2 Bakalenga 13:21 - MUKANDA WA MYIDI MUKULU

²¹ Dituku dikuabu, bantu bavua baya kujiika tshitalu. Diakamue, kumonabu bivi abu. Kuimanshabu tshitalu tshivuabu natshi mu lukita lua Elisha, kunyemabu. Anu tshitalu atshi tshilengangane ne mifuba ya muambi Elisha, muntu mufue kufululuka, kuimana kulu.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Hakadibo bajika muntu mukuabo, bakatangila tshisumbu tshia Bena Moaba; bakimasha tshitalu tshiandi mu lukita lua Elisha; hakalengangana tshitalu tshiandi ne mifuba ya Elisha, wakafuluka, makasa andi.

2 Bakalenga 13:21 ပူးပေါင်းရင်းမြစ်များ

2 Bakalenga 13:22

Azayele, mukalenga wa bena Siriya, uvua mukengeshe bena Izrayele bikole, matuku onsu avua Yowakaze mu bukalenga.

2 Bakalenga 4:35

Elisha kujuka, kuenda mu nzubu awu, utua eku ne eku. Pashishe kulalaye kabidi pambidi pa muana. Muana kuela nyashi misangu muanda mutekete, kutabalaye.

Yeshaya 26:19

Tshisamba tshianyi, bafue bebe nebabike ku lufu, — nenku bitalu bia bantu banyi nebipete muoyi. — Badi balale mu buloba, nebajuuke, beela tunkunduluila. Bualu Maweja-Nangila, neakutumine lumuma ludi lupetesha muoyi. Nanku buloba nebupatule ne muoyi bafue bavua amu bu mundidimbi.

Yowanane 11:44

Mufue kupatuka, makasa ne bianza bijingila mikaba ya bilamba, mpala mubuikila tshitambala. Yezu kubambila ne: — Mukutululayi, numulekele aye.

Yowanane 5:25

Ndi nnujadikila ne: tshikondu tshidi kumpala, ntshimane kufika mene, tshidi bantu bafue bumvue diyi dia Muana wa Mvidi Mukulu. Badi badiumvue nebikale ne muoyi.

Bienzedi 19:12

Bavua bateka pambidi pa babeedi bilamba, nansha tulamba, bivua bilenga mubidi wa Polu. Babeedi kumvua amu bilenga, mikishi mibi kumuka kudibu.

Bienzedi 5:15

Bavua bafika ne babeedi mu misesu, babaladika pa malalu ne pa biata, bua nansha Petro upita, mundidimbi wende ubuikile bamue ba kudibu.

Didimanyisha 11:11

Kadi matuku asatu ne tshitupa mamane kupita, Mvidi Mukulu neabapingajile mueyelu wa muoyi, bua bajuke. Bonsu badi babamona, nebakuatshike bowa bikole.