2 Bakalenga 16:14 - MUKANDA WA MYIDI MUKULU

¹⁴ Pashishe kumushaye tshilambuilu tshia tshiamu tshikunze tshivuabu bajidile mu dina dia Maweja-Nangila. Tshilambuilu atshi, tshivua pabuipi ne mushiku wa nzubu wa Mvidi Mukulu, pankatshi pa tshilambuilu tshipiatshipia ne nzubu wa Mvidi Mukulu. Kutshitekaye panyima pa tshilambuilu tshipiatshipia ku mutu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Yeye wakumusha tshioshelu tshia tshiamu tshia mitaku tshiakadi ku mpala kua Yehowa hankatshi ha tshioshelu tshiandi ne nsubu wa Yehowa, wakatshiteka ku luseke lua ku node lua tshioshelu tshiandi.

2 Bakalenga 16:14 ပူးပေါင်းရင်းမြစ်များ

2 Bakalenga 16:11

Mutuangaji Uriya kuenza tshilambuilu tshipiatshipia, bilondeshile luidi luvuabu bamutumine kudi Akaze. Uriya kujikija dibaka dia tshilambuilu, Akaze kayi muanji kupingana mu Yerushalayime, ufuma ku Damase to.

2 Bakalenga 16:13

Yeye nkayende kulambulapu mulambu wa kuosha, pamue ne mulambu wa bukula ne wa maluvu a mvinyo. Kulambulayepu kabidi ne mulambu wa bobumue, kuela mashi a nyama wa mulambu awu ku tshilambuilu atshi.

2 Bakalenga 16:15

Pashishe, mukalenga Akaze, kutumina mutuangaji Uriya diyi, umuambila ne: — Bituadija ku mpindiewu, wikale wenzela mudimu ku tshilambuilu tshinene. Dinda dionsu, wikale ulambulapu mulambu wa kuosha, dilolu dionsu mulambu wa bukula. Wikale ulambuilapu kabidi milambu ya kuosha idi bantu bafila, pamue ne milambu ya bukula ne ya maluvu a mvinyo. Wele kabidi mashi a nyama ya milambu ayi ku tshilambuilu. Kadi, bua tshilambuilu tshia tshiamu tshikunze, meme nkayanyi nengambe tshitudi mua kuenza natshi.

2 Kulondolola 1:5

Kadi tshilambuilu tshia tshiamu tshikunze tshivuabu benza kudi Beshalele, muana wa Uri, muikale kabidi muikulu wa Ure, Davide uvua mutshiteke mu tshimenga tshia Ngibone kumpala kua ntenta wa Maweja-Nangila. Shelomu kufika muaba awu ne bonsu bavuaye nabu bua kukonka malu kudi Maweja-Nangila.

2 Kulondolola 29:19

Bua bintu bia tshijila, bivua mukalenga Akaze munyange ne mikiya matuku avuaye mu bukalenga, tudi babilengeje, babijidile tshiakabidi. Tudi nabi apa, kumpala kua tshilambuilu.

2 Kulondolola 4:1

Kuenzabu tshilambuilu tshia tshiamu tshikunze, tshikale ne metre dikumi mu bule ne mu butshiama, butumbuke buatshi buvua metre atanu.

Ekesode 27:1

“Pashishe, wenze tshilambuilu tshia mabaya a mitshi ya ndunga tshia kuoshila milambu. Tshikale ne metre abidi ne tshitupa nseke yatshi yonsu. Butumbuke buatshi buikale metre umue ne tshitupa.

Ekesode 27:2

Mu matumba onsu anayi a tshilambuilu, ulamikamu nsengu ya mabaya milamakane ne tshilambuilu. Kabidi, tshilambuilu tshijima tshikale tshilamike tshiamu tshikunze.

Ekesode 40:29

Kutekaye tshilambuilu pabuipi ne mushiku wa mbelu wa ntenta, bua kulambuilapu Maweja-Nangila milambu ya kuosha, ne ya bintu bia mu madimi, bu muvua Maweja-Nangila mmuambile.

Ekesode 40:6

Uteke tshilambuilu tshia milambu ya kuosha kumpala kua mushiku wa mbelu wa ntenta wa kusambakena.

Yezekiyele 43:8

Bakalenga mbateke mushiku wa mbelu ne makunji bia ku nzubu wabu wa bukalenga, anu luseke lua mushiku wa mbelu ne makunji bia ku nzubu wanyi, bitangilangane. Mudi amu tshimana tshimue pankatshi pa nzubu wanyi ne wabu. Nanku bavua banyanga dina dianyi dia tshijila pavuabu benza malu mabi. Ke pamvua mubabutule ne tshiji.

Matayi 23:35

Nanku nenupie tshibawu tshia bantu bonsu ba pa buloba, bavuabu bashipe kapayi bualu, bituadije ku Abele, muntu muimpe uvua muitabe Mvidi Mukulu, too ne ku Zekarya, muana wa Barakiya, unuvua bashipele pankatshi pa muaba wa tshijila ne tshilambuilu.