2 Bakalenga 15:29 - MUKANDA WA MYIDI MUKULU

²⁹ Tshikondu tshivua Peka mukalenga wa bena Izrayele, Tiglate-Pilesere, mukalenga wa bena Ashure, kukuata bimenga ebi: Yone, Ebele-Bete-Maaka, Yanowa, Kadeshe ne Ashore. Tiglate-Pilesere kukuata buloba bua bena Ngilaade, Ngalileya, ne ditunga dijima dia Naftali. Kuyaye ne bena ditunga mu bupika mu Ashure.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Mu matuku a Peka, mukelenge wa Isalele, Tigelata-pilesê, mukelenge wa Ashû, wakalua, wakahaula Iyona ne Abele-bete-mâka ne Yanoa ne Kedeshe ne Hasô ne Gilada ne Galela ne buloba buonso bua Nafatale, wakaya nʼabo ku Ashû mu buhika.

2 Bakalenga 15:29 ပူးပေါင်းရင်းမြစ်များ

1 Bakalenga 14:15

Pashishe Maweja-Nangila neanyoke bena Izrayele. Nebazakale bu bisosa bidi ku muelelu wa mayi. Maweja-Nangila neumushe bena Izrayele mu buloba ebu buimpe buvuaye mumane kupesha bankambua babu. Neabatangalaje dishiya dia musulu wa Perate wa bena Babilone. Bena Izrayele nebakenge nenku, bualu bavua benza makunji a kutendelela mvidie bua kufikisha Maweja-Nangila munda.

1 Bakalenga 15:20

Benadade kuitaba dilomba dia Asa. Kutumaye bamfumu balombodi ba bena mvita bende bua kuluisha bimenga bia bena Izrayele. Bena mvita abu kukuata bimenga ebi: Yone, Dane, Abele-Bete-Maaka, buloba bua Kinerete, ne buloba bua Naftali buvua bushala.

2 Bakalenga 15:19

Pashishe, Pule, mukalenga wa bena Ashure kubuela mu buloba bua bena Izrayele. Ke Menaheme kumupesha tshiamu tshitoke tshia mushinga mukole kilo binunu makumi asatu, bua Pule amuambuluishe bua kushindika bukalenga buende bimpe.

2 Bakalenga 15:20

Nanku, bua Menaheme kupeta tshiamu tshitoke tshia mushinga mukole atshi, uvua ulambuisha bena Izrayele tshitadi. Muntu yonsu uvua mumanyike bikole, uvua ulambula nkanu ya tshiamu tshitoke tshia mushinga mukole makumi atanu. Pule, mukalenga wa bena Ashure, upeta nkanu ivua bantu bafile ayi, kumuka mu ditunga dia bena Izrayele, kupingana kuende.

2 Bakalenga 15:28

Peka uvua muenze malu adi Maweja-Nangila mubenge. Uvua anu wenza buenzayi bu Yerobowame, muana wa Nebate, uvua mufikishe bena Izrayele ku dienza bibi.

2 Bakalenga 15:30

Muntu mukuabu, dina diende Osheya, muana wa Ela, kuelela mukalenga Peka tshifufu tshibi, kumushipa, kuangata bukalenga. Tshikondu atshi, mukalenga wa bena Yuda, Yotame, muana wa Azariya, uvua mumane kulala mu bukalenga bidimu makumi abidi.

2 Bakalenga 16:10

Mukalenga Akaze kuya mu tshimenga tshia Damase, bua kumonangana ne mukalenga Tiglate-Pilesere. Akaze umona tshilambuilu tshivua ku nzubu wa Mvidi Mukulu mu Damase, kutuminaye mutuangaji Uriya mu Yerushalayime luidi lua tshilambuilu atshi ne mushindu uvuabu batshibake.

2 Bakalenga 16:7

Akaze kutuma bantu bua kuambila mukalenga wa bena Ashure, Tiglate-Pilesere ne: “Meme ndi bu mupika webe, nansha bu muanebe wa balume. Luaku, unsungidile mu bianza bia bakalenga ba bena Arame ne ba bena Izrayele badi banduisha aba.”

2 Bakalenga 17:20

Nanku, Maweja-Nangila kubenga bena Izrayele bonsu, kubafila mu bianza bia bakengeshanganyi bua kubafuisha bundu. Pashishe kubipataye, kubatuma kule.

