2 Bakalenga 12:21 - MUKANDA WA MYIDI MUKULU

^21-22 Balombodi ba bena mvita ba Yowashe, kumuelela tshifufu. Balombodi babidi ba munkatshi muabu: Yozabade, muana wa Shimeyi, ne Yehozabade, muana wa Shomere, kushipabu Yowashe ku Bete-Milo. Kumujiikabu mu lukita lua bena diku diabu, luvua mu Tshimenga tshia Davide. Muanende wa balume Amashiya kumupingana mu bukalenga.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Bualu bua Yozakâ, muana wa Shimeta, ne Yehozabada, muana wa Shomê, bantu bandi bakamutaha mputa; wakafua. Bakamujika ne bankambua bandi mu musoko wa Davidi; Amasaya, muanʼandi, wakakokesha mu muaba wandi.

2 Bakalenga 12:21 ပူးပေါင်းရင်းမြစ်များ

2 Samuele 5:9

Davide kuya kusomba muaba uvuabu bakolesha ne bimana. Kuinyikaye muaba awu ne: “Tshimenga tshia Davide” Pashishe Davide kuibakaye bimana bikuabu, pankatshi pa nzubu wende, ne tshibumba tshia Milo.

1 Bakalenga 15:27

Ke Basha, muana wa Akiya, muena tshisamba tshia Isakare, kuelela Nadabe tshifufu tshibi. Bena Peleshete bavua bamane kukuata tshimenga tshia Ngibetone. Dibadivua Nadabe ne bena mvita baluisha tshimenga atshi, Basha kushipa mukalenga Nadabe.

2 Bakalenga 10:9

Butshia, dinda, Yehu kupatuka mu tshimenga, kuimana muaba uvua bantu bonsu. Kubambilaye ne: — Nuenu kanuena ne bualu to! Meme ke uvua muelele mukalenga Yorame tshifufu. Meme ke udi mumushipe. Kadi, bantu bonsu aba, udi mubashipe nnganyi?

2 Bakalenga 13:1

Yowashe, muana wa Akaziya, mumane kulala mu bukalenga bua Yuda bidimu makumi abidi ne bisatu, Yowakaze, muana wa Yehu, kudia bukalenga mu Izrayele, mu Samariya. Kushalaye mu bukalenga bidimu dikumi ne muanda mutekete.

2 Bakalenga 14:1

Yowashe, muana wa Yowakaze, mumane kushala mu bukalenga bua bena Izrayele bidimu bibidi, Amashiya kupingana tatuende mu bukalenga bua Yuda.

2 Bakalenga 14:19

Bantu ba mu Yerushalayime, kuelela Amashiya tshifufu tshibi. Nanku, Amashiya kunyema, kuya mu musoku wa Lakishe. Kadi, kumulondabu mu musoku awu, kumushipelamu.

2 Bakalenga 14:5

Amashiya mumane kushindika bukalenga buende, kushipaye balombodi ba bena mvita bavua bashipa tatuende Yowashe.

2 Bakalenga 15:10

Nanku, muntu mukuabu dina diende Shalume, muana wa Yabeshe, kuelela Zekarya tshifufu tshibi, kumushipa ku Ibleyame, kuangata bukalenga.

2 Bakalenga 9:14

Tshikondu atshi, bena mvita bonsu ba bena Izrayele bavua balame tshimenga tshia Ramote tshivua mu ditunga dia Ngilaade, bua Azayele, mukalenga wa bena Siriya, kabuedimu to. Kadi, pavua mukalenga Yorame uluisha Azayele, bena Siriya kumutapa mputa. Nanku, mukalenga Yorame kuya kudiondapisha mputa ayi, mu tshimenga tshia Yizreyele. Kushalaye mu bulalu muaba awu. Kadi muikulu wa Nimshi, dina diende Yehu, muana wa Yosafate, kuelela Yorame tshifufu. Yehu kuambila bena mvita bakuabu ne: — Panuikala ku luseke luanyi, nudimuke. Muntu kena mua kumuka mu tshimenga bua kuya kuambila bena mu Yizreyele bidi bienzeka muaba ewu to.

2 Bakalenga 9:27

Akaziya, mukalenga wa bena Yuda, umona bionsu abi, kunyemaye kuya luseke lua ku Bete-Gane. Kadi, Yehu kumulondakaja. Kutuminaye bantu bende diyi bua bashipe kabidi Akaziya. Nanku, kuasabu Akaziya patshivuaye wendesha ditempu diende mu njila wa ku musoku wa Ngure, pabuipi ne tshimenga tshia Ibleyame. Kadi, Akaziya kunyema, kuya kufuila mu tshimenga tshia Megido.

2 Kulondolola 24:25

Pashishe, bena Arame kumuka, kushiya Yowashe mu dikenga dinene. Nanku, balombodi ba bena mvita ba Yowashe kumuelela tshifufu tshibi, bua kumusombuela bua lufu lua muana wa mutuangaji Yoyada. Kumushipelabu mu bulalu buende. Kumujikabu mu Tshimenga tshia Davide. Kadi kabena bamujika mu nkita ya bena diku dia bukalenga to.