2 Bakalenga 15:27 - MUKANDA WA MYIDI MUKULU

²⁷ Azariya mumane kulala mu bukalenga bua bena Yuda bidimu makumi atanu ne bibidi, Peka, muana wa Remalya, kudia bukalenga bua bena Izrayele mu Samariya. Kushalaye mu bukalenga bidimu makumi abidi.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Mu tshidimu tshia makumi atanu ne bibidi tshia bukelenge bua Uziya, mukelenge wa Yuda, Peka, muana wa Lemalaya, wakabanga kukokesha Bena Isalele mu Samalea; wakabakokesha bidimu makumi abidi.

2 Bakalenga 15:27 ပူးပေါင်းရင်းမြစ်များ

2 Bakalenga 15:1

Yerobowame mumane kulala mu bukalenga bua Izrayele bidimu makumi abidi ne muanda mutekete, Azariya, muana wa Amashiya, kudia bukalenga bua Yuda,

2 Bakalenga 15:13

Azariya mumane kulala mu bukalenga bua bena Yuda bidimu makumi asatu ne tshitema, Shalume, muana wa Yabeshe, kudia bukalenga bua Izrayele. Kadi, kushalaye mu bukalenga ngondu anu umue mu Samariya.

2 Bakalenga 15:2

muikale ne bidimu dikumi ne bisambombu. Kushalaye mu bukalenga bidimu makumi atanu ne bibidi mu Yerushalayime. Mamuende Yekoliya uvua wa mu Yerushalayime.

2 Bakalenga 15:23

Azariya mumane kulala mu bukalenga bua bena Yuda bidimu makumi atanu, Pekahiya, muana wa Menaheme, kudia bukalenga bua bena Izrayele, mu Samariya. Kushalaye mu bukalenga bidimu bibidi.

2 Bakalenga 15:25

Muntu mukuabu, dina diende Peka, muana wa Remalya, uvua wambuluisha Pekahiya mu mitanda. Kumuelelaye tshifufu tshibi. Nanku, ne bena mvita makumi atanu ba bena Ngilaade, kuyaye kuluisha Pekahiya mu tshibambalu kampanda tshia ku nzubu wa bukalenga. Peka mumane kushipa Pekahiya, kuangataye bukalenga.

2 Bakalenga 15:26

Malu makuabu a Pekahiya mbaafunde mu mukanda udibu babikila ne: Malu adi bakalenga ba bena Izrayele benza.

2 Bakalenga 15:28

Peka uvua muenze malu adi Maweja-Nangila mubenge. Uvua anu wenza buenzayi bu Yerobowame, muana wa Nebate, uvua mufikishe bena Izrayele ku dienza bibi.

2 Bakalenga 15:37

Tshikondu tshivua Yotame mu bukalenga, Maweja-Nangila kutuadija kutuma Reshine, mukalenga wa bena Arame, ne Peka, mukalenga wa bena Izrayele, bua kuluisha ditunga dia bena Yuda.

2 Bakalenga 15:8

Azariya mumane kulala mu bukalenga bua bena Yuda bidimu makumi asatu ne muanda mukulu, Zekarya, muana wa Yerobowame, kudia bukalenga bua Izrayele mu Samariya, kushala mu bukalenga ngondu isambombu.

2 Kulondolola 28:6

Dituku dimue, Peka kushipesha bena mvita ba bukitu ba bena Yuda binunu lukama ne makumi abidi. Bivua bienzeka nanku bualu bena Yuda abu, bavua babenga Maweja-Nangila Mvidi Mukulu wa bankambua babu.

Yeshaya 7:1

Tshikondu tshivua Akaze, muana wa Yotame, ne muikulu wa Uziya, mukalenga wa bena Yuda, mukalenga Resine wa bena Arame kufika ne Peka, muana wa Remalya, uvua mukalenga wa bena Izrayele, bua kuluisha tshimenga tshia Yerushalayime. Kadi kabavua batshikuate to.

Yeshaya 7:4

Wambile Akaze ne: “Udimuke! Kuzakadi, kutshinyi tshiji tshia Resine wa bena Arame ne tshia Peka, muana wa Remalya. Badi amu bu bishelele bia nkunyi bibidi bidi bifuima.