2 Bakalenga 13:18 - MUKANDA WA MYIDI MUKULU

¹⁸ Pashishe, Elisha kuambila mukalenga Yowashe ne: — Ambule miketa mikuabu. Mukalenga Yowashe kuyambula. Muambi kumuambila ne: — Tuuta ne miketa ayi panshi. Mukalenga Yowashe kutuuta miketa ayi panshi misangu isatu, kulekela.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Yeye wakamba kabidi ne, Wangata mikete; wakayangata. Wakambila mukelenge wa Isalele ne, Yasai mu buloba. Yeye wakasa misangu isatu, wakalekela.

2 Bakalenga 13:18 ပူးပေါင်းရင်းမြစ်များ

2 Bakalenga 13:19

Muambi kufika munda, wambila mukalenga ne: — Bu wewe mutuute miketa ayi panshi misangu itanu nansha isambombu, uvua mua kutshimuna bena Siriya kashidi. Kadi mpindiewu, neubatshimune anu misangu isatu.

2 Bakalenga 13:25

Diakamue, Yowashe kunyenga Benadade bimenga bionsu bia bena Izrayele, bivua Azayele munyenge tatuende Yowakaze. Yowashe kutshimuna Benadade misangu isatu milondangane. Kunyengaye bimenga biende abi bionsu.

2 Bakalenga 4:6

Biasu bimane kuwula, kulombaye muanende mukuabu ne: — Mpeshayi tshiasu tshikuabu tshia munda mutupu. Kadi, biasu bionsu bivua bimane kuwula. Muana kumuambila ne: — Biasu bikuabu kabienaku to. Nanku, mafuta kukama.

Ekesode 17:11

Pavua Moshe wela tshianza mulu, bena Izrayele bavua bapita bena Amaleke bukole. Pavuaye upuekesha tshianza, bena Amaleke bavua batshimuna bena Izrayele.