2 Bakalenga 17:21 - MUKANDA WA MYIDI MUKULU

²¹ Pavua Maweja-Nangila mumushe buloba bua Izrayele ku bukalenga bua Davide, bena Izrayele bavua badisunguile Yerobowame, muana wa Nebate, bua kuikalaye mukalenga wabu. Yerobowame ke uvua mubafikishe ku dibenga kutumikila Maweja-Nangila, mubafikishe ku dienza bibi bitambe.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Bualu bua yeye wakahandu tula Bena Isalele kudi nsubu wa Davidi; bakadisunguila Yalobama, muana wa Nebata, mukelenge wabo; Yalobama wakasesuisha Bena Isalele kudi Yehowa, wakabenzesha bualu bubi bunene.

2 Bakalenga 17:21 ပူးပေါင်းရင်းမြစ်များ

Genese 20:9

Abimeleke kubikidisha Abrahame, umukonka ne: — Tshiwatuenzedi nenku ntshinyi? Mbualu bubi kaayi bundi mukuenzele bua wewe kutubueja ne bena ditunga dianyi mu tshilumbu bunene nunku! Udi mutuenzele bualu budi muntu kayi mua kuenzela mukuabu to.

1 Bakalenga 11:11

umuambila ne: — Bu muudi muenze nanku, kuyi munemeke ndondu utuvua batue nebe, nansha mikenji imvua mukuambile, ndi nkunyenga bukalenga, mbupesha muntu webe mukuabu.

1 Bakalenga 11:31

Pashishe kuambilaye Yerobowame ne: — Angata bipese bia tshinkutu etshi dikumi! Bualu Maweja-Nangila Mvidi Mukulu wa bena Izrayele udi ukuambila ne: “Ne-nnyenge Shelomu bukalenga. Nenkupe wewe bisamba dikumi.

1 Bakalenga 13:34

Buenzayi bua Yerobowame abu kutampakana kudi bena nzubu wende bonsu. Ke pavua bena nzubu wa Yerobowame bafue, babutuke bonsu pa buloba.

1 Bakalenga 14:16

Maweja-Nangila nealekele bena Izrayele, bualu Yerobowame mmuenze bibi, kabidi mmufikishe bena Izrayele ku dienza bibi.

1 Bakalenga 14:8

Meme kunyenga bukalenga kudi bena nzubu wa Davide, bua kukupabu wewe. Kadi, wewe kuena muenze muvua muntu wanyi Davide wenza to. Davide uvua utumikila meyi anyi. Uvua ungenzela mudimu ne muoyi mujima, kayi umfikisha munda to.

2 Bakalenga 17:22

Biangatshile tshikondu atshi, bena Izrayele bavua anu benza buenzayi, bu muvua Yerobowame muenze.

2 Kulondolola 11:11

Robowame uvua mubinyungulule ne bimana bikole. Kutumaye balombodi mu bimenga ebi, kutekeshayemu biakudia, mafuta ne maluvu.

2 Kulondolola 11:15

Yerobowame nkayende kusungula bantu bua kuikalabu batuangaji miaba ivuabu batendelela mvidie, bakukuila mpingu ya mbuji ya mpumbu ne ya tuana tua ngombe.

Misambu 25:11

Maweja-Nangila, wewe udi Mvidi Mukulu. Mibi yanyi mmipite bungi! Umfuile luse!

Ekesode 32:21

Pashishe, Moshe kukonka Arone ne: — Bena Izrayele mbakuenzela bualu bubi kaayi, paudi mubenzele tshilema bunene nenku?

Yeshaya 7:17

Kadi Maweja-Nangila neanukengeshe, wewe ne bantu bebe, ne bena diku diebe dia bukalenga. Nenubuele mu dikenga dinudi kanuyi banji kumona, katshia bukalenga bua Izrayele babulukangana ne bukalenga bua Yuda. — Mukalenga wa bena Ashure neakumbaje bionsu ebi.

Yowanane 19:11

Yezu kumuandamuna ne: — Kuena ne bumfumu nansha bumue pambidi panyi, pa kumusha buvua Mvidi Mukulu mukupeshe. Nanku muntu uvua mmufile kuudi, udi ne tshibawu tshipite tshiebe.

1 Samuele 2:17

Nanku bana ba balume ba mutuangaji Eli bavua bapepeja Maweja-Nangila bikole, bualu kabavua banemeka milambu ivuabu bamulambula.

1 Samuele 2:24

Bana banyi, lekelayi kuenza nanku! Tshijanu tshienu tshindi mumvue mukana mua bantu ba Maweja-Nangila tshidi tshibi tshitambe.