2 Bakalenga 14:16 - MUKANDA WA MYIDI MUKULU

¹⁶ Yowashe mumane kufua, kumujiikabu mu Samariya, mu lukita lua bakalenga ba bena Izrayele. Nanku, muanende wa balume Yerobowame kumupingana mu bukalenga.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Yehoasha wakalala tulu ne bankambua bandi, bakamujika mu Samalea diatshimue ne bakelenge ba Isalele; Yalobama, muanʼandi, wakakokesha mu muaba wandi.

2 Bakalenga 14:16 ပူးပေါင်းရင်းမြစ်များ

2 Samuele 7:12

Pakumbana diba dia lufu luebe, nensungule umue wa ku bana bebe menemene, bua kukupinganaye mu bukalenga. Nemmuambuluishe bua kushindamaye mu bukalenga.

1 Bakalenga 1:21

Wewe kuyi muenze nanku, pawikala mumane kufua, meme Batsheba ne muananyi Shelomu nebatukengeshe bu bena tshibawu.

2 Bakalenga 13:12

Malu makuabu a Yowashe, muana wa Yowakaze, mbaafunde mu mukanda udibu babikila ne: Malu adi bakalenga ba bena Izrayele benza. Mu mukanda amu, mbafundemu malu onsu avua Yowashe muenze, baleja ne bukitu buvuaye nabu, pavuaye uluisha Amashiya, mukalenga wa bena Yuda.

2 Bakalenga 13:13

Yowashe mumane kufua, kumujiikabu mu Samariya mu lukita lua bakalenga ba bena Izrayele. Nanku, muanende wa balume Yerobowame, kumupingana mu bukalenga.

2 Bakalenga 13:9

Yowakaze mumane kufua, kumujiikabu mu Samariya. Muanende wa balume Yowashe, kumupingana mu bukalenga.

2 Bakalenga 14:15

Malu makuabu a mukalenga Yowashe, mbaafunde mu mukanda udibu babikila ne: Malu adi bakalenga ba bena Izrayele benza. Mu mukanda amu, mbafundemu malu onsu adi Yowashe muenze. Badi baleja kabidi bukitu buvuaye muleje ne mvita ivuaye muluangane ne Amashiya, mukalenga wa bena Yuda.

2 Bakalenga 14:17

Yowashe, mukalenga wa bena Izrayele, mumane kufua, Amashiya, mukalenga wa bena Yuda, kushala kabidi ne muoyi bidimu dikumi ne bitanu.

2 Bakalenga 14:23

Amashiya, muana wa Yowashe, mumane kulala mu bukalenga bua bena Yuda bidimu dikumi ne bitanu, Yerobowame, muana wa Yowashe, kubuela mu bukalenga bua bena Izrayele mu Samariya. Kushalaye mu bukalenga bidimu makumi anayi ne tshimue.

2 Bakalenga 14:28

Malu makuabu a mukalenga Yerobowame, mbaafunde mu mukanda udibu babikila ne: Malu adi bakalenga ba bena Izrayele benza. Mu mukanda emu, mbafundemu kabidi malu onsu adi Yerobowame muenze, baleja kabidi ne bukitu buvuaye nabu mu mvita, ne muvuaye mupingajile bena Izrayele tshimenga tshia Damase ne tshia Amate.

1 Kulondolola 5:17

Bavua bafunda mena a bantu ba mu tshisamba atshi mu mikanda mu tshikondu tshia Yotame, mukalenga wa bena Yuda, ne tshia Yerobowame, mukalenga wa bena Izrayele.

Osheya 1:1

Mu mukanda ewu, mudi malu avua Maweja-Nangila muambile Osheya, muana wa Beyeri. Tshikondu atshi, Yerobowame, muana wa Yowashe, ke uvua mukalenga mu buloba bua Izrayele. Uziya, Yotame, Akaze ne Izkiya, ke bawa bakalenga mu buloba bua Yuda.

Amosa 1:1

Mu mukanda ewu mbafunde miaku ya Amosa, mumunyi wa nyama, wa mu musoku wa Tekowa. Maweja-Nangila uvua mumumanyishe malu avua atangila bukalenga bua bena Izrayele, bidimu bibidi kumpala kua tshikumina tshinene. Mu tshikondu tshiwa Uziya mukalenga wa bena Yuda, ne Yerobowame, muana wa Yowashe, mukalenga wa bena Izrayele,