2 Bakalenga 16:3 - MUKANDA WA MYIDI MUKULU

³ Uvua mulonde amu buenzayi bua bakalenga ba Izrayele. Akaze kufika ne ku dilambula muanende wa balume bu mulambu wa kuosha, bilondeshile bilele bibi bia bisamba bivua Maweja-Nangila muipate bua kushilabi bena Izrayele ditunga.

Mukanda wa Nzambi Dihungila Dikulukulu ne Dihungila Dihia-dihia 2003

³ Kadi yeye wakenda mu nshila wa bakelenge ba Isalele; wakahitshisha muanʼandi wa balume mu kahia bu mu malu a bundu a bantu ba mu bisamba bia bende bakihatabo kudi Yehowa ku mesu kua Bena Isalele.

2 Bakalenga 16:3 ပူးပေါင်းရင်းမြစ်များ

1 Bakalenga 14:24

Kabidi, balume ne bakaji ba mu ditunga adi dia bena Yuda bavua benda tshiendenda mu nzubu ya mvidie yabu. Mu tshikosu, bena Yuda bavua benza malu mabi onsu, avuabu benza kudi bena bisamba bivua Maweja-Nangila muipate, bua bashile bena Izrayele muaba.

2 Bakalenga 17:16

Bavua balengulula meyi onsu a Maweja-Nangila Mvidi Mukulu wabu. Bavua badienzela mpingu ibidi ya tuana tua ngombe tua tshiamu tshiengulula, badienzela kabidi makunji a kutendelela. Bavua batendelela bintu bionsu bidi mu tshibuashibuashi, benzela mvidie Baale mudimu.

2 Bakalenga 17:17

Bavua balambula bana babu ba balume ne ba bakaji bu mulambu wa kuosha. Bavua benza majimbu a mishindu yonsu. Nanku, bavua bafikisha Maweja-Nangila munda bualu bavua benza malu adiye mubenge.

2 Bakalenga 17:19

Kadi, bena Yuda kutombokela kabidi Maweja-Nangila, kubenga meyi a Maweja-Nangila Mvidi Mukulu wabu. Kulondabu bilele bivuabu babueje mu bukalenga bua bena Izrayele.

2 Bakalenga 17:8

bidikije bilele bia bisamba bikuabu bivua Maweja-Nangila muipate bua kubashila ditunga adi. Bavua balonda kabidi bilele bivuabu babueje mu ditunga kudi bakalenga ba bena Izrayele.

2 Bakalenga 21:11

“Mukalenga Menashe mmuenze malu mabi a mishindu yonsu, mmupite ne bena Amore ku buenzayi. Kabidi mmufikishe ne bena Yuda ku ditendelela mvidie.

2 Bakalenga 21:2

Menashe kuenza malu avua Maweja-Nangila mubenge, kuenza ne malu mabi onsu a bantu ba bisamba bikuabu, bavua Maweja-Nangila muipate bua kushilabu bena Izrayele ditunga.

2 Bakalenga 21:6

Kufikaye ne ku dilambula muanende wa balume bu mulambu wa kuosha. Kuenzaye majimbu a mishindu mishilangane, kubukaye lubuku lua muzangu. Nanku, Menashe uvua wenza anu malu adi Maweja-Nangila mubenge, umufikisha munda.

2 Bakalenga 21:9

Kadi, bena Yuda kabena batumikila Maweja-Nangila to. Menashe ke uvua mubafikishe ku dienza bibi bipite bia bantu, bavua kale mu ditunga adi, bavua Maweja-Nangila muipate bua kushilabu bena Izrayele ditunga.

2 Bakalenga 23:10

Yoshiya kunyangakaja tshioshelu tshivua ku Tofete, mu tshibandabanda tshia Inome, bua bantu kabayi kuoshilapu kabidi bana babu ba balume, nansha ba bakaji bua kulambula mulambu ku mvidie Moleke.

2 Bakalenga 8:18

Kadi, kuenzaye anu buenzayi bu muvua bakalenga bonsu ba bena Izrayele benza, — kabidi anu bu muvua bena nzubu wa Akabe benza, bualu Yorame uvua musele muana wa Akabe. — Nanku, Yorame kuenza bidi Maweja-Nangila ubenga.

