2 Bakalenga 15:5 - MUKANDA WA MYIDI MUKULU

⁵ Nanku, Maweja-Nangila kusamisha Azariya bikole. Mukalenga kupeta disama dia nsudi. Kushalaye nadi too ne ku lulu luende. Azariya uvua ne bua kusomba anu ku luseke pa nkayende. Muanende wa balume Yotame, uvua mulombodi wa nzubu wa bukalenga. Ke uvuabu bapesha mudimu wa kulombola ditunga.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Yehowa wakasamisha mukelenge ne disama dia nsudi tô ne ku dituku dia lufu luandi; wakashikama mu nsubu ha buandi. Yotama, muana wa mukelenge, wakadi ku mutu kua nsubu wandi ulumbulula malu a bantu ba mu buloba.

2 Bakalenga 15:5 ပူးပေါင်းရင်းမြစ်များ

2 Samuele 3:29

Amu Yowabe ne bena mu nzubu wende bonsu, ke bena tshibawu. Ku ndelanganyi yende mu bikondu bionsu, muntu neapete disama dia tufina tupatuka mu mubidi, nansha nsudi, ikale wenda ne dikombu, afue ku muela wa mvita, apanga biakudia!

2 Samuele 8:15

Davide kudia bukalenga mu Izrayele mujima. Uvua ubalumbuluisha amu bimpe, kayi ne kansungansunga.

1 Bakalenga 3:28

Bena Izrayele bonsu kumvua muvua mukalenga Shelomu mukose nsambu ayi. Kunemekabu mukalenga Shelomu bikole. Bualu bavua bamanye ne: Mvidi Mukulu nkayende ke udi mumupe meji a kulumbuluisha nawu bantu.

1 Bakalenga 3:9

Nanku, Maweja-Nangila, anyisha umpeshe lungenyi lukumbane bua meme kulombola bantu bebe, ne bua kumanya malu mimpe andi mua kubenzela, ne mabi andi ne bua kulekela. Kuyi muenze nanku, kakuena muntu udi mua kulombola bantu bebe bungi nunku to.

2 Bakalenga 15:32

Peka, muana wa Remalya, mumane kulala mu bukalenga bua bena Izrayele bidimu bibidi, Yotame, muana wa Azariya kudia bukalenga bua mu Yuda,

2 Bakalenga 15:6

Malu makuabu a Azariya, mbaafunde mu mukanda udibu babikila ne: Malu adi bakalenga ba bena Yuda benza.

2 Bakalenga 5:27

Bualu, disama dia nsudi divua nadi Namane nedikuambulukile, wewe ne ndelanganyi yebe kashidi! Ngeyazi umuka muaba uvua muambi Elisha, mubidi wende uvua mutoke too bu busu bua ndanda ne disama dia nsudi.

2 Bakalenga 7:3

Bena nsudi banayi bavua pambelu ku tshiibi tshinene tshia tshimenga, kuambilanganabu ne: — Tudi basombe muaba ewu bindila lufu bua tshinyi?

1 Kulondolola 3:12

Amashiya, Azariya, Yotame,

1 Kulondolola 5:17

Bavua bafunda mena a bantu ba mu tshisamba atshi mu mikanda mu tshikondu tshia Yotame, mukalenga wa bena Yuda, ne tshia Yerobowame, mukalenga wa bena Izrayele.

Yobe 34:19

Amu Mvidi Mukulu kena ne kansungasunga, kena utshina bamfumu, kena unemeka mubanji kumpala kua mupele. Bualu uvua mubafuke bonsu udi amu yeye mene.

Misambu 72:1

Wa mu mikanda ya Shelomu. Mvidi Mukulu wanyi, upeshe mukalenga meji, akose nsambu pa yoyi bu muudi uyikosa. Upeshe muana wa mukalenga lungenyi, alonde dikasa diebe.

Osheya 1:1

Mu mukanda ewu, mudi malu avua Maweja-Nangila muambile Osheya, muana wa Beyeri. Tshikondu atshi, Yerobowame, muana wa Yowashe, ke uvua mukalenga mu buloba bua Izrayele. Uziya, Yotame, Akaze ne Izkiya, ke bawa bakalenga mu buloba bua Yuda.

Lewitiki 13:46

Matuku onsu adi muntu awu ne disama, udi mupie amu mikiya. Nanku udi ne bua kumuka mu mitanda, kuya kusomba pa nkayende.

Mika 1:1

Telejayi bivua Maweja-Nangila muambile Mika, muena mu musoku wa Moreshete, mu tshikondu tshiwa Yotame, Akaze, ne Izkiya, bakalenga ba mu Yuda. Maweja-Nangila uvua mumuleje malu adi atangila bimenga bibidi: tshia Samariya ne tshia Yerushalayime.

Dibadika 12:10

Divuba kumuka ku musonga wa ntenta. Miriyame kupeta disama dia nsudi, mitoke too bu mudi busu bua ndanda. Arone umutangila, kujadikaye ne: Miriyame udi ne disama dia nsudi.

Dibadika 12:14

Maweja-Nangila kuambila Moshe ne: — Bu tatuende mumutuile mate mu mesu, kavua mua kufua bundu lumingu lujima anyi? Nanku numupatule mu mitanda bua lumingu lujima kabidi. Pashishe, neapingane kabidi munkatshi muenu.

Dielulula 24:8

Nudimuke bua disama dia nsudi kadinukuatshi. Nukumbaje bionsu bindi mumane kuambila batuangaji ba bena Levi bua kunumanyisha.