2 Bakalenga 16:2 - MUKANDA WA MYIDI MUKULU

² Uvua anu ne bidimu makumi abidi, kushalaye mu bukalenga bidimu dikumi ne bisambombu mu Yerushalayime. Kadi Akaze kavua muenze malu avua Maweja-Nangila Mvidi Mukulu wende musue, bu muvuabu benza kudi nkambua wende Davide to.

Mukanda wa Nzambi Dihungila Dikulukulu ne Dihungila Dihia-dihia 2003

² Ahaza wakadi ne bidimu makumi abidi hakabangeye kukokesha; wakakokesha mu Yelushalema bidimu dikumi ne bisambombo. Yeye kakenza malu mimpe ku mesu kua Yehowa, Nzambi wandi, bu muakenza Davidi, tatu wandi.

2 Bakalenga 16:2 ပူးပေါင်းရင်းမြစ်များ

1 Bakalenga 15:3

Abiyame kuenza kabidi buenzayi anu bu bua tatuende Robowame. Kavua muenze malu mimpe, avua nkambua wende Davide muenze to. Kawa munange Maweja-Nangila Mvidi Mukulu wende ne muoyi mujima to.

1 Bakalenga 3:14

Wewe muenze malu andi musue, mutumikile meyi anyi ne mikenji yanyi, bu muvua tatuebe wenza, neushale ne muoyi matuku a bungi.

1 Bakalenga 9:4

Kadi wewe Shelomu, wewe mungitabe, muvua tatuebe Davide mungitabe ne muoyi umue mululame, wewe mukumbaje bionsu bindi nkuambila, mutumikile meyi ne mikenji yanyi bimvua mukupeshe,

2 Bakalenga 14:3

Amashiya uvua muenze malu adi Maweja-Nangila musue. Kadi, kavua muenze menemene muvua nkambua wende Davide muenze to. Uvua muenze anu bu tatuende Yowashe.

2 Bakalenga 15:3

Azariya uvua muenza malu adi Maweja-Nangila musue, anu bu muvua tatuende Amashiya muenza.

2 Bakalenga 15:34

Yotame uvua muenze malu avua Maweja-Nangila musue. Uvua muenze malu mimpe anu bu tatuende Azariya.

2 Bakalenga 18:1

Osheya, muana wa Ela, mumane kulala mu bukalenga bua Izrayele bidimu bisatu, Izkiya, muana wa Akaze kudia bukalenga mu Yuda,

2 Bakalenga 18:3

Izkiya uvua wenza malu adi Maweja-Nangila musue, anu bu muvua nkambua wende Davide muenze.

2 Bakalenga 22:2

Yoshiya uvua wenza malu adi Maweja-Nangila musue, anu bu muvua nkambua wende Davide muenze. Uvua ulonda tshilejilu tshiende menemene.

2 Kulondolola 17:3

Maweja-Nangila uvua nende, bualu Yosafate uvua muitabe Maweja-Nangila bu muvua nkambua wende Davide muenze ku ntuadijilu wa bukalenga buende. Kavua uya kudi mvidie Baale bua kumukonka malu to.

2 Kulondolola 29:2

Izkiya uvua wenza malu adi Maweja-Nangila musue, anu bu muvua nkambua wende Davide muenze.