2 Bakalenga 13:7 - MUKANDA WA MYIDI MUKULU

⁷ Ku ndekelu, bena mvita ba mukalenga Yowakaze bavua babande pa nyama ya tubalu, bavua bashale anu makumi atanu, matempu a mvita anu dikumi. Bena mvita bavua benda ku makasa bavua bashale anu binunu dikumi. Bualu mukalenga wa bena Siriya uvua mushipe bena mvita ba mukalenga Yowakaze bapite bungi. Uvua mubabutule bonsu, bu mudibu badiata lupuishi mu njila.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Mukelenge wa Sulia wakashila Yehoaza anu bantu makumi atanu bakadi benda ha nyima ha tubalu, ne makalu dikumi, ne binunu dikumi bia bantu bakadi benda ku makasa; mukelenge wa Sulia wakababutula, wakabavuisha bu luhuishi lua ku tshituilu.

2 Bakalenga 13:7 ပူးပေါင်းရင်းမြစ်များ

2 Samuele 22:43

Ndi mbavingutula, mbashiya bu lupuishi. Ndi mbadiata bu bitotshi bia mu misesu.

1 Bakalenga 20:15

Akabe kubandila bansongalume nkama ibidi makumi asatu ne babidi, bavuabu bangate ku mudimu wa mvita kudi balombodi ba maloba a mu ditunga. Pashishe, kubandilaye kabidi bena mvita bonsu ba bena Izrayele binunu muanda mutekete.

1 Bakalenga 20:27

Mukalenga Akabe kabidi kubandila bena mvita ba bena Izrayele, kubapesha biakudia. Kuyabu bua kusambakena ne baluishi babu. Bena mvita ba bena Izrayele kuasa mitanda mu bisumbu bibidi bitangilangane ne bena Siriya. Bena mvita ba bena Izrayele bavua bamueneka anu bu bisumbu bikese bia mbuji bibidi. Kadi, bena Siriya bavua bapite bungi, batuangane ditunga dijima.

2 Bakalenga 10:32

Tshikondu atshi, Maweja-Nangila kutuadija kukepesha buloba bua bena Izrayele. Kuanyishaye bua Azayele, mukalenga wa bena Siriya, atshimune bena Izrayele mu ditunga diabu dijima.

2 Bakalenga 13:8

Malu makuabu a Yowakaze, mbaafunde mu mukanda udibu babikila ne: Malu adi bakalenga ba bena Izrayele benza. Mu mukanda amu, mbafundemu malu onsu avua Yowakaze muenze, baleja kabidi ne bukitu buvuaye nabu.

2 Bakalenga 8:12

Azayele kumukonka ne: — Muambi udi udila bua tshinyi? Muambi Elisha kuandamuna ne: — Ndi ndila bualu nkadi mumanye ne: neukengeshe bena Izrayele bikole. Newoshe bimenga biabu bidi bibaka ne bimana bikole. Neukose nsongalume yonsu muminu, uzaza bana bakese, upanda mafu a bakaji badi bimite.

Misambu 18:42

Nansha bela mbila, muntu kena ubambuluisha. Nansha batendelela Maweja-Nangila, kena ubitaba.

Yeshaya 36:8

“Nanku nudie lupiku ne mfumuanyi, mukalenga wa bena Ashure: Meme ndi mua kukupesha nyama ya tubalu binunu bibidi, kadi amu paudi mua kupeta bantu bakumbane badi mua kubandapu.

Yeshaya 41:2

Meme kubikila muntu luseke ludi diba dipatukila, kumutuma mu njila. Muntu awu kutshimuna baluishi bende, kuonsu kuyayaye. Udi utshimuna matunga onsu adi kumpala kuende, udiatakaja bakalenga. Muele wende wa mvita udi ubatangalaja bu lupuishi. Mikete yende idi ibipata nduu, bu bisosa bidi lupepele lutangalaja.

Lewitiki 26:17

Nennukengeshe. Baluishi benu nebanutshimune, banutshimbakaje. Nenudinyemene, kakuyi muntu unuipata.

Amosa 1:3

Teleja tshidi Maweja-Nangila wamba ne: “Ndi ndumbuluisha bena Arame ba mu Damase, mbapisha bua malu mabi mavule, kadi nangananga, bualu mbakengeshe ne lonji lukole, bantu badi basomba mu ditunga dia Ngilaade. Nanku tshiena mua kubafuila luse. Nenkumbaje bindi mujadike ne:

Amosa 4:10

Ndi mutumine bimuna bienu masama, mumvua muenze kale mu Ejipitu. Ndi muanyishe bua baluishi benu, bashipe bansongalume benu mu mvita, banunyenge nyama ya tubalu. Mu mitanda yenu, mupuya wa bitalu mmunubuele mu mimpempe. Kadi kanuena bapingane kundi. Meme Maweja-Nangila ndi njadika nanku.

1 Samuele 13:15

Samuwele kumuka mu Ngilgale, kuya luseke lukuabu. Bena mvita bavua bashale, kuyabu ne Shawule. Kumukabu ku Ngilgale kuyabu ku Ngibeya wa bena Binyamine, muaba uvua bena mvita bende bakuabu. Shawule kutentekela bena mvita bonsu, batshivuaye mushale nabu. Bavua bu nkama isambombu.