2 Bakalenga 14:1 - MUKANDA WA MYIDI MUKULU

¹ Yowashe, muana wa Yowakaze, mumane kushala mu bukalenga bua bena Izrayele bidimu bibidi, Amashiya kupingana tatuende mu bukalenga bua Yuda.

Mukanda wa Nzambi Dihungila Dikulukulu ne Dihungila Dihia-dihia 2003

¹ Mu tshidimu tshibidi tshia bukelenge bua Yoasha, muana wa Yehoaza, mukelenge wa Isalele, Amasaya, muana wa Yoasha, mukelenge wa Yuda, wakabanga kukokesha.

2 Bakalenga 14:1 ပူးပေါင်းရင်းမြစ်များ

2 Bakalenga 12:21

Balombodi ba bena mvita ba Yowashe, kumuelela tshifufu. Balombodi babidi ba munkatshi muabu: Yozabade, muana wa Shimeyi, ne Yehozabade, muana wa Shomere, kushipabu Yowashe ku Bete-Milo. Kumujiikabu mu lukita lua bena diku diabu, luvua mu Tshimenga tshia Davide. Muanende wa balume Amashiya kumupingana mu bukalenga.

2 Bakalenga 13:10

Yowashe, muana wa Akaziya, mumane kulala mu bukalenga bua bena Yuda bidimu makumi asatu ne muanda mutekete, Yowashe, muana wa Yowakaze kudia bukalenga bua Izrayele, mu Samariya. Kushalayemu bidimu dikumi ne bisambombu.

2 Bakalenga 14:15

Malu makuabu a mukalenga Yowashe, mbaafunde mu mukanda udibu babikila ne: Malu adi bakalenga ba bena Izrayele benza. Mu mukanda amu, mbafundemu malu onsu adi Yowashe muenze. Badi baleja kabidi bukitu buvuaye muleje ne mvita ivuaye muluangane ne Amashiya, mukalenga wa bena Yuda.

2 Bakalenga 14:17

Yowashe, mukalenga wa bena Izrayele, mumane kufua, Amashiya, mukalenga wa bena Yuda, kushala kabidi ne muoyi bidimu dikumi ne bitanu.

2 Bakalenga 14:2

Amashiya uvua ne bidimu makumi abidi ne bitanu. Uvua mushale mu bukalenga mu Yerushalayime bidimu makumi abidi ne tshitema. Mamuende Yowadane uvua wa mu Yerushalayime.

2 Bakalenga 14:23

Amashiya, muana wa Yowashe, mumane kulala mu bukalenga bua bena Yuda bidimu dikumi ne bitanu, Yerobowame, muana wa Yowashe, kubuela mu bukalenga bua bena Izrayele mu Samariya. Kushalaye mu bukalenga bidimu makumi anayi ne tshimue.

1 Kulondolola 3:12

Amashiya, Azariya, Yotame,

2 Kulondolola 25:25

Yowashe, mukalenga wa bena Izrayele mumane kufua, Amashiya, mukalenga wa bena Yuda, kushala kabidi ne muoyi bidimu dikumi ne bitanu.

2 Kulondolola 26:1

Pavua Uziya, muana wa Amashiya, ne bidimu dikumi ne bisambombu, bena Yuda kumusungula bua apingane tatuende mu bukalenga.