji udi utangila bena Babilone ne tshimenga tshiabu tshinene tshia Babilone wamba ne:

Matayi 10:5

Yezu kutuma bapostolu bende dikumi ne babidi aba, ubambila bivuabu ne bua kuenza ne: — Kanuyi mu matunga a bantu badi kabayi bena Yuda, kanubuedi mu bimenga bia bena Samariya.