2 Bakalenga 15:25 - MUKANDA WA MYIDI MUKULU

²⁵ Muntu mukuabu, dina diende Peka, muana wa Remalya, uvua wambuluisha Pekahiya mu mitanda. Kumuelelaye tshifufu tshibi. Nanku, ne bena mvita makumi atanu ba bena Ngilaade, kuyaye kuluisha Pekahiya mu tshibambalu kampanda tshia ku nzubu wa bukalenga. Peka mumane kushipa Pekahiya, kuangataye bukalenga.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Peka, muana mulume wa Lemalaya, kapitene ka masalayi andi wakamuelela tshifufu, wakamukuma mu Samalea mu nsubu wa mukelenge; Âgoba ne Aliye ne Bena Gilada makumi atanu bakadi nʼandi; yeye wakamushiha, wakakokesha mu muaba wandi.

2 Bakalenga 15:25 ပူးပေါင်းရင်းမြစ်များ

1 Bakalenga 16:18

Zimri umona ne: mbamane kukuata tshimenga tshia Tirsa, kunyemenaye mu tshibambalu tshikuabu tshia nzubu wa bukalenga. Kutuaye kapia ku tshibambalu atshi, kufuaye mu kapia.

1 Bakalenga 16:9

Zimri, mulombodi wa bena mvita ba Ela, uvua ulombola tshia bibidi tshimue tshia bena mvita bavua ne matempu a mvita, kuelelaye Ela tshifufu tshibi. Pavua mukalenga Ela mu tshimenga tshia Tirsa, unua maluvu, kukuatshikaye mu nzubu mua Arsa, mulombodi wa nzubu wa bukalenga,

2 Bakalenga 15:10

Nanku, muntu mukuabu dina diende Shalume, muana wa Yabeshe, kuelela Zekarya tshifufu tshibi, kumushipa ku Ibleyame, kuangata bukalenga.

2 Bakalenga 15:24

Pekahiya uvua muenze malu adi Maweja-Nangila mubenge. Uvua anu wenza buenzayi bu Yerobowame, muana wa Nebate, uvua mufikishe bena Izrayele ku dienza bibi.

2 Bakalenga 15:26

Malu makuabu a Pekahiya mbaafunde mu mukanda udibu babikila ne: Malu adi bakalenga ba bena Izrayele benza.

2 Bakalenga 15:27

Azariya mumane kulala mu bukalenga bua bena Yuda bidimu makumi atanu ne bibidi, Peka, muana wa Remalya, kudia bukalenga bua bena Izrayele mu Samariya. Kushalaye mu bukalenga bidimu makumi abidi.

2 Bakalenga 9:14

Tshikondu atshi, bena mvita bonsu ba bena Izrayele bavua balame tshimenga tshia Ramote tshivua mu ditunga dia Ngilaade, bua Azayele, mukalenga wa bena Siriya, kabuedimu to. Kadi, pavua mukalenga Yorame uluisha Azayele, bena Siriya kumutapa mputa. Nanku, mukalenga Yorame kuya kudiondapisha mputa ayi, mu tshimenga tshia Yizreyele. Kushalaye mu bulalu muaba awu. Kadi muikulu wa Nimshi, dina diende Yehu, muana wa Yosafate, kuelela Yorame tshifufu. Yehu kuambila bena mvita bakuabu ne: — Panuikala ku luseke luanyi, nudimuke. Muntu kena mua kumuka mu tshimenga bua kuya kuambila bena mu Yizreyele bidi bienzeka muaba ewu to.

2 Bakalenga 9:5

Yeye mumane kufika, kusangana bamfumu ba bena mvita ba bena Izrayele mu tshisangilu. Muambi nsongalume kuamba ne: — Mfumu ndi ne bualu bua kukuambila! Yehu kumukonka ne: — Kutudi eku udi musue kuyukila ne nganyi? Muambi nsongalume kuandamuna ne: — Mfumu, anu wewe.

2 Kulondolola 28:6

Dituku dimue, Peka kushipesha bena mvita ba bukitu ba bena Yuda binunu lukama ne makumi abidi. Bivua bienzeka nanku bualu bena Yuda abu, bavua babenga Maweja-Nangila Mvidi Mukulu wa bankambua babu.

Yeshaya 7:1

Tshikondu tshivua Akaze, muana wa Yotame, ne muikulu wa Uziya, mukalenga wa bena Yuda, mukalenga Resine wa bena Arame kufika ne Peka, muana wa Remalya, uvua mukalenga wa bena Izrayele, bua kuluisha tshimenga tshia Yerushalayime. Kadi kabavua batshikuate to.