2 Bakalenga 13:5 - MUKANDA WA MYIDI MUKULU

⁵ kutuminaye bena Izrayele muntu uvua mua kubasungidila mu bianza bia bena Siriya. Biangatshile tshikondu atshi, bena Izrayele kusomba ne ditalala, bu muvuabu basombe bangabanga.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Yehowa wakabishila Bena Isalele musungidi, nunku bakahanduka mu bianza bia Bena Sulia. Bena Isalele bakashikama mu ntenta yabo bu muakenzabo diambedi,

2 Bakalenga 13:5 ပူးပေါင်းရင်းမြစ်များ

2 Bakalenga 13:25

Diakamue, Yowashe kunyenga Benadade bimenga bionsu bia bena Izrayele, bivua Azayele munyenge tatuende Yowakaze. Yowashe kutshimuna Benadade misangu isatu milondangane. Kunyengaye bimenga biende abi bionsu.

2 Bakalenga 14:25

Yerobowame kukuata kabidi maloba onsu avua a bena Izrayele, biangatshile ku tshimenga tshia Lebo-Amate ku mutu mu ditunga, too ne ku Mayi manene a luepu, kuinshi mu ditunga, anu bu muvua muambi Yonase, muana wa Amitayi, wa mu musoku wa Ngate-Efere, muambe mu dina dia Maweja-Nangila Mvidi Mukulu wa bena Izrayele.

2 Bakalenga 14:27

Kadi, bu muvua Maweja-Nangila kayi musue kubutula bena Izrayele, kubatuminaye Yerobowame, muana wa Yowashe, bua kubasungidila.

1 Kulondolola 11:2

Kadi kale patshivua Shawule mukalenga, ukavua ulombola bena Izrayele mu mvita yabu. Kabidi Maweja-Nangila Mvidi Mukulu webe ukavua mumane kukuambila ne: “Wewe Davide newikale mukalenga wa bantu banyi bena Izrayele. Newikale mfumuabu.”

Nehemya 9:27

Nanku, wewe kubafila mu bianza bia baluishi babu, bavua babakengesha bikole. Kadi pavuabu mu dikenga dinene, bobu kukubikila. Wewe mu diulu, kubateleja. Bu mudi dinanga diebe kadiyi ndekelu, Wewe kutuma bilobu, bua kubasungidila kudi baluishi babu.

Estere 4:14

Nanku paudi ubenga kutuakuila mu tshikondu tshikole etshi, bena Yuda nebapete diambuluisha ku nseke mikuabu, nebapande. Kadi wewe ne bena diku diebe, nenubutuke. Umanye kabidi ne: bumue mbua bualu ebu, ke buudi mua kuikala mupete muanzu wa mukalenga mukaji.”

Ekesode 4:10

Moshe kubenga, wambila Maweja-Nangila ne: — Maweja-Nangila, tshiena mua kuya to. Katshia bandela too ne mpindiewu patudi nebe apa, tshiena mumanye mua kuakula bimpe to. Ndi ntata bikole bua kuamba bualu.

Yeshaya 19:20

Ebi nebileje mudi Maweja-Nangila muena bukole buonsu usomba mu ditunga dia Ejipitu. Padibu bakengesha bena Ejipitu, bobu bela mbila kudi Maweja-Nangila, Mvidi Mukulu neabatumine mubapandishi, udi mua kubalumbuluila, ne kubasungidila.

Obadya 1:21

Bobu bamane kutshimuna, nebabande pa mukuna wa Siyone, bua kuikalabu bamfumu ba bena Edome. Ke mudi Maweja-Nangila ujadika bumfumu buende nanku.

Luke 2:11

butuku ebu mu tshimenga tshia Davide, mbalelamu Musungidi wenu. Yeye ke Kristu Mfumu.

Dielulula 19:4

Amu muntu uvua mushipe muntu mukuabu mu mpukapuka, kayi nende ne lukinu, neanyemene mu tshimue tshia ku bimenga ebi bisatu bua kudipandisha.

1 Samuele 12:11

Pashishe Maweja-Nangila kutuma Ngideyone, Bedane, Yefete, kuntumaye ne meme Samuwele bua kunusungidila, kudi baluishi benu, bavua nenu mutumba. Ke munuvua basombe mu ditunga ne ditalala.

1 Samuele 19:7

Ke Yonatane kuya kukeba Davide. Kumuambilaye bionsu bivuabu bayukila abi, kuyaye ne Davide kudi Shawule. Davide kutuadija kabidi mudimu pabuipi ne Shawule, bu muvuaye wenza pa tshibidilu.