2 Bakalenga 16:9 - MUKANDA WA MYIDI MUKULU

⁹ Mukalenga wa bena Ashure kukumbaja bionsu bivua Akaze mulombe. Kuyaye kuluisha tshimenga tshia Damase, kutshikuata, kuya ne benatshi mu bupika ku Kire. Kadi, kushipeshaye Reshine, mukalenga wa bena Arame.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Mukelenge wa Ashû wakamunvuila; mukelenge wa Ashû wakaya kuluangana ne musoko wa Damaseke, wakaunyenga, wakaya ne bantu ku Kî mu buhika; wakashiha Lesinyi kabidi.

2 Bakalenga 16:9 ပူးပေါင်းရင်းမြစ်များ

2 Kulondolola 16:4

Benadade kuitaba dilomba dia Asa. Kutumaye balombodi ba bena mvita bende, bua kuluisha bimenga bia bena Izrayele. Bena mvita abu kukuata bimenga ebi: Yone, Dane, Abele-Mayime, ne bimenga bionsu bia mu buloba bua Naftali bivuabu bateke biakudia.

2 Kulondolola 28:21

Akaze kuangata bintu bikuabu bia bubanji bia mu nzubu wa Mvidi Mukulu, bia mu nzubu wa bukalenga, ne bia kudi bakulu. Kubifilaye bionsu kudi mukalenga wa bena Ashure. Kadi, nansha Akaze muenze nanku, kavua mupete diambuluisha to.

2 Kulondolola 28:5

Maweja-Nangila Mvidi Mukulu wende, kufila Akaze mu bianza bia mukalenga wa bena Arame. Bena Arame kumuluisha, kukuata bantu ba bungi mu lukanu, kuya nabu mu tshimenga tshia Damase. Akaze uvua mubuele kabidi mu bianza bia Peka, mukalenga wa bena Izrayele, muana wa Remaliya. Awu kumutshimuna, kumukengesha bikole.

Yeshaya 10:9

Meme kukuata tshimenga tshia Kalne, kukuata ne tshia Karkemishe. Meme kukuata tshimenga tshia Amate, kukuata tshia Arpade, kukuata Samariya, kukuata Damase.

Yeshaya 17:1

Badi bamanyisha malu adi atangila “Damase”. Nkushale amu matuku makese, Damase kakuikala kabidi tshimenga to. Bionsu bidimu nebibutuke.

Yeshaya 22:6

Bena mvita ba bena Elame bisumbu ne bisumbu, badi bambula mata ne mikete; bakuabu badi babanda mu matempu, babanda pa nyama ya tubalu. Bena mvita ba bena Kire badi balongolola ngabu yabu.

Yeshaya 37:18

Eyowa, Maweja-Nangila, bakalenga ba bena Ashure mbabutule matunga makuabu, banyangakaje maloba.

Yeshaya 7:16

Bangabanga ne muana ewu kusunguluja bualu buimpe ne bubi, buloba bua bakalenga babidi baudi utshina, nebushale munda mutupu, kamuyi bantu.

Yeshaya 9:10

Nenku Maweja-Nangila mmujule Resine, muluishi wabu; mmusonsole baluishi babu nseke yonsu:

Yeshaya 9:11

kumpala kuabu kudi bena Arame, kunyima kuabu bena Peleshete. Bantu bonsu aba bakanyanga bena Izrayele bikole, babanyenga buloba buabu. Kadi tshiji tshia Maweja-Nangila katshiena tshijika. Utshidi amu ubakanyina.

Amosa 9:7

Maweja-Nangila udi wamba ne: “Bena Izrayele, nudi nuela meji ne: mushinga wenu ku mesu anyi, udi upita wa bena Kushe anyi? Nudi nuamba bimpe ne: ndi munupatule mu Ejipitu! Kadi bena Peleshete tshiena mubapatule mu Kaftore, ne bena Arame mu Kire anyi?”