2 Bakalenga 14:24 - MUKANDA WA MYIDI MUKULU

²⁴ Kadi, Yerobowame uvua muenze malu adi Maweja-Nangila ubenga. Uvua wenza buenzayi bu Yerobowame, muana wa Nebate, uvua mufikishe bena Izrayele ku dienza bibi.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Wakenza malu mabi ku mesu kua Yehowa; kakasesuka ku malu mabi onso a Yalobama, muana wa Nebata, akenzesheye Bena Isalele.

2 Bakalenga 14:24 ပူးပေါင်းရင်းမြစ်များ

Genese 38:7

Ere, muanabute wa Yuda, kavua ukumbaja bivua Maweja-Nangila musue nansha. Nanku Maweja-Nangila kumushipesha.

1 Bakalenga 14:16

Maweja-Nangila nealekele bena Izrayele, bualu Yerobowame mmuenze bibi, kabidi mmufikishe bena Izrayele ku dienza bibi.

1 Bakalenga 21:25

Bulelela, katshia kabena banji kumona muntu usanka bua kuenza bidi Maweja-Nangila ubenga, bu mudi mukalenga Akabe usanka bua kuenza nanku. Kadi badi bamuenzeja bionsu ebi kudi mukajende Yezabele.

2 Bakalenga 13:11

Kadi, Yowashe, muana wa Yowakaze, uvua wenza malu adi Maweja-Nangila ubenga. Uvua anu wenza buenzayi buonsu bu Yerobowame, muana wa Nebate. Yerobowame uvua mufikishe bena Izrayele ku dienza bibi.

2 Bakalenga 13:2

Kadi, Yowakaze uvua muenze malu adi Maweja-Nangila ubenga. Uvua muenze anu buenzayi bu Yerobowame, muana wa Nebate, uvua mufikishe bena Izrayele ku dienza bibi.

2 Bakalenga 13:6

Kadi, bena Izrayele bavua anu benza buenzayi, bu Yerobowame ne bena nzubu wende. Bualu Yerobowame uvua mufikishe bena Izrayele ku dienza bibi. Nansha dikunji dia kutendelela Ashera, mvidie mukaji, divua anu dishale dimanyike mu Samariya.

2 Bakalenga 14:23

Amashiya, muana wa Yowashe, mumane kulala mu bukalenga bua bena Yuda bidimu dikumi ne bitanu, Yerobowame, muana wa Yowashe, kubuela mu bukalenga bua bena Izrayele mu Samariya. Kushalaye mu bukalenga bidimu makumi anayi ne tshimue.

2 Bakalenga 14:25

Yerobowame kukuata kabidi maloba onsu avua a bena Izrayele, biangatshile ku tshimenga tshia Lebo-Amate ku mutu mu ditunga, too ne ku Mayi manene a luepu, kuinshi mu ditunga, anu bu muvua muambi Yonase, muana wa Amitayi, wa mu musoku wa Ngate-Efere, muambe mu dina dia Maweja-Nangila Mvidi Mukulu wa bena Izrayele.

2 Bakalenga 21:6

Kufikaye ne ku dilambula muanende wa balume bu mulambu wa kuosha. Kuenzaye majimbu a mishindu mishilangane, kubukaye lubuku lua muzangu. Nanku, Menashe uvua wenza anu malu adi Maweja-Nangila mubenge, umufikisha munda.

Misambu 106:20

Pa muaba wa Mvidi Mukula uvua butumbi buabu, kupingajabu lupingu lua ngombe udiadia bisosa.

Amosa 7:10

Amashiya, mutuangaji wa mu Betele, kumanyisha Yerobowame, mukalenga wa Izrayele, ne: “Amosa mmukuelele tshifufu tshibi munkatshi mua bena Izrayele. Bidiye wamba, bidi mua kunyanga ditunga.

Amosa 7:13

Kadi kumueneki kabidi muetu munu mu Betele, bualu ke muaba udi mukalenga wa ditunga utendelela, ke nzubu wa tshijila wa bukalenga.

Amosa 7:16

Kadi wewe, Amashiya, udi musue kunkandika mudimu wa muambi undi ngenzela bena Izrayele. Udi musue bua ndekele biakulakula, muudi ubiamba, bindi mbela nabi ndelanganyi ya Izake. Nanku, teleja bidi Maweja-Nangila ukuambila ne:

Amosa 7:9

Nennyangakaje miaba yonsu ivua ndelanganyi ya Izrayele itendelela. Miaba ya tshijila ya Izrayele neishale makolu. Nenduishe ne mvita bena diku dia Yerobowame.

Dielulula 9:18

Pashishe meme kudiela panshi kumpala kua Maweja-Nangila. Meme kushala muaba awu matuku makuabu makumi anayi a munya ne butuku, tshiyi mua kudia nansha kunua. Mvua muenze bionsu abi, anu bua bubi bu-nuvua benze. Nuenu kuenza bidi Maweja-Nangila ubenga, kumufikisha munda.