2 Bakalenga 15:19 - MUKANDA WA MYIDI MUKULU

¹⁹ Pashishe, Pule, mukalenga wa bena Ashure kubuela mu buloba bua bena Izrayele. Ke Menaheme kumupesha tshiamu tshitoke tshia mushinga mukole kilo binunu makumi asatu, bua Pule amuambuluishe bua kushindika bukalenga buende bimpe.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Pula, mukelenge wa Ashû, wakalua bua kuhaula buloba. Menahema wakaha Pula ntalanta ya argent tshinunu, bua yeye amukuatshishe bua kujadikeye bukelenge mu tshianza tshiandi.

2 Bakalenga 15:19 ပူးပေါင်းရင်းမြစ်များ

2 Bakalenga 12:18

Tshikondu atshi, Azayele, mukalenga wa bena Siriya, kufika bua kuluisha tshimenga tshia Ngate. Yeye mumane kutshikuata, kudilongololaye bua kuluisha Yerushalayime.

2 Bakalenga 14:5

Amashiya mumane kushindika bukalenga buende, kushipaye balombodi ba bena mvita bavua bashipa tatuende Yowashe.

2 Bakalenga 15:18

Matuku onsu avua Menaheme ne muoyi, uvua wenza malu avua Maweja-Nangila mubenge. Uvua anu wenza buenzayi bu Yerobowame, muana wa Nebate, uvua mufikishe bena Izrayele ku dienza bibi.

2 Bakalenga 15:20

Nanku, bua Menaheme kupeta tshiamu tshitoke tshia mushinga mukole atshi, uvua ulambuisha bena Izrayele tshitadi. Muntu yonsu uvua mumanyike bikole, uvua ulambula nkanu ya tshiamu tshitoke tshia mushinga mukole makumi atanu. Pule, mukalenga wa bena Ashure, upeta nkanu ivua bantu bafile ayi, kumuka mu ditunga dia bena Izrayele, kupingana kuende.

2 Bakalenga 15:29

Tshikondu tshivua Peka mukalenga wa bena Izrayele, Tiglate-Pilesere, mukalenga wa bena Ashure, kukuata bimenga ebi: Yone, Ebele-Bete-Maaka, Yanowa, Kadeshe ne Ashore. Tiglate-Pilesere kukuata buloba bua bena Ngilaade, Ngalileya, ne ditunga dijima dia Naftali. Kuyaye ne bena ditunga mu bupika mu Ashure.

2 Bakalenga 16:8

Nanku, Akaze kusangisha tshiamu tshia mpawungi ne tshiamu tshitoke tshia mushinga mukole, bivua mu nzubu wa Maweja-Nangila ne mu tshibambalu tshia kuteka bintu tshivua ku nzubu wa bukalenga. Kutuminaye mukalenga wa bena Ashure bintu abi bua kumusankisha nabi.

2 Bakalenga 18:16

Bua amone mua kulambula mpawungi uvua mumushe tshiamu tshia mpawungi tshivuaye mulamike kale ku biibi bia ku nzubu wa Mvidi Mukulu ne ku mabaya avua ku nseke yatshi. Kupeshaye mukalenga wa bena Ashure bintu bionsu abi.

Nehemya 9:32

Wewe, Mvidi Mukulu wetu, udi munene, wa bukole buonsu ne wa kutshina. Udi ulama bimpe ndondu iuvua mutue netu. Vuluka dikenga divua dikuate bantu bebe, dikuate bakalenga betu, ne bamfumu betu, batuangaji betu, ne bambi betu, bankambua betu, ne tuetu mene, biangatshile tshikondu tshia bakalenga ba bena Ashure, too ne mpindiewu.

Misambu 83:8

bena Amone ne bena Amaleke, bena Peleshete ne kabidi bena ditunga dia Tire.

Yeshaya 9:1

Bantu badi benda mu miidima, badi bamona bukenke bukole. Badi basa mu ditunga dia mufitu, butoke budi bubakenkela.

Yirmeya 17:5

Maweja-Nangila udi wamba ne: — Ndi ndiwula muntu yonsu udi umbenga meme, utekemena kudi muntu mukuabu, ukeba bukole anu kudi bantu badi kabayi nabu.

Yirmeya 50:17

Bena Izrayele bavua bu mikoku mipambuke, ivua nyama ya ntambue ipatshila. Mukalenga wa bena Ashure uvua wa kumpala, uvua muyidie. Pashishe, Nebukadnesare, mukalenga wa bena Babilone, uvua muyitshibule mifuba.

Yezekiyele 23:5

Kadi Okola, nansha meme mumusele, uvua wenda amu buendenda. Uvua walakana bena mutumba nende bena Ashure. Kupetaye bananga bende momu amu.

Osheya 10:6

Bualu mvidie awu, nebaye nende ku Ashure, bu mulambu wa kulambula mukalenga munene. Bena Efrayime nebikale ne bundu. Bena Izrayele nebanyingalale, bua pavuabu basungule bua kuya mu Ashure.

Osheya 5:13

Bena Efrayime mbamane kumanya disama divuabu nadi. Bena Yuda mbamane kumanya dikenga diabu dipite bunene. Ke bena Efrayime kuya ku Ashure. Kutuminabu mukalenga munene mikenji. Kadi mukalenga ewu kena ne mushindu wa kujikija dikenga diabu, kena mua kuondapa mputa yabu.