2 Bakalenga 15:37 - MUKANDA WA MYIDI MUKULU

³⁷ Tshikondu tshivua Yotame mu bukalenga, Maweja-Nangila kutuadija kutuma Reshine, mukalenga wa bena Arame, ne Peka, mukalenga wa bena Izrayele, bua kuluisha ditunga dia bena Yuda.

Mukanda wa Nzambi Dihungila Dikulukulu ne Dihungila Dihia-dihia 2003

³⁷ Mu matuku au Yehowa wakabanga kutuma Lesinyi, mukelenge wa Sulia, ne Peka, muana wa Lemalaya, bua kuluanganabo ne Bena Yuda.

2 Bakalenga 15:37 ပူးပေါင်းရင်းမြစ်များ

2 Bakalenga 10:32

Tshikondu atshi, Maweja-Nangila kutuadija kukepesha buloba bua bena Izrayele. Kuanyishaye bua Azayele, mukalenga wa bena Siriya, atshimune bena Izrayele mu ditunga diabu dijima.

2 Bakalenga 15:27

Azariya mumane kulala mu bukalenga bua bena Yuda bidimu makumi atanu ne bibidi, Peka, muana wa Remalya, kudia bukalenga bua bena Izrayele mu Samariya. Kushalaye mu bukalenga bidimu makumi abidi.

2 Bakalenga 15:36

Malu makuabu a Yotame, mbaafunde mu mukanda udibu babikila ne: Malu adi bakalenga ba Yuda benza.

2 Bakalenga 15:38

Yotame mumane kufua, kumujiikabu mu lukita lua bena diku diabu, luvua mu Tshimenga tshia Davide. Muanende wa balume Akaze kumupingana mu bukalenga.

2 Bakalenga 16:5

Reshine, mukalenga wa bena Arame, ne Peka, mukalenga wa Izrayele, muana wa Remalya, kuyabu kuluisha Akaze. Kunyungululabu Yerushalayime. Kadi, kabena bamutshimune to.

2 Kulondolola 28:6

Dituku dimue, Peka kushipesha bena mvita ba bukitu ba bena Yuda binunu lukama ne makumi abidi. Bivua bienzeka nanku bualu bena Yuda abu, bavua babenga Maweja-Nangila Mvidi Mukulu wa bankambua babu.

Misambu 78:49

Ku ndekelu Mvidi Mukulu kutumina bena Ejipitu tshiji tshikole, kubafikila munda, kubakengesha mishindu yonsu.

Yeshaya 7:1

Tshikondu tshivua Akaze, muana wa Yotame, ne muikulu wa Uziya, mukalenga wa bena Yuda, mukalenga Resine wa bena Arame kufika ne Peka, muana wa Remalya, uvua mukalenga wa bena Izrayele, bua kuluisha tshimenga tshia Yerushalayime. Kadi kabavua batshikuate to.

Yeshaya 7:8

Bualu, Damase udi tshimenga tshikulu tshia bena Arame, Resine udi mukalenga amu wa bena Damase. Samariya udi tshimenga tshikulu tshia bena Efrayime, Peka udi mukalenga amu mu Samariya. Kadi nkushale amu bidimu makumi asambombu ne bitanu, bua tshisamba tshia bena Efrayime kubulukatshi.’ Panudi kanuyi nushindika muoyi wenu kudi Maweja-Nangila, kanuakuikala bantu bashindame to.”

Yirmeya 16:16

Maweja-Nangila udi wamba ne: ndi ntuma bilembi bia bungi bua bikuate bena Yuda, mudibu bakuata minyinyi ya mu mayi. Pashishe ndi ntuma bilembi bia bungi bua bibakebe miaba yonsu, mudibu bipata nyama mu mikuna minene ne mikese, too ne mu mbuebue.

Yirmeya 25:29

Tshiena mfuila tshimenga tshidi tshianyi meme luse. Ke nuenu kuela meji ne: katuena bena tshibawu. Nentume muele wa mvita, bua ushipe bantu bonsu badi mu buloba bujima. Ke mundi meme Maweja-Nangila wa bukole buonsu ngamba.”

Yirmeya 43:10

Pashishe ubambile ne: “Maweja-Nangila wa bukole buonsu, Mvidi Mukulu wa Izrayele, udi wamba ne: Nentume bantu bua kunkebelabu muntu wanyi Nebukadnesare, mukalenga wa mu Babilone. Nenjadike nkuasa wende pa mutu pa mabue adibu bajike muaba ewu. Nease nzubu wende wa bukalenga anu muaba ewu.

Luke 21:28

Pikala malu onsu aa atuadija kuenzeka, nubanduluke, nukoleshe muoyi, bualu bakadi pa kunupikula.

Dielulula 28:48

Maweja-Nangila neanutumine baluishi, banukuate ku bupika. Nenukenge ne nzala ne nyota, nupanga ne tshilamba tshia kuvuala. Maweja-Nangila neanuambuishe mukoolu wa tshiamu tshia bujitu pa makaya, too ne panuabutuka bonsu.

1 Samuele 3:12

Dituku adi, nenkumbaje bionsu bimvua mumane kuamba bua kuenzela Eli ne bena nzubu wende. Nebapete makenga onsu amvua mumane kubambila. Tshiena ndekela to.