2 Bakalenga 17:23

Pashishe, Maweja-Nangila kavua musue kabidi bena Izrayele kumpala kuende to. Kubipataye, kubatuma ku Ashure. Ke muaba utshidibu too ne mpindiewu. Bionsu ebi bivua bienzeka bua kukumbaja diyi dia Maweja-Nangila divua bambi, bantu bende, bamba.

2 Bakalenga 17:6

Osheya mumane kulala mu bukalenga bidimu tshitema, mukalenga wa bena Ashure kukuata tshimenga tshia Samariya. Kuyabu ne bena Izrayele mu bupika mu Ashure, kubapesha buloba bua Ala, ne bua Ngozane, muaba udi musulu wa Abore, kabidi ne bimenga bia Madayi bua kusombamu.

2 Bakalenga 18:11

Mukalenga wa bena Ashure kukuata bena Izrayele, kuya nabu ku Ashure, kubapeshaye miaba ya kuasa mu buloba bua Ala, bua Ngozane, ne muaba uvua musulu wa Abore, ne mu bimenga bia Madayi.

2 Bakalenga 19:11

Udi mumane kumanya muvua bakalenga ba bena Ashure benza matunga makuabu, baanyangakaja. Wewe udi wela meji ne: neupanduke anyi?

2 Bakalenga 8:11

Diakamue, muambi Elisha kulengama, mpala wende kubinduluka. Kutuadijaye kudila.

1 Kulondolola 5:22

Bavua bashipa kabidi baluishi ba bungi. Bionsu abi, amu bualu Mvidi Mukulu uvua nabu, ubambuluisha. Kuasabu mu buloba bua bena Agri, too ne ku tshikondu tshikuabu baye nabu ku bupika.

1 Kulondolola 5:6

ne Beyera. Beyera ke umue wa ku bamfumu ba bena Rubene uvuabu baye nende ku bupika kudi mukalenga Tiglate-Pilesere wa bena Ashure.

2 Kulondolola 16:4

Benadade kuitaba dilomba dia Asa. Kutumaye balombodi ba bena mvita bende, bua kuluisha bimenga bia bena Izrayele. Bena mvita abu kukuata bimenga ebi: Yone, Dane, Abele-Mayime, ne bimenga bionsu bia mu buloba bua Naftali bivuabu bateke biakudia.

Nehemya 9:32

Wewe, Mvidi Mukulu wetu, udi munene, wa bukole buonsu ne wa kutshina. Udi ulama bimpe ndondu iuvua mutue netu. Vuluka dikenga divua dikuate bantu bebe, dikuate bakalenga betu, ne bamfumu betu, batuangaji betu, ne bambi betu, bankambua betu, ne tuetu mene, biangatshile tshikondu tshia bakalenga ba bena Ashure, too ne mpindiewu.

Yeshaya 1:7

Ditunga dienu didi bu tshipela. Bimenga bionsu, bavua babioshe. Bantu ba bisamba bikuabu mbiibe bia pa madimi enu, nuenu batangile. Bu muvuabi pa kabutu ka Sodome, kanuena bashale ne tshintu nansha tshimue.

Yeshaya 37:18

Eyowa, Maweja-Nangila, bakalenga ba bena Ashure mbabutule matunga makuabu, banyangakaje maloba.

Yeshaya 7:16

Bangabanga ne muana ewu kusunguluja bualu buimpe ne bubi, buloba bua bakalenga babidi baudi utshina, nebushale munda mutupu, kamuyi bantu.

Yeshaya 7:20

Dituku adi, Maweja-Nangila neanubeye nsuki, ne miosa ya pambidi ponsu, ne miedi, ne kapaya kadiye usomba, dia muamua dia musulu wa Perate. Kapaya kende aka, ke mukalenga wa bena Ashure.

Yezekiyele 23:9

Diba adi, meme kumulekela mu bianza bia bananga bende bena Ashure, bavuaye mupite kunanga.

Lewitiki 26:32

Nennyangakaje ditunga dienu bikole. Nansha baluishi benu bine bapinganamu, nebakeme be.

