2 Bakalenga 12:19 - MUKANDA WA MYIDI MUKULU

¹⁹ Diakamue, Yowashe mukalenga wa bena Yuda, kusangisha bintu bia mushinga mukole bionsu bivuabu balambula Maweja-Nangila kudi bankambua bende, bakalenga ba bena Yuda: Yosafate, Yorame, Akaziya, kabidi ne bivuaye mulambule yeye. Kusangishaye ne tshiamu tshia mpawungi tshionsu tshivuabu bateka mu tshibambalu tshia ku nzubu wa Mvidi Mukulu, ne mu tshibambalu tshia kutekela bintu mu nzubu wa bukalenga. Kutuminaye mukalenga Azayele bintu abi, bua kumusankisha. Nanku, mukalenga Azayele mmulekele kuluisha Yerushalayime.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Bienzedi bia Yoasha bikuabo ne malu onso akenzeye kabiena bifunda mu mukanda wa kulondolola kua malu a bakelenge ba Yuda, anyi?

2 Bakalenga 12:19 ပူးပေါင်းရင်းမြစ်များ

1 Bakalenga 11:41

Malu makuabu a Shelomu bavua baafunde mu mukanda udibu babikila ne: Malu adi Shelomu muenze. Mu mukanda awu, badi bakula bua malu onsu adi Shelomu muenze, balejamu kabidi meji onsu avuaye nawu.

1 Bakalenga 14:19

Malu makuabu a Yerobowame adi mafunda mu mukanda udibu babikila ne: Malu adi bakalenga ba bena Izrayele benza. Mu mukanda awu, mbafundemu mvita idi Yerobowame muluangane, ne mushindu uvuaye muenze mudimu wa bukalenga.

1 Bakalenga 14:29

Malu makuabu a Robowame mbaafunde mu mukanda udibu babikila ne: Malu adi bakalenga ba bena Yuda benza.

1 Bakalenga 15:18

Diba adi, Asa kupesha balombodi ba mu bukalenga buende tshiamu tshitoke tshia mushinga mukole, ne tshiamu tshia mapwungi, bivua bishala ne mu nzubu wa Mvidi Mukulu, ne mu nzubu wende wa bukalenga. Uvua mutume, balombodi ba mu bukalenga buende ku Damase ne bintu abi, bua baye kupesha mukalenga wa bena Siriya, Benadade, muana wa Tabrimone, kabidi muikulu wa Eziyone. Uvua mubatume kabidi bua bambila Benadade ne:

2 Bakalenga 12:18

Tshikondu atshi, Azayele, mukalenga wa bena Siriya, kufika bua kuluisha tshimenga tshia Ngate. Yeye mumane kutshikuata, kudilongololaye bua kuluisha Yerushalayime.

2 Bakalenga 12:20

Malu makuabu a mukalenga Yowashe, mbaafunde mu mukanda udibu babikila ne: Malu adi bakalenga ba bena Yuda benza.

2 Bakalenga 16:8

Nanku, Akaze kusangisha tshiamu tshia mpawungi ne tshiamu tshitoke tshia mushinga mukole, bivua mu nzubu wa Maweja-Nangila ne mu tshibambalu tshia kuteka bintu tshivua ku nzubu wa bukalenga. Kutuminaye mukalenga wa bena Ashure bintu abi bua kumusankisha nabi.

2 Bakalenga 18:15

Izkiya kuangata tshiamu tshitoke tshia mushinga mukole tshionsu tshivua mu nzubu wa Mvidi Mukulu, ne tshivua mu tshibambalu tshia ku nzubu wa bukalenga.

2 Bakalenga 18:16

Bua amone mua kulambula mpawungi uvua mumushe tshiamu tshia mpawungi tshivuaye mulamike kale ku biibi bia ku nzubu wa Mvidi Mukulu ne ku mabaya avua ku nseke yatshi. Kupeshaye mukalenga wa bena Ashure bintu bionsu abi.

2 Bakalenga 8:23

Malu makuabu a Yorame, mbaafunde mu mukanda udibu babikila ne: Malu adi bakalenga ba bena Yuda benza.