2 Bakalenga 14:10 - MUKANDA WA MYIDI MUKULU

¹⁰ Yowashe kumuambila kabidi ne: “Udi udisua, bualu uvua mutshimune bena Edome! Eyowa, usanke bualu udi mumane kutshimuna, kadi usombe ku nzubu kuebe! Kuena mumanye ne mvita iudi ujinga ayi, neyikukebele anu makenga anyi? Bualu nebakutshimune, wewe ne bena mvita bonsu ba bena Yuda?”

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bulelela, wewe wakuhita Bena Edome bukole, wakadibandisha mu mutshima webe, wakadisua; Shala biebe kuebe, uditumbishe nkayebe. Udi musue kudibuesha mu malu bua kudikengesha ne bua kuhona, wewe ne Bena Yuda hebe, bua tshinyi?

2 Bakalenga 14:10 ပူးပေါင်းရင်းမြစ်များ

2 Bakalenga 14:7

Amashiya kabidi ke uvua mutshimune bena mvita ba bena Edome binunu dikumi, bavua mu tshibandabanda tshia luepu. Pavuabu baluangana, Amashiya kukuata tshimenga tshia Sela. Kutshinyikaye dina ne: “Yokteyele.” Tshimenga atshi, tshitshidi ne dina adi too ne mpindiewu.

2 Kulondolola 26:16

Kadi, lumu luende luvua lumupeshe ditambisha dia bungi. Ditambisha edi kumufikisha ku kabutu. Kavua kabidi muitabe Mvidi Mukulu wende to. Dituku dikuabu, Uziya kubuela mu nzubu wa Mvidi Mukulu, bua kulambula musenga wa kamonya pa tshilambuilu tshia manananshi.

2 Kulondolola 32:25

Kadi, Izkiya kavua wanyisha Mvidi Mukulu bua bionsu bivuaye mumuenzele. Uvua anu uditambisha. Nanku, Maweja-Nangila kumufikila munda, kufikila kabidi bena Yerushalayime, ne bena bukalenga bua Yuda munda.

2 Kulondolola 35:21

Kadi Neko kutuma bantu bua kumukonka ne: “Mukalenga wa bena Yuda, udi ubenga bua meme kupitshila mu njila ewu bua tshinyi? Tshiena mfika lelu bua kuluangana nebe to. Ndi nduangana ne muluishi mukuabu. Mvidi Mukulu mmuntumine diyi dia kuya lukasa. Mvidi Mukulu udi nanyi. Lekela kubenga diyi diende, bualu udi mua kukushipesha.”

Ekesode 8:9

Maweja-Nangila kuitaba bivua Moshe umulomba. Ndimba yonsu ivua mu nzubu, mu mbanza ne mu madimi kufuayi.

Nsumuinu 15:18

Muntu wa lonji udi ukeba matandu, kadi muntu wa lutulu udi watuyisha.

Nsumuinu 16:18

Udi uditambisha neabutuke. Udi udisua neapone panshi.

Nsumuinu 17:14

Kutuadija matandu kudi bu kubumbula nkila. Puwa patshidi matandu kaayi manji kukola.

Nsumuinu 20:3

Muntu wa meji udi wepuka matandu. Amu bantu bapote ke badi badibuejamu.

Nsumuinu 25:8

Wewe mumone bualu, lekela kuzukila bua kuya nabu ku tshilumbu. Pikala muntu uudi mufunde mukupishe, neuvue kuenza kabidi tshinyi?

Nsumuinu 26:17

Kubuelakana mu matandu adi kaayi ebe, kudi bu kukeba kukuata ku matshi a mbua udi upita mu njila.

Nsumuinu 3:30

Kutandishi ku bukole mukuenu, padiye kayi mukuenzele bualu bubi.

Yezekiyele 28:5

Udi muvudije biuma biebe, bualu udi mumanye mua kuenda mushinga. Kadi biuma bionsu ebi udi anu uditambisha nabi.

Yezekiyele 38:17

“Meme Maweja-Nangila Mvidi Mukulu, ndi nkuambila ne: Wewe ke umvua ntela kukadi bidimu bivule, diba dimvua muambile bambi ba bena Izrayele, bantu banyi, ne: numanyishe bena Izrayele misangu ne misangu ne: nentume muntu udi ne bua kuluisha bena ditunga dienu.

Yezekiyele 38:2

— Muntu, tangila kudi Ngoge, mukalenga munene wa bantu badi basombe mu Tubale ne mu Mesheke mu ditunga dia Magoge. Umutandishe mu dina dianyi.

Yezekiyele 38:5

Bena mvita ba bena Persa, ba bena Kushe, ne ba bena Pute nebikale muntu yonsu ne ngabu wende, kabidi ne tshifulu tshiende tshia bena mvita. Bonsu aba nebaye nebe.

Danyele 11:12

Mukalenga wa ditunga dia kuinshi, neaditambishe bua ditshimuna diende adi. Kadi nansha muyilaye mushipeshe binunu ne binunu bia bena mvita, kakubatshimuna kashidi nansha.

Abakuke 2:4

Funda nanku: bena buenzayi nebafue. Kadi bantu badi benzela bakuabu bimpe, nebapete muoyi, bualu badi bitaba Maweja-Nangila.

Abakuke 2:5

Bushuwa, bubanji budi bufikisha bantu ku diakabi. Badi baditambisha kabena ne dikisha. Badi mukana buashi, bu dijimba dia bafue kadiyi diwula. Badi bu mudi lufu, ludi lubutula amu kubutula bantu. Ke mudi bena Babilone bakuata amu kukuata matunga, bua bantu bashale bapika babu kashidi.

Dielulula 8:14

kanuditambishi to. Nuvuluke Maweja-Nangila Mvidi Mukulu wenu, uvua munupatule ku bupika mu Ejipitu.

Yakobe 1:9

Muanetu mupele asanke, bualu Mvidi Mukulu udi umubandisha kulu.

Yakobe 4:6

Kadi bu mudi Mvidi Mukulu utunanga, udi utusankisha kabidi bipite. Ke padi Mikanda ya tshijila yamba ne: “Mvidi Mukulu udi ubenga bena ditambisha, kadi udi wanyisha bapuekele.”

Balombodi 9:52

Abimeleke kuluisha tshibumba atshi, kusemena ku tshiibi tshia ku tshibuelelu bua kuosha nzubu.