2 Bakalenga 13:25 - MUKANDA WA MYIDI MUKULU

²⁵ Diakamue, Yowashe kunyenga Benadade bimenga bionsu bia bena Izrayele, bivua Azayele munyenge tatuende Yowakaze. Yowashe kutshimuna Benadade misangu isatu milondangane. Kunyengaye bimenga biende abi bionsu.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Yehoasha, muana wa Yehoaza, wakanyenga kabidi misoko mu bianza bia Bene-hadada, muana wa Hazaele, yakanyengeye mu bianza bia Yehoaza, tatu wandi, mu mata. Yoasha wakamuhita bukole misangu isatu, wakasungila misoko ya Bena Isalele.

2 Bakalenga 13:25 ပူးပေါင်းရင်းမြစ်များ

1 Bakalenga 20:29

Bena mvita ba bena Izrayele ne ba bena Siriya kusomba bindila matuku muanda mutekete mu mitanda, batangilangane. Dituku dia muanda mutekete, kutuadijabu kuluangana. Bena Izrayele kutshimuna bena Siriya. Dituku dimue adi, kushipabu bena mvita ba bena Siriya binunu lukama, bavua benda ku makasa.

2 Bakalenga 10:32

Tshikondu atshi, Maweja-Nangila kutuadija kukepesha buloba bua bena Izrayele. Kuanyishaye bua Azayele, mukalenga wa bena Siriya, atshimune bena Izrayele mu ditunga diabu dijima.

2 Bakalenga 10:33

Kunyengabu bena Izrayele buloba buonsu buvua luseke ludi diba dipatukila lua Yardene, ne buvua ku mutu kua tshimenga tshia Aroyere, ku muelelu wa musulu wa Amone. Ke ditunga dia Ngilaade ne dia Bashane, muaba uvuabu basombe kudi bena Rubene, bena Ngade ne bena Menashe.

2 Bakalenga 13:24

Azayele mumane kufua, muanende wa balume Benadade kumupingana mu bukalenga bua bena Siriya.

2 Bakalenga 13:3

Nanku, Maweja-Nangila kufikila bena Izrayele munda. Kubafilaye mu bianza bia Azayele, mukalenga wa bena Siriya, ne mu bianza bia Benadade, muana wa Azayele, matuku onsu avua bantu abu mu bukalenga.

2 Bakalenga 13:5

kutuminaye bena Izrayele muntu uvua mua kubasungidila mu bianza bia bena Siriya. Biangatshile tshikondu atshi, bena Izrayele kusomba ne ditalala, bu muvuabu basombe bangabanga.

2 Bakalenga 14:25

Yerobowame kukuata kabidi maloba onsu avua a bena Izrayele, biangatshile ku tshimenga tshia Lebo-Amate ku mutu mu ditunga, too ne ku Mayi manene a luepu, kuinshi mu ditunga, anu bu muvua muambi Yonase, muana wa Amitayi, wa mu musoku wa Ngate-Efere, muambe mu dina dia Maweja-Nangila Mvidi Mukulu wa bena Izrayele.