2 Bakalenga 17:14 - MUKANDA WA MYIDI MUKULU

¹⁴ Kadi bantu abu, kabena bitabe bivuabu babambila abi to. Bavua batomboka, anu bu muvuabu benza kudi bankambua babu, bavua babenga mua kuitaba Maweja-Nangila Mvidi Mukulu wabu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Kadi kabakunvua, bakakolesha mitshima yabo bu muakenza bankambua babo bakadi kabayi bitabusha Yehowa, Nzambi wabo.

2 Bakalenga 17:14 ပူးပေါင်းရင်းမြစ်များ

2 Kulondolola 24:19

Pashishe, Mvidi Mukulu kubatumina bambi bua bababele, bua bapingane kudiye. Kadi, muntu nansha umue kavua muteleje bambi abu to.

2 Kulondolola 36:13

Mukalenga Nebukadnesare uvua mulombe mukalenga Sedekiya bua amuitabe, aditshipe, atele dina dia Maweja-Nangila. Kadi, nansha Nebukadnesare muenze nanku, Sedekiya uvua amu mumutombokele. Uvua ne tshitunu, mubenge mushidishe, kayi musue kupingana kudi Maweja-Nangila Mvidi Mukulu wa bena Izrayele.

Nehemya 9:29

Pashishe, wewe kubabela bua bapingane kuudi. Kabavua bitabe mikenji yebe. Kadi bavua buwule ne ditambisha, babenga mikenji yebe ne meyi ebe. Badi batumikila meyi ebe ke badi bapeta muoyi. Kadi bobu kukutombokela, kubenga kukuteleja.

Misambu 106:24

Pashishe kupetulabu ditunga divuabu bajinga, kubengabu kuitaba dilaya dia Mvidi Mukulu.

Misambu 78:22

Bualu bantu bende kabavua bamuitabe, kabavua bangata diambuluisha diende ne mushinga.

Misambu 78:32

Nansha mubashipe nanku, bena Izrayele kuenzabu kabidi malu mabi, kabena bitabe malu avua Mvidi Mukulu muenze a kukema nansha.

Misambu 78:8

Nenku, kabakulonda kabidi ngenzelu ya bankambua babu ivua mibi, ya bantu batomboke, bena mpala ibidi, kabayi balamate Mvidi Mukulu.

Ekesode 16:28

Maweja-Nangila kukonka Moshe ne: — Bena Izrayele nebabenge kuitaba meyi anyi ne mikenji yanyi too ne ku diba kaayi?

Ekesode 32:9

Meme Maweja-Nangila mbajadiki ne: bena Izrayele bonsu mbantu ba tshitunu.

Ekesode 33:3

Nuye mu ditunga edi didi ne biakudia bia bungi. Kadi meme tshiakuya nenu to, bualu nudi ne tshitunu, ndi mua kunubutula mu njila.

Nsumuinu 29:1

Muntu udi uteka mutu mukole padibu bamubela, dimue neabutuke kakuyi tshidi tshikandika.

Yeshaya 48:4

Kadi ndi mukumanye, muudi muena tshitunu, muudi tshisamba tshidi tshitomboka, tshisamba tshia mutu mukole bu tshiamu.

Yirmeya 3:7

Meme kuela meji ne: Izrayele neapingane kundi. Kadi kena mupingane to. Yuda ntomboji, muanabu ne Izrayele, uvua mumone bionsu ebi.

Yirmeya 34:14

Mvua mubambile ne: Pakumbana bidimu muanda mutekete, yonsu wa kunudi apikule muanabu muena Ebrewu uvua mudipane kudiye bu mupika, ne ukavua mumane kumuenzela mudimu bidimu bisambombu. Nudi mua kumulekela aye mudiye musue. Kadi bankambua benu ki mbanteleje, ki mbitabe tshimvua mubambile to.

Yirmeya 7:26

Kadi kanuena banteleje, kanuena bangitabe. Nuvua amu bantombokele. Nuenu kuenza bibi kupita bankambua benu.”

Yezekiyele 12:2

— Yezekiyele, udi musombe munkatshi mua bantomboji! Badi ne mesu, kadi kabena basue kumona. Badi ne matshi, kadi kabena basue kumvua, bualu badi bantu ba tshitunu.

Yezekiyele 2:3

— Muntu, ndi nkutuma kudi bena Izrayele. Bantu abu mbantombokele. Badi anu bambenga bu muvua bankambua babu bambenga.

Yezekiyele 3:19

Kadi wewe mumudimuje, yeye mubenge kulekela bilema biende ne ngenzelu yende mibi, neafue bua mibi yende. Kadi wewe neushale ne muoyi.

Danyele 5:20

Kadi tatuebe kuditambisha, kuwula tente ne kapetu. Nanku bakamumbusha mu nkuasa wende wa bukalenga, kumunyenga ne lumu luvuaye nalu.

Osheya 11:2

Kadi pamvua mbikila bena Izrayele nanku, munanukile, bavua bambenga anu kubenga. Bantu banyi badi balambula mvidie Baale milambu. Mvidie yonsu ya mushindu ewu, badi bayoshila milambu.

Bienzedi 7:51

Nuenu bantu ba mutu mukole, ba muoyi mupape, kanuena nuitaba ku lubila lua Mvidi Mukulu! Nudi amu nutombokela Mueyelu wa Tshijila! Muvua bankambua benu benza, ke munudi nuenza amu!

Dielulula 1:32

Kadi tshikondu atshi, kanuvua batekemene kudi Maweja-Nangila Mvidi Mukulu wenu to.

Dielulula 31:27

Meme Moshe ndi mumanye ne: bena Izrayele badi ne tshitunu, badi bonsu bantomboji. Mpindiewu pantshidi ne muoyi munkatshi muabu, bakabenga Maweja-Nangila. Kadi pambafua, nebamubenge bikole.

Dielulula 9:13

Maweja-Nangila kungambila kabidi ne: “Ndi mujadike ne: bantu aba mbantombokele.

Ebrewu 3:12

Bana hetu, dimukayi! Muntu wa kunudi nansha umue kikadi ne muoyi mubi, wa kuvila ditaba, mufuane kulamuka kudi Mvidi Mukulu wa muoyi.