2 Bakalenga 17:10 - MUKANDA WA MYIDI MUKULU

¹⁰ Bavua bibaka bibumba bia mabue, ne makunji a kutendelela mvidie, ku nsongu ya mikuna, muinshi mua mitshi ivua ne dileji dia bungi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ bakadijadikila makunshi ne Bashela ku mutu kua mikuna yonso ne muinshi mua mitshi mibishi yonso.

2 Bakalenga 17:10 ပူးပေါင်းရင်းမြစ်များ

1 Bakalenga 14:23

Bena Yuda kabidi bavua bibake miaba ya kutendelela mvidie, bibake bibumba bia mabue, bibake kabidi makunji a kutendelela mvidie ku nsongu ya mikuna yonsu, ne muinshi mua mitshi ivua ne dileji dia bungi.

2 Bakalenga 16:4

Akaze uvua ulambula milambu ya nyama ne ya manananshi mu miaba ya kutendelela mvidie, pa mikuna, muinshi mua mitshi ivua ne dileji dia bungi.

2 Bakalenga 17:11

Bavua balambula milambu miaba yonsu ya kutendelela mvidie, bu muvua bisamba bikuabu bienza, bivua Maweja-Nangila muipate, bua kushila bena Izrayele ditunga. Bena Izrayele kuenza buenzayi, kufikisha Maweja-Nangila munda.

Ekesode 34:12

Kadi, kuena mua kutua ndondu ne bantu ba ditunga dinuasomba to. Bualu nudi mua kulonda buenzayi buabu, nuenu kupeta diakabi.

Ekesode 34:13

Nanku, nupule bilambuilu biabu, nupule makunji abu adibu batendelela.

Yeshaya 2:8

Buloba bua Yakobe mbuwule tente ne mvidie ya dishima. Bantu badi batendelela mvidie, bakukuila bintu bidibu badienzela.

Yeshaya 57:5

Nudi nuenda buendenda muinshi mua mitshi minene, miaba yonsu idi mitshi ya dileji. Ku muelelu wa misulu, muinshi mua mbuebue, nudi nulambula mvidie bana.

Yirmeya 3:6

Tshikondu tshi vua mukalenga Yoshiya mu bukalenga, Maweja-Nangila kungambila ne: — Udi mumone mudi Izrayele wenda tshiendenda anyi? Udi uya miaba yonsu ku mikuna, ne muinshi mua mitshi yonsu idi ne dileji dia bungi, bua kuenda tshiendenda.

Yezekiyele 20:28

Meme kubafikisha mu ditunga dimvua muditshipe bua kubapesha. Kadi, kuaka kuayibu, mbamone nsongu ya mikuna ivua ne mitshi ya bifufu. Kubandabu kuine aku bua kulambula milambu. Bavua bamfikisha munda ne bintu bivuabu balambula, manananshi avuabu bosha, ne maluvu avuabu balambula muaba awu.

Lewitiki 26:1

“Kanuena mua kuenza mpingu ileja mvidie ya dishima. Kanuena mua kuimanyika mpingu ayi, nansha kujidila mabue. Kanuena mua kuteka mabue mu ditunga dienu, kuazola bua kuatendelela to. Bualu meme ndi Maweja-Nangila Mvidi Mukulu wenu.

Mika 5:14

Nemfike munda, nensombuele bisamba bia bantu, bivua kabiyi bintumikila.”

Dielulula 16:21

Kanuena mua kuasa dikunji, nansha kukuna mutshi, bua kutendelela mvidie mikuabu, pabuipi ne tshilambuilu, tshinudi benzela Maweja-Nangila Mvidi Mukulu wenu to.

Dielulula 16:22

Kanuena mua kuimanyika dibue dia kutendelela mvidie muaba awu to. Bualu Maweja-Nangila kena musue bintu bia mushindu awu to.