2 Kulondolola 22:3

Akaziya kabidi uvua wenza anu bibi, bu muvuabu benze kudi bena diku dia Akabe, bualu mamuende uvua umupesha meji a kumufikisha ku bubi.

2 Kulondolola 33:2

Menashe uvua wenza malu avua Maweja-Nangila mubenge. Uvua muenze malu mabi onsu avua bantu ba bisamba bikuabu benza. Maweja-Nangila uvua mubipate bua bashile bena Izrayele ditunga.

2 Kulondolola 33:6

Uvua mulambule ne bana bende ba balume bu mulambu mu tshibandabanda tshia Inome. Uvua wenza majimbu a mishindu mishilangane, ubuka lubuku lua muzangu. Nanku, Menashe uvua wenza amu kuenza malu adi Maweja-Nangila mubenge, umufikisha munda.

Misambu 106:35

Kadi kubuelakanabu ne bantu ba bisamba bia benyi, kulongabu mua kuenza malu avuabu benza.

Yeshaya 57:5

Nudi nuenda buendenda muinshi mua mitshi minene, miaba yonsu idi mitshi ya dileji. Ku muelelu wa misulu, muinshi mua mbuebue, nudi nulambula mvidie bana.

Yirmeya 32:35

Bavua bateka mu tshibanda tshia Inome miaba ya kutendelela mvidie Baale, bua kulambulamu mvidie Moleke bana ba balume ne ba bakaji. Meme tshivua mubalombe bua benza nanku to. Tshivua nansha muele meji ku bualu bua nanku to. Kadi pa kuenza malu mabi aa, bavua basaka bena Yuda bua benze pabu malu andi mubenge.

Yezekiyele 16:21

Muuvua ukimina kukosa bana banyi mitu, bua kubalambula mvidie yebe mbishi?

Yezekiyele 16:47

Kuena muidikije amu bibi bivuabu benze bobu nansha. Kuvua mulonde anu dikasa diabu dibi. Kadi uvua muenze wewe bibi bipite biabu kashidi.

Yezekiyele 20:26

Mvua muanyishe bua bapie mikiya, padibu balambule ba muanabute, babashipa. Bionsu abi bivua bibakuatshisha bowa, bua bavuluke ne: meme ndi Maweja-Nangila.”

Yezekiyele 20:31

Nansha mpindiewu nudi nupia mikiya, panudi nuyilambula bintu, nuyishipela bana benu. Nuenu bena Izrayele, nudi nuela meji ne: panudi nuenza nanku, ndi mua kuitaba bua nuenu kunkonka bualu anyi? Kabiena mua kuenzeka to! Meme Maweja-Nangila Mvidi Mukulu wa muoyi, tshiena mua kuitaba bua nunkonke bualu to.

Lewitiki 18:21

“Kuena ne bua kulambula bana bebe kudi mvidie wa Moleke to, bualu udi upepeja dina dianyi. Meme ndi Maweja-Nangila Mvidi Mukulu wenu.

Lewitiki 20:2

umanyishe bena Izrayele mikenji idi ilonda eyi ne: “Padi muena Izrayele, nansha muenyi udi munkatshi mua bena Izrayele, ulambula mvidie wa Moleke muanende, bena ditunga bamuase mabue, bamushipe.

Mika 6:7

Maweja-Nangila udi ujinga bimpanga bungi kabuyi kubala, nansha mafuta adi apueka, bungi bu misulu idi kayiyi ikama anyi? Tumulambule bana bute betu, bua atujimijile mibi yetu, ne malu mabi atuvua bamuenzele anyi?”

Dielulula 12:31

Nanku panudi nutendelela Maweja-Nangila Mvidi Mukulu wenu, kanuenji muvua bena ditunga benza to. Bualu mu ditendelela diabu, bavua benza bivua Maweja-Nangila mubenge. Bavua balambula mvidie yabu too ne bana babu ba balume ne ba bakaji!

Dielulula 18:10

Muntu nansha umue wa kunudi, kena mua kuosha muanende wa balume nansha wa bakaji bua kumulambula. Kabidi muntu kena mua kuenza majimbu, kutempa, nansha kulowa bantu,