2 Bakalenga 14:26 - MUKANDA WA MYIDI MUKULU

²⁶ Bualu Maweja-Nangila uvua mumone dikenga dikole divua nadi bena bukalenga ebu. Bualu kakuvua muntu nansha umue utshivua mua kuambuluisha bena Izrayele to.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Bualu bua Yehowa wakamona dikenga dia Bena Isalele ne diakadi dikole; kabakashala ne bantu mu nsubu anyi ku mbelu, kabakashila Bena Isalele mukuatshishi nansha.

2 Bakalenga 14:26 ပူးပေါင်းရင်းမြစ်များ

1 Bakalenga 14:10

Nanku, nennyoke bena nzubu webe. Nembutule bena diku diebe bonsu: bana ne bantu bakulumpe. Nembutule bena nzubu bebe bonsu, anu bu mudibu bimansha bintu ku dyala ne lukombu.

1 Bakalenga 21:21

Maweja-Nangila udi wamba ne: “Nenkutumine makenga makole. Nenkubutule wewe ne bantu bonsu ba mu diku diebe, bakulumpe ne bana batekete.

2 Bakalenga 13:23

Kadi, pashishe Maweja-Nangila kufuila bena Izrayele luse, kulekela bubi buabu, bua ndondu uvuaye mutue ne Abrahame, Izake ne Yakobe. Nanku, Maweja-Nangila kena mubutule bena Izrayele to. Kavua muanji kubatuma kule mu bupika to.

2 Bakalenga 13:4

Kadi, Yowakaze kusengelela Maweja-Nangila, Maweja-Nangila kumuitaba. Maweja-Nangila mumane kumona muvua mukalenga wa bena Siriya ukengesha bena Izrayele,

2 Bakalenga 9:8

Bulelela, bena nzubu wa Akabe bonsu nebafue. Nembutule bena diku dia Akabe bonsu: bantu bakole ne bana batekete.

Misambu 107:12

Yeye kubapuekesha mu miidima mikole, kakuvua muntu uvua mua kubajula.

Misambu 22:11

Amu bandela, wewe kushala ndeji wanyi! Amu mmona diba, wewe ukavua Mvidi Mukulu wanyi!

Ekesode 3:7

Maweja-Nangila kumuambila ne: — Ndi mumone dikenga dia bantu banyi badi mu ditunga dia Ejipitu. Ndi mumvue miadi yabu. Badi babakengesha bikole ne tshikisu. Ndi mumone mudi bena Izrayele banyingalala.

Ekesode 3:9

Ndi mumvue miadi ya bantu banyi. Kabidi ndi mumone mudibu babakengesha kudi bena Ejipitu.

Yeshaya 63:9

Mu makenga abu onsu, kena mutume muntu mukuabu bua kubambuluisha. Kadi uvua mubasungidile amu yeye mene. Yeye uvua muangate bualu buabu ne manza abidi, bualu uvua mubanange, ubumvuila luse. Yeye ke uvua mudiangatshile malu abu, mubambule mu maboku ende, ku tshikondu ne ku tshikondu.

Yezekiyele 22:30

Mvua mukebe muntu uvua mua kuibaka tshimana, nansha uvua mua kuimana muaba uvuabu bakeba kushimbula, bua kunkandika bua tshibutudi tshimenga. Kadi tshiena mupete muntu nansha umue.

Dielulula 32:36

Padi bena Izrayele kabatshiyi ne bukole, kabayi ne muntu udi mua kubambuluisha. Maweja-Nangila neabafuile luse. Neabambuluishe, akosa nsambu yabu pa yoyi.

Balombodi 10:16

Ke bena Izrayele kumusha mvidie ya bantu benyi ivuabu batendelela. Kutendelelabu tshiakabidi Maweja-Nangila. Nanku Maweja-Nangila kavua kabidi ne disanka bua kumona dikenga dia bena Izrayele to.