Amosa 1:13

Teleja tshidi Maweja-Nangila wamba ne: “Ndi ndumbuluisha bena Amone, mbapisha bua malu mabi mavule, kadi nangananga, bualu mu mvita ivuabu baluangana mu ditunga dia Ngilaade, bua kutentamuna mikalu ya buloba buabu, bakapanda mafu a bakaji bavua nawu. Nanku tshiena mua kubafuila luse nansha! Nenkumbaje bindi mujadike ne:

Amosa 1:3

Teleja tshidi Maweja-Nangila wamba ne: “Ndi ndumbuluisha bena Arame ba mu Damase, mbapisha bua malu mabi mavule, kadi nangananga, bualu mbakengeshe ne lonji lukole, bantu badi basomba mu ditunga dia Ngilaade. Nanku tshiena mua kubafuila luse. Nenkumbaje bindi mujadike ne:

Amosa 5:27

Ke mundi musue kunutuma mu bupika, mutantshi mule ne tshimenga tshia Damase. Meme ndi njadika nanku, Maweja-Nangila, Mvidi Mukulu wa bukole buonsu.

Amosa 6:14

Kadi meme, Maweja-Nangila, Mvidi Mukulu wa bukole buonsu, nennutumine, nuenu bena bukalenga bua Izrayele, tshisamba tshikuabu, bua tshinuluishe biangatshile ku Lebo-Amate ku mutu mu ditunga, too ne ku musulu wa Araba, kuinshi.

Dibadika 32:1

Ndelanganyi ya Rubene ne ya Ngade ivua ne bimuna bipite bungi. Kumonabu ditunga dia Yazere ne dia Ngilaade abalengelela bua kumunyinabu bimuna.

Dibadika 32:40

Ke Moshe kubapesha ditunga edi bua basemu.

Dielulula 28:25

Maweja-Nangila neambuluishe baluishi benu bua banutshimune. Panuikala bayile njila umue bua kubaluisha, nenubanyeme, nupingane mu njila muanda mutekete mishilangane. Bakalenga bonsu ba pa buloba nebatshine, pamonabu bionsu bidi binuenzekela.

Dielulula 3:15

Ndelanganyi ya Makire, muana wa Menashe, ndi muyipeshe ditunga dia Ngilaade.

Yoshua 11:1

Tshikondu tshivua mukalenga Yabine wa mu Ashore mumane kumvua muvua Yoshuwa mutshimune mu mvita, kubikidishaye Yobabe, mukalenga wa mu Madone, kabidi mukalenga wa mu Shimrone, ne mukalenga wa mu Akeshafe.

Yoshua 11:10

Musangu uvua Yoshuwa ufumina ku mvita eyi, uvua ukuata tshimenga tshia Ashore. Tshimenga atshi tshivua tshimenga tshinene tshia kale tshia makalenga a ku mutu mu ditunga. Yoshuwa kushipa mukalenga wa tshimenga atshi.

Yoshua 11:13

Kadi bena Izrayele kabawa bosha bimenga bivua ku mikuna to, pa kumusha tshimenga tshia Ashore tshivua Yoshuwa moshe.

Yoshua 12:19

Madone, Ashore,

Yoshua 16:6

Biangatshile muaba awu, mukalu uvua ufika too ne ku Mayi manene a pankatshi pa matunga. Ku mutu mu ditunga, mukalu uvua upitshila pabuipi ne Mikmetate. Ku luseke ludi diba dipatukila lua Mikmetate, mukalu awu uvua utungunuka too ne ku Tanate-Silo, ukupitshila, uya ku Yanowa.

Yoshua 19:35

Bimenga bivua ne bimana bikolesha bivua: Sidime, Sere, Amate, Rakate, Kinerete,

Yoshua 19:37

Kedeshe, Edreyi, Ene-Ashore,

Yoshua 20:7

Bena Izrayele kusungula bimenga bia kunyemena: ke Kedeshe udi mu Ngalileya luseke lua mikuna ya Naftali; Shekeme luseke lua mikuna ya Efrayime; ne Kiriyate-Arba uvuabu binyika kabidi Ebrone, luseke lua mikuna ya Yuda.

Balombodi 18:30

Bena Dane kuimanyika lupingu lua Mika bua kuntendelela. Yonatane, muana wa Ngershome (Ngershome uvua muana wa Moshe), kushala mutuangaji wa tshisamba tshia bena Dane. Ndelanganyi ya Yonatane ivua anu mu mudimu ewu wa butuangaji too ne pavua bantu baye mu bupika.

Balombodi 4:2

Maweja-Nangila kubafila mu bianza bia Yabine, mukalenga wa bena Kenaane, uvua musombele mu tshimenga tshia Ashore. Dina dia mfumu wa tshiluilu tshia Yabine divua Sisra, uvua musombele mu Aroshete-Ngoyime.