2 Bakalenga 15:15 - MUKANDA WA MYIDI MUKULU

¹⁵ Malu makuabu a Shalume mbaafunde mu mukanda udibu babikila ne: Malu adi bakalenga ba bena Izrayele benza. Mu mukanda emu, mbafundemu kabidi muvua Shalume muelele Zekarya tshifufu tshibi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Bienzedi bia Shaluma bikuabo ne tshifufu tshiakeleye bidi bifunda mu mukanda wa kulondolola kua malu a bakelenge ba Isalele.

2 Bakalenga 15:15 ပူးပေါင်းရင်းမြစ်များ

1 Bakalenga 14:19

Malu makuabu a Yerobowame adi mafunda mu mukanda udibu babikila ne: Malu adi bakalenga ba bena Izrayele benza. Mu mukanda awu, mbafundemu mvita idi Yerobowame muluangane, ne mushindu uvuaye muenze mudimu wa bukalenga.

1 Bakalenga 14:29

Malu makuabu a Robowame mbaafunde mu mukanda udibu babikila ne: Malu adi bakalenga ba bena Yuda benza.

1 Bakalenga 22:39

Malu makuabu a Akabe, mbaafunde mumukanda udibu babikila ne: Malu adi bakalenga ba bena Izrayele benza. Mbafundemu kabidi bionsu bivuaye muenze: nzubu muimpe wa bukalenga uvuaye muase mulengeje ne mibanga, ne bimenga bionsu bivuaye muibake.

2 Bakalenga 15:11

Malu makuabu a Zekarya mbaafunde mu mukanda udibu babikila ne: Malu adi bakalenga ba bena Izrayele benza.

2 Bakalenga 15:14

Muntu mukuabu, dina diende Menaheme, muana wa Ngadi, uvua ufumina mu tshimenga tshia Tirsa. Ubuela mu Samariya, kushipaye Shalume, kuangata bukalenga.

2 Bakalenga 15:16

Pashishe, Menaheme kuluisha tshimenga tshia Tapuwa, kushipa bena tshimenga atshi, kunyangakaja ditunga, biangatshile ku tshimenga tshia Tirsa too ne ku tshimenga tshia Tapuwa. Uvua uluisha tshimenga atshi, bualu kabavua bamunzuluile biibi to. Nanku, kupandaye bakaji bonsu bavua bimite mafu munda.